„ქვეყანაში ტრანსპორტის განვითარების  ბევრი პროექტია გაჩერებული, არ შეიძლება არსებობდეს ინიციატივა, რომელიც მოსახლეობას  დაარტყამს“

„ქვეყანაში ტრანსპორტის განვითარების ბევრი პროექტია გაჩერებული, არ შეიძლება არსებობდეს ინიციატივა, რომელიც მოსახლეობას დაარტყამს“

access_time2020-01-14 13:30:11

„როდესაც ქვეყანაში ტრანსპორტის განვითარების მიმართულებით   ბევრი პროექტია გაჩერებული არ შეიძლება დრო იკარგებოდეს ისეთ ინიციატივებზე, რომელიც მოსახლეობას კიდევ ერთხელ დაარტყამს“-  პარლამენტის გარემოს დაცვისა და ბუნებრივი რესურსების კომიტეტის მიერ გამოქვეყნებულ, თემატური მოკვლევას ტრანსპორტისა და გზების ასოციაციის ხელმძღვანელი დავით მესხიშვილი ეხმაურება.

 

დარგის ექსპერტები ფიქრობენ რომ, თუ სამომავლოდ მაინც დააპირებენ მსგავსი ინიციატივის გაჟღერებას, ქალაქში უკვე გაზრდილ ავტომობილების რიცხვს კი არ უნდა ებრძოლონ, არამედ იმას, თუ რა იწვევს მათი რაოდენომის ზრდას.  ქალაქში ავტომობილების სიჭარბეს, კი დავით მესხიშვილი საზოგადოებრივი ტრანსპორტის მოუწესრიგებლობით ხსნის. რადგან  ბევრია ისეთი ადამიანი ვინც ყოველდღიური გადაადგილებისთვის, ავტომობილს არ გამოიყენებდა ავტობუსებისა და მიკროავტობუსის, როგორც რაოდენობრივი ასევე ხაზის პრობლემა, რომ მოგვარებული იყოს.  

 

მესხიშვილის თქმით,  თემატურ კვლევაში გაჟღერებული საკითხი მხოლოდ მოსაზრებაა და მის ინიცირებას პარლამენტი არ აპირებს მსგავს საკითხებზე მსჯელობის დროს უნდა გაითვალისწინონ რიგი პრობლემები, რომელის წინაშეც საზოგადოება დგას.   

 

„მსგავსი ინიციატივის შესახებ არ მსმენია და ალბათ ამ ნაბიჯს არც გადადგამენ, თან იმ მძიმე პოლიტიკური ვითარების დროს, როგორიც დღეს  ქვეყანაშია.  თუმცა იდეის დონეზე რაღაცის განხილვას, ჯობია  ის ძირეული პრობლემები  მოაგვარონ რაც უკავშირდება საზოგადოებრივ ტრანსპორტს. „-ამბობს დავით მესხიშვილი და იმ შეჩერებულ პროექტებზე საუბრობს, რომელიც სატრანსპორტო საშუალებებს უკავშირდებათ.



„ასეთ თემებზე მსჯელობაც კი არ უნდა იყოს, მაშინ როდესაც ადმინისტრაციულ სამართალდარღვევათა კოდექსში ცვლილებებია  შესატანი,   მართვის მოწმობის ქალაქის რეალურ სივრცეში  გადატანის საკითხი შეჩერებულია, ასევე  გაჩერებულია  მესამე პირის სავალდებულო დაზღვევის პროექტი, ჯერ ამ რეალურ პრობლემებზე უნდა იზრუნონ და შემდეგ გადავიდნენ მსგავს საკითხზე“-ამბობს მესხიშვილი.

 

„ოჯახში ავტომობილების რაოდენობასთან და მასზე დაწესებულ გადასახადზე არანაირი ინიციატივა არ არსებობს და ეს ინფორმაცია არასწორია,“- ასევე გამოეხმაურა მაჟორიტარი დეპუტატი ნინო წილოსანი „კომერსანტის“ საშუალებით ინფორმაციას, სადაც ნახსენებია, რომ  ოჯახში 3 და მეტი მანქანის ფლობისთვის შესაძლოა, მოსაკრებელი დააწესონ.

 

მისი თქმით, პარლამენტის გარემოს დაცვისა და ბუნებრივი რესურსების კომიტეტის მიერ თემატურ  მოკვლევაში საუბარი იყო რამდენიმე შესაძლო ვარიანტზე, თუმცა მისი განხორციელება არც ახლა და არც სამომავლოდ არ იგეგმება.

 

„თვეების წინ გარემოს დაცვის კომიტეტში, თბილისში ჰაერის მდგომარეობასთან დაკავშირებით ჩატარებული მოკვლევისას ისმინებოდა უამრავი მონაწილე პირის მოსაზრება, რომელიც არ აისახა კომიტეტის რეკომენდაციებში. უბრალოდ თავად პროცესის აღწერისას ანგარიშში მოხვდა, როგორც მოსაზრების გამოთქმის პრეცენდენტი. კიდევ ერთხელ მინდა დაგიდასტუროთ, რომ მსგავსი ინიციატივა არ მუშავდება პარლამენტში და არც მსგავს ინიციატივას არ აქვს ადგილი.  შემდეგ ჯგუფი აკეთებს ანგარიშს სადაც შესულია ჯგუფის წევრების მოსაზრებები, მათ  შორის ეს მოსაზრებაც იყო და ბევრმა სააგენტომ გაიტანა ისე თითქოს მუშავდება კანონპროექტი რაც აბსურდია.“-აცხადებს წილოსანი.


შეგახსენებთ, რომ „კომერსანტი“ არსებული თემით მას შემდეგ დაინტერესდა, რაც სხვადასხვა მედიასაშუალებების მიერ გავრცელდა ინფორმაცია, რომ  ოჯახში 3 ან მეტ მანქანის ყოლაზე შესაძლოა გადასახადი დაწესებულიყო.  თემატურ დოკუმენტში ისიცაა ნახსენები, რომ შეიძლება თბილისის მასშტაბით, მოსაკრებელი დაწესდეს ძრავის მოცულობის მიხედვით. შესაბამისად, შეღავათიანი პირობებით ისარგებლებს იმ ავტოსატრანსპორტო საშუალების მფლობელი, რომელიც უფრო ნაკლები მოცულობის ძრავის ავტომანქანას მართავს.


რაც უფრო დიდი მოცულობის ძრავი აქვს ტრანსპორტს, მით მეტია გამონაბოლქვი და ჰაერის დაბინძურება. უნდა არსებობდეს წახალისება მათთვის, ვინც ეკოლოგიურად სუფთა ტრანსპორტს მართავს, - ნათქვამია თემატურ დოკუმენტში.

 

ნათია ლომიძე




ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...


მსგავსი სიახლეები

up