დავით მესხიშვილი: „გაოგნებული ვარ შესაბამისი სამსახურების გულგრილობით -  ქუთაისი-წყალტუბოს დამაკავშირებელი სისხლიანი გზა!“

დავით მესხიშვილი: „გაოგნებული ვარ შესაბამისი სამსახურების გულგრილობით - ქუთაისი-წყალტუბოს დამაკავშირებელი სისხლიანი გზა!“

access_time2019-02-08 14:30:35

„რამდენიმე დღის წინ ვიმყოფებოდი ქუთაისი-წყალტუბოს დამაკავშირებელ გზაზე, „რუსთავი 2“-ის გადამღებ ჯგუფთან ერთად. ეს ის გზაა, სადაც ბოლო 2 წლის განმავლობაში 9 ადამიანმა დატოვა სიცოცხლე, ხოლო 35-ზე მეტი დაშავდა/დასახიჩრდა. მათი უმრავლესობა, როგორც გარდაცვლილების, ასევე დასახიჩრებულების, იყო ახალგაზრდა, არასრულწლოვანი. ამა წლის 15 იანვრის შემზარავი ტრაგედიაც გემახსოვრებათ, რომლის დროსაც გარდაიცვალა 3 ახალგაზრდა. ვიფიქრე, ალბათ ახლა მაინც მოაწესრიგებდნენ წყალტუბო-ქუთაისის გზას (სულ რაღაც 7 კილომეტრიანი მონაკვეთია) შესაბამისი სამსახურებითქო, მაგრამ ამაოდ. თითი თითზე არ არის დადებული,“ — წერს  სოციალურ ქსელში არასამთავრობო ორგანიზაცია „ტრანსპორტისა და გზების ასოციაციის“ ხელმძღვანელი დავით მესხიშვილი.



ქუთაისი-წყალტუბოს დამაკავშირებელი გზის პრობლემას  „კომერსანტი“ სისტემატურად აშუქებს და მიმართავს შესაბამის ორგანოებს, თუმცა ხშირად პასუხსაც ვერ ვიღებთ. ამ შემთხვევაშიც დავუკავშირდით შინაგან საქმეთა სამინისტროს, რომლის არგუმენტებსაც, როგორც დაგვპირდნენ, მოგვიანებით მოგვაწვდიან, რასაც ჩვენ ავტომატურ რეჟიმში შემოგთავაზებთ. ამჯერად კი უცვლელად  გთავაზობთ დავით მესხიშვილის სტატუსს .



უმეტესობა შემთხვევებისა, რომლებიც ტრაგედიით ან ტრავმებით დასრულდა, გამოწვეული იყო მაღალი სიჩქარით. და საერთოდაც საერთაშორისო სტანდარტებითაა აღიარებული, რომ სიჩქარე კლავს: Speeding Kills! წარმოიდგინეთ, რომ ასეთ სისხლიან გზაზე არ დგას არცერთი საჭირო ამკრძალავი და მაფრთხილებელი საგზაო ნიშანი. განსაკუთრებით საგანგაშოა, რომ არ დგას მაქსიმალური სიჩქარის შემზღუდველი არც ერთი საგზაო ნიშანი! ეს იმ გზაზე, სადაც სიჩქარის გადაჭარბება ადამიანებს ხოცავს! გაოგნებული ვარ შესაბამისი სამსახურების გულგრილობით.


ამიტომ ვითხოვ:


  1. განთავსდეს შესაბამისი საგზაო ნიშნები   გასწრება აკრძალულია, სახიფათო მოსახვევი, მაქსიმალური სიჩქარის შეზღუდვა, ქვეითთა გადასასვლელი (მაფრთხილებელი), ავტობუსის გაჩერების ადგილი და სხვა;


2. შეიცვალოს იქ განთავსებული ძველი საგზაო ნიშნები ახლით. გამოყენებულ იქნას მაღალი ხარისხის მასალა, რის შედეგადაც საგზაო ნიშნები აღქმადი იქნება, განსაკუთრებით ღამის საათებში, აგრეთვე წვიმიან-ნისლიან ამინდში. დამონტაჟდეს საგზაო ნიშნები მძღოლისთვის ხილვად ადგილებში;


3. განახლდეს საგზაო მონიშვნები მაღალი შუქამრეკლობის მასალის გამოყენებით;


4. შეკეთდეს დაზიანებული სავალი ნაწილი, განსაკუთრებით ტალღოვანი მონაკვეთები;


5. მოწესრიგდეს ავტობუსის გაჩერების ადგილი. თავიდან დაიხაზოს ზებრა-გადასასვლელი მაღალი შუქამრეკლობის მქონე მასალის გამოყენებით. განთავსდეს სიჩქარის შემაფერხებელი ბორცვები ზებრა-გადასასვლელებთან. მოწესრიგდეს საფეხმავლო ბილიკები;


6. საავტომობილო გზის სავალ ნაწილზე, რამდენიმე ადგილას განთავსდეს ხმაურიანი ზოლები (ე.წ. შემაფხიზლებელი);



7. დამონტაჟდეს ელექტრო-მონიტორები - შეანელე სვლა;


8. განთავსდეს მინიმუმ სამი კამერა და სიჩქარის მზომი რადარი, წესრიგის დამყარების მიზნით.


მეგობრებო, მძღოლებო, მგზავრებო, პირველ რიგში, თქვენ მინდა წაიკითხოთ ეს ინფორმაცია და გაეცნოთ რეალურ სურათს, რომელიც, სტატისტიკის მიხედვით, საგანგაშოა. ამიტომ უმორჩილესად გთხოვთ, როცა ამ გზაზე მოხვდებით, იყავით ყურადღებით, ფრთხილად და სიჩქარეს ნუ გადააჭარბებთ, წესების დარღვევითაც ნუ გადაასწრებთ. ამ გზამ იმდენი სიკვდილი და სისხლი ნახა, რომ საკმარისია, სადღაც უნდა შევაჩეროთ! მარტო კამერების შიშით ნუ ვიქცევით ფრთხილად, გააზრებულად დავიცვათ მოძრაობის წესები. სულ ეს არის, რაც ჩვენ, მძღოლებს გვევალება!


ბოლოს კი ვტოვებ, წყალტუბო-ქუთაისის გზაზე მომხდარი საგზაო-სატრანსპორტო შემთხვევების ქრონოლოგიურ ჩამონათვალს, რომელიც არასრულია. ეს ის ინფორმაციაა, რაც მედიის საშუალებით გავრცელდა. ამ გზით კიდევ ერთხელ მსურს შესაბამის სამსახურებს მოვუწოდო მოქმედებისკენ!


2019 წლის 15 იანვარი: ქუთაისი-წყალტუბოს გზაზე ავტოსაგზაო შემთხვევას სამი ადამიანი ემსხვერპლა. ავტომობილი ბოძს შეეჯახა, შედეგად ავტომანქანას ცეცხლი გაუჩნდა და ტრანსპორტში მჯდომი სამივე ახალგაზრდა (20-22 წლის) დაიწვა.


2018 წლის 23 დეკემბერი: ქუთაისი-წყალტუბოს გზაზე ავტოსაგზაო შემთხვევა მოხდა. მაღალი სიჩქარით მოძრავი მსუბუქი ავტომობილი სამგზავრო მიკროავტობუსს შეეჯახა.


შემთხვევის შედეგად დაშავებული ხუთი ადამიანი სასწრაფო სამედიცინო დახმარების ბრიგადებმა ქალაქის საავადმყოფოებში გადაიყვანეს.


2018 წლის 3 ნოემბერი: წყალტუბო-ქუთაისის საავტომობილო გზაზე ავტოსაგზაო შემთხვევა მოხდა.ერთმანეთს ორი მსუბუქი ავტომობილი შეეჯახა. შემთხვევის შედეგად ერთი ადამიანი დაიღუპა. დაშავებულები სასწრაფო დახმარების სამსახურმა ქუთაისის ინტერვენციული მედიცინის ეროვნულ ცენტრში გადაიყვანა.


2018 წლის 2 აპრილი: ქუთაისი-წყალტუბოს გზაზე ავტოსაგზაო შემთხვევა მოხდა. მაღალი სიჩქარით მოძრავი ავტომობილი ქვეითად მოსიარულეებს დაეჯახა, ერთი მოქალაქე ადგილზე გარდაიცვალა, მეორე საავადმყოფოში გადაიყვანეს.


2018 წლის 18 მარტი: ქუთაისი-წყალტუბოს დამაკავშირებელ გზაზე მომხდარი ავტოსაგზაო შემთხვევის შედეგად გარდაიცვალა ქუთაისის მე-3 საჯარო სკოლის მე-11 კლასის მოსწავლე. დაშავდა 5 არასრულწლოვანი.


2018 წლის 24 მარტი: წყალტუბო–ქუთაისის გზაზე, მერსედესის მარკის ტაქსი რკინის ბოძს შეასკდა. შემთხვევას მსხვერპლი არ მოჰყოლია.


2017 წლის 13 სექტემბერი: ქუთაისი-წყალტუბოს გზაზე ავარია მოხდა. ერთმანეთს მსუბუქი ავტომობილი და მიკროავტობუსი შეეჯახა, რის შედეგადაც 7 ადამიანი დაშავდა. 5 დაშავებულს სამედიცინო დახმარება ადგილზე გაეწია, ხოლო ორის ჰოსპიტალიზაცია გახდა საჭირო, ერთს - თავის, ხოლო მეორეს მუცლის ტრავმა აღენიშნებოდა.


2017 წლის 18 აპრილი: ქუთაისი-წყალტუბოს გზაზე ავარია მოხდა. დაიღუპა 2 ადამიანი და 4 დაშავდა.


2017 წლის 26 თებერვალი: ქუთაისი-წყალტუბოს გზაზე ავტოსაგზაო შემთხვევაში გარდაიცვალა 1 ადამიანი, 2 კი დაშავდა.


2016 წლის აგვისტო: ქუთაისი-წყალტუბოს გზაზე სატვირთო ტრანსპორტი ქორწილის ავტომობილს შეეჯახა. დაშავდა რამდენიმე ადამიანი.



2016 წლის 18 მაისი: წყალტუბო-ქუთაისის დამაკავშირებელ გზაზე ავტოსაგზაო შემთხვევა მოხდა. ერთმანეთს სუზუკისა და ოპელ ვექტრას მარკის ავტომანქანები შეეჯახნენ. ოპელ ვექტრაში ბოლო ზარიდან მომავალი ახალგაზრდები ისხდნენ. დაშავებულები ჰოსპიტალში გადაიყვანეს.







იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები

იპოთეკის სუბსიდირება, ბავშვთა შემწეობის გაორმაგება, ბიზნესის მხარდაჭერა, დასაქმება – პრემიერ–მინისტრის პარლამენტში გამოსვლის ძირითადი თეზისები
access_time2021-06-25 16:30:13
საქართველოს მე-10 მოწვევის პარლამენტის საგაზაფხულო სესიის 25 ივნისის პლენარული სხდომაზე საქართველოს პრემიერ-მინისტრმა ირაკლი  ღარიბაშვილმა ანგარიში და ქვეყნის  განვითარების 10-წლიანი გეგმა წარადგინა. მისი თქმით, ეკონომიკური სტაბილურობისა და ქვეყნის სიძლიერისთვის რეგიონების განვითარება და ახალი სამუშაო ადგილების შემქნა...

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე

„ტურიზმის სექტორიდან კადრების გადინება ერთ-ერთი მწვავე პრობლემაა, რომელიც სწრაფ და ეფექტიან რეაგირებას საჭიროებს“ - ლევან ვეფხვაძე
access_time2021-06-25 14:50:47
საქართველოს ბიზნეს ასოციაციაში ტურიზმის კომიტეტის სხდომა გაიმართა, სადაც სექტორში არსებულ მთავარ გამოწვევად კვალიფიციური კადრების გადინება და შედეგად მათი სხვადასხვა ინდუსტრიებში გადანაწილება დასახელდა. ასოციაციის წევრი კომპანიებისა და კომიტეტის...

თინუსის სენდვიჩი თინუსისა და პურის გარეშე – NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს

თინუსის სენდვიჩი თინუსისა და პურის გარეშე –  NYT–ის ჟურნალისტურ გამოძიებას საქართველოში Subway–ს წარმომადგენელი პასუხობს
access_time2021-06-25 16:00:51
Subway–ს რესტორნების ქსელს ახალი პრობლემა აქვს: The New York Times–ის დამოუკიდებელმა გამოძიებამ ირიბად დაადასტურა, რომ პოპულარულ სენდვიჩში ჩადებული თინუსი არ აღმოჩნდა რეალური თინუსი. გამოძიების შედეგი თანხვედრაშია აშშ–ში მიმდინარე წელს გაკეთებულ კოლექტიურ სარჩელთან. გასულ წელს ირლანდიის სასამართლომ დაადგინა, რომ ამ პროდუქტში არც პურია პური. ამის შესახებ The New York Times წერდა. ამ თემაზე „კომერსანტი“ საქართველოში Subway–ს  წარმომადგენელს გივი ორდენიძეს დაუკავშირდა,...

გადაიხადე საკომისიოს გარეშე - აქცია თიბისი ფეისგან

გადაიხადე საკომისიოს გარეშე - აქცია თიბისი ფეისგან
access_time2021-06-25 13:55:24
დღეიდან თიბისი ფეის ვებგვერდსა და აპლიკაციაში ნებისმიერი სერვისის გადახდას საკომისიოს გარეშე შეძლებთ.   თიბისი ფეი არის პორტალი, სადაც თავმოყრილია 1000-ზე მეტი სერვისი. აქ შესაძლებელია გადაიხადოთ სხვადასხვა ტიპის გადასახადი, ასევე გადარიცხოთ ან მოითხოვოთ თანხა.   www.tbcpay.ge-ს მეშვეობით შეგიძლიათ დაფაროთ კომუნალური გადასახადები, საბანკო და სადაზღვევო თანხები, გადაიხადოთ სწავლის საფასური, შეიძინოთ სასაჩუქრე ბარათები...

ხაზარაძე საშემოსავლო გადასახადის შემცირების ინიციატივით გამოდის

ხაზარაძე საშემოსავლო გადასახადის შემცირების ინიციატივით გამოდის
access_time2021-06-25 13:50:20
ლელოს ლიდერი მამუკა ხაზარაძე პარლამენტის დარგობრივი ეკონომიკის კომიტეტის სხდომაზე საშემოსავლო გადასახადის 15–18%–მდე შემცირების ინიციატივით გამოვიდა. „თუ გვინდა რომ შემოსავალი გავზარდოთ, საშემოსავლო გადასახადი ქვეყანაში უნდა იქნას დაწეული. თუ საშემოსავლო გადასახადს დავწევთ 15-18 პროცედნტამდე, მე გარანტიას გაძლევთ, რომ ქვეყანა მიღებს მშპ–ის საკმაოდ სერიოზულ დანამატს და შეოსავალს ქვეყნის ბიუჯეტში“, - განაცხადა მამუკა ხაზარაძემ. მან „სტრატეგია აღმაშენებლის“ ლიდერის გიორგი...


მსგავსი სიახლეები

up