დავით ფერაძე - „თბილისის აბრეშუმის გზის ფორუმი“ „საქართველოს რკინიგზასა“ და ტრასპორტის სექტორს დიდ პოტენციალს აძლევს

დავით ფერაძე - „თბილისის აბრეშუმის გზის ფორუმი“ „საქართველოს რკინიგზასა“ და ტრასპორტის სექტორს დიდ პოტენციალს აძლევს

access_time2019-10-22 20:45:18

„აბრეშუმის გზის“ პროექტი მნიშვნელოვანია საქართველოსთვის, მისი ეკონომიკის განვითარებისთვის, – ამის შესახებ „საქართველოს რკინიგზის“ გენერალურმა დირექტორმა, დავით ფერაძემ განაცხადა.

 

მისი თქმით, „საქართველოს რკინიგზა“ განსაკუთრებულ ყურადღებას აქცევს „აბრეშუმის გზის“ ერთ-ერთ მთავარ მონაკვეთს – შუა დერეფანს.

 

„ტრადიციულად დერეფანი მიემართებოდა კასპიის ზღვიდან შავის ზღვის მიმართულებით. მინდა, აქვე გაცნობოთ, რომ 18 ოქტომბერს პირველი ​საფიდერო გემი გაეშვა ოდესის პორტიდან ფოთის მიმართულებით. აღსანიშნავია, მეორე მნიშვნელოვანი პროექტი – ბაქო-თბილისი-ყარსი, რომლითაც ორი წელია ტვირთების გადაზიდვა მიმდინარეობს. ამით მოხდა ჩინეთის ცენტრალური აზიის დაკავშირება საქართველოს გავლით თურქეთზე და შემდგომ თურქეთიდან ევროპის მიმართულებით“, – განაცხადა ფერაძემ.

 

ამასთან, მისი თქმით, ბაქო-თბილისი-ყარსზე საკმაოდ დიდი მოთხოვნაა საერთაშორისო ბაზარზე.

 


„ეს არის პირველი შემთხვევა, როდესაც საქართველო პირველ რიგში დაუკავშირდა თურქეთის რკინიგზას სამატარებლო ხაზით, ამით უკავშირდება ცენტრალურ აზიას, ასევე აფრიკის ქვეყნებს ხმელთაშუა ზღვის დახმარებით. დღეს, დაახლოებით 16:00 საათზე სიანის პროვინციიდან წამოსული 42 ვაგონიანი მატარებელი, რომელიც მიემართება ჩეხეთის რესპუბლიკაში, გადაკვეთს თურქეთ-საქართველოს საზღვარს“, – განაცხადა „საქართველოს რკინიგზის“ გენერალურმა დირექტორმა.

 

მისი თქმით, ბაქო-თბილისი-ყარსის პროექტის ფარგლებში გადაზიდული ტვირთების რაოდენობა გასულ წელს 150-170 ათასი ტონა იყო.

 

„ეს არის საწყისი ეტაპი და ვფიქრობთ, მომავალი წლის ბოლოსთვის გავზრდით დაახლოებით 800 ათასიდან მილიონ ტონამდე. რაც შეეხება იმას, რას ვაკეთებთ ტვირთების გასაზრდელად, აქ არის სატარიფო პოლიტიკის საკითხი, ურთიერთობა თურქულ, ასევე საერთაშორისო კომპანიებთან. დავდივართ საგარეო პლატფორმებზე,  ერთ-ერთი კარგი მაგალითია „თბილისის აბრეშუმის გზის ფორუმი“, რომელიც დიდ პოტენციალს აძლევს, როგორც „საქართველოს რკინიგზას“, ისე ტრასპორტის სექტორს, რათა განვითარდეს ჩვენი მიმართულება“, – განაცხადა რკინიგზის დირექტორმა და აღნიშნა, რომ საქართველოს მთავარი მიზანია, რეგიონის სატრანსპორტო ჰაბი გახდეს.

 

დავით ფერაძე „თბილისის აბრეშუმის გზის ფორუმში მონაწილეობს. ფორუმი დღეს გაიხსნა და ხვალ დასრულდება.

 

წყარო: პირველი არხი





შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი

შეაფერხეს თუ არა ბანკებმა საქართველოს საფონდო ბირჟის განვითარება?- მამუკა ხაზარაძის პასუხი
access_time2020-09-19 14:49:13
ის, რომ დღეს საქართველოს საფონდო ბირჟა განვითარებული არ არის, არის თუ არა მეტწილად ბანკების ბრალი, როგორც ამას ფინანსისტთა ნაწილი მიიჩნევს და შეუშალეს თუ არა მათ ხელოვნურად ხელი ბირჟის განვითარებას, ამ კითხვით Forbes Talks-ში წამყვანის მიერ დასმულ კითხვას „ლელო საქართველოს“ თავმჯდომარემ მამუკა ხაზარაძემ უპასუხა. პოლიტიკაში წასული ბიზნესმენი კატეგორიულად ამბობს, რომ არა! მისი თქმით, აქ პრობლემა რეგულაციებშია. ხაზარაძე Forbes Georgia-ს მთავარ რედაქტორთან ინტერვიუში ეროვნული ბანკის...

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე

ინდივიდუალური კალამი, პირბადე, ფარი, დეზინფექცია ყოველ 3 სთ-ში - რა წესების დაცვა მოგიწევთ არჩევნებზე
access_time2020-09-14 14:15:25
ცენტრალურმა საარჩევნო კომისიამ უკვე გამოაქვეყნა რეკომენდაციები, თუ რა წესების დაცვა იქნება სავალდებულო საარჩევნო უბნებზე 31 ოქტომბერს დაგეგმილ არჩევნებზე. შემუშავებული რეკომენდაციების თანახმად, აღსანიშნავია, რომ უბნებზე მისულ ამომრჩეველს თერმოსკრინინგი არ ჩაუტარდება და ამასთან, მათ ინდივიდუალური კალმების გამოყენების საშუალება ექნებათ. ცესკოს მიერ შემუშავებული რეკომენდაციები ასე გამოიყურება: კენჭისყრის შენობის შესასვლელთან უნდა განთავსდეს დეზობარიერი (კოლექტიური დაცვის...

პროგრამის - აწარმოე საქართველოში 17 ბენეფიციარს ქონება ჩამოერთვა

პროგრამის - აწარმოე საქართველოში 17 ბენეფიციარს ქონება ჩამოერთვა
access_time2020-09-19 13:45:14
“აწარმოე საქართველოში“ პროგრამის ფარგლებში აღებული ვალდებულებების შეუსრულებლობის გამო, პროგრამის ამოქმედებიდან დღემდე ქონება 17 კომპანიას ჩამოერთვა. აღნიშნული ინფორმაცია BM.GE-მ ქონების მართვის სააგენტოდან გამოითხოვა. ქონებაჩამორთმეულ კომპანიებს შორისა: შპს “იბერია ევრო პრო”შპს “აილამა”შპს “ენ-ეიჩ-ელ 43 “შპს “წალკის რძის პროდუქტები” ( ხელშეკრულება შეწყდა ვალდებულებების შესრულების ვადის დადგომამდე, მოსალოდნელი შეუსრულებლობით)შპს „ხევი“შპს “ნ.გ...

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია

კახა ბენდუქიძე: ამბობენ, რომ სააკაშვილის დროს ბევრ სფეროში დიდი დარღვევები იყო და ეს მართალია
access_time2020-09-19 14:45:19
„სააკაშვილმა მეკვიდრეობით მიიღო ფაქტიურად მომაკვდავი ქვეყანა თავისი ყველა მაჩვენებლით, არანაირი სახელმწიფოებრიობის ნიშნებით. ამავე დროს, არ იყო დრო, არ იყო კადრები, არც ფული, მაგრამ ჩვენ გვესმოდა, რომ უნდა გვემოქმედა ძალიან სწრაფად და შეუპოვრად. ქვეყნისთვის ყველაზე მთავარი საშიში პრობლემა იყო კორუფცია და დანაშაული. ამით დაინფიცირებული იყო საქართველოს სხეულის ყველა უჯრედი. საჭირო იყო გადაგვერჩინა მთლიანად სხეული და არა მისი ცალკეული ორგანოები და ჩვენ...

უნივერსიტეტებს უცხოელი სტუდენტების დაკარგვის ეშინიათ

უნივერსიტეტებს უცხოელი სტუდენტების დაკარგვის ეშინიათ
access_time2020-09-19 12:00:34
საქართველოს უმაღლეს სასწავლებლებში 13 000-ზე მეტი უცხოელი სტუდენტი სწავლობს. ახალი სასწავლო წელი მათთვის და მათი სასწავლებლებისთვის გამკაცრებული რეგულაციებით და გაზრდილი ხარჯით იწყება....


მსგავსი სიახლეები

up