მაშინ, როდესაც რუსეთის მოსახლეობის ნაწილი ახალ რეალობას ეჩვევა, სადაც კორონავირუსით დაინფიცირების საფრთხე არსებობს, მეორე ნაწილმა გადაწყვიტა არსებული სიტუაცია სხვა მიზნებისთვის გამოიყენოს. დასუფთევების კომპანიები მოქალაქეებს დამატებით ვირუსის საწინააღმდეგო დეზინფექციას, ხოლო კერძო კლინიკები კი შეშფოთებულ მოსახლეობას ძვირადღირებულ პროცედურებს სთავაზობენ. მოსახლეობის ნაწილმა კი გადაწყვიტა ბიზნესმენებს „კონკურენტების დაფრთხობის“ სერვისი შესთავაზოს.
ყველაფერი იმით დაიწყო, რომ ჯანდაცვის ორგანოების თანამშრომლებმა სოციალურ ქსელში შემდეგი შეტყობინება აღმოაჩინეს: „ჩინეთში ვიზიტის შემდეგ, ვესტუმრები თქვენს კონკურენტებს, მათ ოფისებს. შემდეგ, სამედიცინო დაწესებულებას საეჭვო სიმპტომებით მივმართავთ და ჩვენს ბოლოდროინდელ მარშრუტს გავაცნობთ“. ასეთი მომსახურების ღირებულება 50 000 რუბლია. ოპერატიულ-სამძებრო ღონისძებების შემდეგ გაირკვა, რომ რეკლამის ავტორი ფიტნეს-ინსტრუქტორი იყო.
დაკავებულმა განმარტა, რომ მისი განცხადება მხოლოდ ხუმრობა იყო და ასეთი გზით ცდილობდა ყურადღების მიქცევას თავისი ძირითადი სერვისის გასაყიდად. ამასთან, მან ხაზი გაუსვა რომ ჩინეთში არასდროს ყოფილა.ამ ეტაპზე სამართალდამცავი ორგანოები იმ ბიზნესმენებს ეძებენ, რომელთაც შეეძლოთ ინსტრუქტორის შეთავაზებით დაინტერესება.
ახალი სერვისები დასუფთავების კომპანიებმაც მოიფიქრეს, მათ შენობებსა და ოფისებში დამატებით დეზინფექციის ჩატარება დაიწყეს თითქოსდა ვირუსის საწინააღმდეგოდ. „იზვესტია“-ს ცნობით, ამ მომსახურებაზე მოთხოვნა პანდემიის გავრცელების შემდეგ ორჯერ გაიზარდა.
მოსკოვის სანიტარულ-ეპიდემიოლოგიურ სამსახურში „სუფთა ქალაქი“ განაცხადეს, რომ ინფექციის გავრცელებასთან ერთად ოფისებისა და ბინების დამუშავებაზე მოთხოვნა 100% ით გაიზარდა. მომსახურების ღირებულება ერთოთახიანი ბინისთვის 10 000 რუბლია.
აღსანიშნავია, რომ ვირუსის განეიტრალებისთვს დასუფთავების კომპანიები ქლორის შემცველ ნივთიერებებს იყენებენ მაშინ, როდესაც რეალური ეფექტი კორონავირუსის წინააღმდეგ ბრძოლაში მხოლოდ სპეციალურ პრეპარატებს აქვს. „როპოტრებნადზორმა“ მოსახლეობას ამ მომსახურების გამოყენებისგან თავის შეკავება სთხოვა.
ამასთან, გაიზარდა თაღლითობის ფაქტები - ადამიანები, რომლებიც თავს ეპიდემიოლოგიური სამსახურის თანამშრომლებად ასაღებენ, კარდაკარ დადიან და მოსახლეობას დეზინფექციის სერვისს სთავაზობენ.
სანკტ-პეტერბურგის კლინიკაში ყველაზე პოპულარული პროცედურა, რომლის გაყიდვაც ხდება, ეს სრულიად ჩვეულებრივი სისხლის ანალიზია. ადგილობრივი მედიკოსების თქმით, ვირუსის ადრეულ სტადიაზე აღმოჩენა ამ გზით შეიძლება. ასეთი გამოკვლევა 2200 რუბლი ღირს .
„როსპოტრებნადზორში“ აცხადებენ, რომ კორონავრუსის საშიშროების შემთხვევაში მოქალაქეს ეკრძალება სამედიცინო დაწესებულებებში სიარული და სხვადასხვა პროცედურების ჩატარება. ასეთ შემთხვევაში საკმარისია მათ გამოიძახონ სასწრაფო დამხარება და სიმპტომების შესახებ მათ აცნობონ.
კორონავირუსის დიაგნოსტიკა სპეციალურ ლაბორატორიებში ხდება, ხოლო სისხლის, ცხვირის ნაცხისა და თუ სხვა შეთავაზებული ანალიზების ჩატარება მხოლოდ ინფექციურ საავადმყოფოში ჰოსპიტალიზაციის დროს ხდება.
GAZETA.RU
მარიამ მორგოშია