დავით ბაქრაძე - ჩვენ ვართ ევროპა და ჩვენი სწრაფვა მიმართულია ევროპისა და ევრო-ატლანტიკური სტრუქტურებისკენ

დავით ბაქრაძე - ჩვენ ვართ ევროპა და ჩვენი სწრაფვა მიმართულია ევროპისა და ევრო-ატლანტიკური სტრუქტურებისკენ

access_time2018-10-19 23:10:24

ამერიკის შეერთებულ შტატებში საქართველოს საგანგებო და სრულუფლებიანმა ელჩმა დავით ბაქრაძემ ვაშინგტონში, ატლანტიკურ საბჭოს ორგანიზებით გამართულ კონფერენციაში – „ნაცრისფერი ზონების წაშლა“ მიიღო მონაწილეობა, რომელიც მიეძღვნა სამი ასოცირებული ქვეყნის – საქართველოს, უკრაინისა და მოლდოვას საგარეო პოლიტიკურ მისწრაფებებს, იმ გამოწვევებს რომლის წინაშეც ეს ქვეყნები დგანან, მათ შორის რუსეთის გეოპოლიტიკური ინტერესებისა და კრემლის აგრესიული პოლიტიკის გათვალისწინებით.

 

საქართველოს საგარეო საქმეთა სამინისტროს პრესსამსახურის ინფორმაციით, ღონისძიების მონაწილეებს სიტყვით მიმართა საქართველოს ელჩმა ამერიკის შეერთებულ შტატებში დავით ბაქრაძემ. დისკუსიისას, რომელიც რეგიონში ტრანსატლანტიკურ პოლიტიკას მიეძღვნა ელჩმა ისაუბრა საქართველოს ევროპულ და ევრო-ატლანტიკურ ინტეგრაციაზე, ასევე საქართველოს ტერიტორიების ოკუპაციაზე და რუსეთის ფედერაციის დესტრუქციულ პოლიტიკაზე, რაც ეწინააღმდეგება რეგიონში მშვიდობას და განვითარებას.

 

„ჩვენ ვაფასებთ მშვიდობასა და სტაბილურობას, ხაზი მინდა გავუსვა, რომ ჩვენ არ ვართ ევროპისა და აზიის საზღვარზე, ჩვენ ვართ ევროპა. ჩვენი მენტალიტეტი, კულტურა, ფასეულობები, მსოფლმხედველობა და მისწრაფებები ევროპულია. შესაბამისად, ჩვენი სწრაფვა მიმართულია ევროპისკენ და ევროატლანტიკური სტრუქტურებისკენ, რაც ამავდროულად არ ნიშნავს ვინმეს წინააღმდეგ წასვლას. პირიქით, განვითარებული და სტაბილური საქართველო ყველა მეზობლის ინტერესებში უნდა შედიოდეს, მათ შორის რუსეთის. თუმცა რუსეთი უარს აცხადებს საქართველოსთან სამშვიდობო მოლაპარაკებებში ჩაბმაზე, რასაც აფიქსირებს ჟენევის მოლაპარაკებების ფორმატშიც. ვითარება მძიმეა ოკუპირებულ რეგიონებშიც, სადაც მოსახლეობის რაოდენობა შემცირდა რამდენჯერმე, სუფევს მძიმე ჰუმანიტარული ვითარება, ოჯახები და სასოფლო-სამეურნეო მიწები გაყოფილია მავთულხლართებით, ადგილი აქვს ხალხის გატაცებასა და მკვლელობას“, – განაცხადა დავით ბაქრაძემ.

 


ელჩმა ისაუბრა საქართველოს ოკუპირებულ რეგიონებში შექმნილ მძიმე ჰუმანიტარულ ვითარებაზე, ადამიანის უფლებების დარღვევისა და სიცოცხლის ხელყოფის ფაქტებზე.

 

ელჩმა საკუთარ გამოსვლაში ხაზი გაუსვა საქართველო-ამერიკის სტრატეგიულ პარტნიორობას აშშ-ს მნიშვნელოვან როლს, როგორც რეგიონში სტაბილურობის უზრუნველყოფის, ასევე საქართველოს დემოკრატიული და ეკონომიკური განვითარების პროცესში. მან კიდევ ერთხელ გაუსვა ხაზი საქართველოს ევროპულ და ევრო-ატლანტიკურ მისწრაფებებს და აღნიშნა აშშ-ის, როგორც აღმასრულებელი ხელისუფლების, ასევე პოლიტიკური სპექტრის მტკიცე მხარდაჭერა ამ გზაზე.

 

წყარო: 1TV

 






"ყაზტრანსგაზი" და კალაძის ინტერესები - კომპანიის წამყვან თანამდებობებს თბილისის მერის პროტეჟეები იკავებენ

access_time2019-01-20 21:29:31
დიდ დიღომში დატრიალებული ტრაგედიის შემდეგ სულ უფრო აქტუალური ხდება კითხვა - ვინ არის მომხდარზე პასუხისმგებელი? დედაქალაქის მერია პასუხისმგებლობას იხსნის და ხელს კანონში არსებული რეგულაციებისკენ იშვერს, რომლის მიხედვითაც, ექსპლუატაციაში მიღებამდე კორპუსში ადამიანების ცხოვრება დაშვებულია. დიდი დიღომში მომხდარი უბედური შემთხვევისგან ქალაქის მერის მიერ პასუხისმგებლობის თავიდან არიდების მცდელობას პოლიტიკური ოპონენტები უზნეობად აფასებენ. კახა კალაძე...

როგორ გამოიყურებიან ცნობილი ბრენდების ნაკლებად ცნობილი შემქნელები

როგორ გამოიყურებიან ცნობილი ბრენდების ნაკლებად ცნობილი შემქნელები
access_time2019-01-20 20:00:48
მსოფლიო ბრენდების მფლობელების და დამაარსებლების...

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...


მსგავსი სიახლეები

up