დასავლური ინტეგრაცია - როგორია აღმოსავლეთ ევროპის ხედვა?

დასავლური ინტეგრაცია - როგორია აღმოსავლეთ ევროპის ხედვა?

access_time2017-02-21 09:30:25

ეროვნულმა დემოკრატიულმა ინსტიტუტმა (NDI) ატლანტიკურ საბჭოსთან ერთად ბალკანეთიდან და აღმოსავლეთ ევროპიდან, საქართველოდან და უკრაინიდან საპარლამენტო დელეგაციებს უმასპინძლა. შეხვედრას საქართველოდან „ქართული ოცნების" დეპუტატი კახაბერ კუჭავა და „მოძრაობა თავისუფლებისთვის - ევროპული საქართველოს" წარმომადგენელი ელენე ხოშტარია ესწრებოდნენ. შეხვედრაზე ისაუბრეს თემაზე, თუ რას მოელიან ეს ქვეყნები დასავლეთისგან, როგორია ევროინტეგრაციის მომავალი და არსებული კრიზისების გათვალისწინებით, როგორი უნდა იყოს ბრიუსელის და ვაშინგტონის მიდგომა რეგიონისადმი.


ევროპა საიმიგრაციო კრიზისთან და ბრიტანეთის მიერ გაერთანების დატოვებასთან ერთად, პოპულიზმის აღზევებას განიცდის. ძლიერდება პოპულისტი და რადიკალი მემარჯვენე პარტიების მხარდაჭერა საფრანგეთში, გერმანიასა და ჰოლანდიაში. შეშფოთებას, გერმანიის და საფრანგეთის მომავალი არჩევნების კვალდაკვალ რუსეთის საკითხი იწვევს.

 

„არსებული სიტუაციის გათვალისწინებით და როდესაც თავისუფალ, ერთიან და მშვიდობიან ევროპაზე ვსაუბრობთ, მნიშვნელოვანია იმის მოსმენა, თუ როგორია იმ ქვეყნების წარმომადგენლების მოსაზრება ვინც ევროპისკენ მიისწაფიან", - აღნიშნა ალინა პოლიაკოვამ. პოლიაკოვა ატლანტიკურ საბჭოში ევრაზიის ცენტრის დირექტორის მოადგილეა.

 

ვაშინგტონში მოსკოვის აშშ-ის საპრეზიდენტო არჩევნებში ჩარევის საკითხი მთავარ განსახილველ საკითხთა შორისაა. ამერიკის კონგრესი აშშ-ის ადმინისტრაციასა და რუსეთის კავშირების შესწავლას გეგმავს. ამ დროს, თუ როგორ პოლიტიკას აირჩევს პრეზიდენტი დონალდ ტრამპი კრემლის მიმართ ჯერჯერობით გაურკვეველი რჩება. ევროპაში შიშობენ, რომ მომავალ არჩევნებზე მოსკოვი შესაძლოა შეეცადოს პირდაპირი და არაპირადიპი გზებით პოლიტიკურ ძალთა ბალანსზე გავლენა მოახდინოს. აღმოსავლეთ პარტიორობის ქვეყნები და ბალკანეთის ქვეყნები ამ პროცესს ყურადღებით აკვირდებიან.

 

„საქართველო ცდილობს უფრო მეტად დაუახლოვდეს ევროკავშირს და NATO-ს. ჩვენ ვიმედონებთ, რომ უფრო წინ წავალთ ამ გზაზე. ჩვენ მივყვებით ასოცირების შეთანხმების მოთხოვნებს, ჩვენ გვაქვს გამოწვევები, როგორიცაა ეკონომიკური განვითარება და სწრაფი ზრდა, რომლისთვისაც საჭიროა მშვიდობა არა მარტო ქვეყანაში, არამედ რეგიონში. ჩვენ ვცდილობთ პროგრესისკენ ნაბიჯის გადადგას, ჩვენ გვაქვს გამოწვევები, რომლის გადალახვასაც მოვახერხებთ“, - განაცხადა კუჭავამ.

 

"ამერიკის ხმის" კითხვას, მიიჩნევს თუ არა ქართული ოცნება პრორუსული ძალების მიერ საქართველოში პოპულარობის ზრდას და პრო-რუსული პარტიის პარლამენტში შესვლას პრობლემურად იმ ფონზე, როდესაც სამოქალაქო საზოგადოებას აშფოთებს მთავრობის მიერ „გაზპრომთან" დადებული ხელშეკრულება და ასევე, რას აკეთებს რუსული გავლენის შესამცირებლად "ქართული ოცნება", კახა კუჭავამ განაცხადა, რომ „ფაქტია ის, რომ პატრიოტთა ალიანსის 4-მა წარმომადგენლმა ორპარტიულ ინიციტივას ევროინტეგრაციის შესახებ მხარი დაუჭირა". რაც შეეხება რუსეთის გავლენის ზრდას, მისი თქმით, „ეს [რუსული გავლენის ზრდა] გლობალური ტრენდია და საჭიროა ამასთან ერთიანი ძალებით ბრძოლა." გაზპრომის თაობაზე მან აღნიშნა, რომ ეს იყო „არსებული ხელისუფლების მოლაპარაკება" და საქართველოს ენერგო რესურსები „ამ კომპანიაზე არ არის დამოკიდებული".საუბარი ასევე შეეხო საკითხს, თუ რამდენად შესაძლებელია ველოდოთ რეფორმების გაგრძელებას რეგიონში ისეთ სიტუაციაში, თუ ევროკავშირსა და NATO-ში წევრობის დაპირება არ იქნება განხილვის საკითხი.

 

"ქართული ოცნების" წარმომადგენელმა ვაშინგტონელ კოლეგებთან განაცხადა, რომ „საქართველო განაგრძობს და გააგრძელებს ევროკავშირთან დაახლოებას, რათა დარჩეს დემოკრატიული განვითარების მაგალითი რეგიონში."

 

ხოლო ახალი პარტიის, „მოძრაობა თავისუფლებისკენ - ევროპული საქართველოს“ წევრმა ელენე ხოშტარიამ აღნიშნა, რომ საჭიროა დასავლეთთან უფრო აქტიური მუშაობა.

 

„აღმოსავლეთ ევროპაში, როდესაც დემოკრატიული რეფორმების ტალღა ვიხილეთ, თქვენ იცით რომ ეს პირდაპირ უკავშირდებოდა ევრო-ატლანტიკური ინტეგრაციის პროცესს და მშვიდობას და უსაფრთხოებას. მომდევნო ტალღა ვიხილეთ ვარდების რევოლუციის შემდეგ, რომელმაც დემოკრატიული რეფორმები მოიტანა და ახლა კითხვა მდგომარეობს იმაში, შევინარჩუნებთ თუ არა ამ რეფორმებს... თუ გვსურს რეფორმების შენარჩუნება, უსაფრთხოების და მშვიდობის შენარჩუნება ევროატლანტიკურ სივრცეში, ამისთვის საჭიროა იმის გაანალიზება, რომ ეს ქვეყნები ამ სივრცის ნაწილი არიან, როგორც მეორე მსოფლიო ომის და ცივი ომის შემდეგ მოხდა... პრობლემის არსი არის ის, რომ რუსეთს აქვს კოჰერენტული სტრატეგია და თანმიმდევრული პოლიტიკა, რაც მდგომარეობს მისი გავლენის გავრცელებაში, რაც ჩვენ ჩვენს რეგიონში ვნახეთ და ახლა აქ ვხედავთ...მხოლოდ იმიტომ, რომ რუსეთს პოლიტიკური ფასი არ გადაუხდია ამისთვის... [მოსკოვი] ცდილობს იმის ჩვენებას, რომ ის [რუსეთი] ტრადიციული ღირებულებების დამცველია მაშინ, როდესაც [კრემლი] გვეუბნება, რომ დასავლეთი ჩვენს ღირებულებებს ძირს უთხრის. დასავალეთს არ აქვს ერთგვაროვანი ხედვა. საჭიროა გამოკვეთილი სტრატეგიის ქონა... ეს არ ნიშნავს, რომ ჩვენ ვწუწუნებთ. პირიქით, ჩვენ აქტიურად უნდა ვიმუშავოთ პარტნიორებთან, ვიყოთ ამბიციურები და ვაჩვენოთ, რომ ვართ ამ სივრცის ნაწილი და ვართ ერგულნი საერთო ღირებულებების", - განაცხადა ელენე ხოშტარიამ.

 

უკრაინის უმაღლესი რადის წარმომადგენელმა, პარტია „სამაპომოშიდან" ოლენა სოტნიკმა ისაუბრა უკრაინის მაგალითზე და თქვა, რომ უკრაინის შემთხვევაში დასავლეთს უნდა ესმოდეს ის, რომ რეფორმების განცხორციელების ტემპი და შესაძლებლობა ბევრ რესურს მოითხოვს. „საჭიროა, იმის გაცნობიერება, რომ ამისთვის დრო და რესურსებია საჭიროა", - განაცხადა ოლენა სოტნიკმა. მისი თქმით უკრაინის ისტორიის მანძილზე, მაიდანის რევოლუცია პირველი შემთხვევა იყო, როდესაც ქვეყანამ რეალურად გადაწყვიტა გაყოლოდა ევროინტეგრაციის გზას. „ეს იყო იმის მცდელობა, რომ თავი დაგვეღწია რუსეთისგან... და წავსულიყავით ევროპისკენ, - აღნიშნა მან. „უკრაინაში რეფორმების კუთხით შიდა, სამოქალაქო საზოგადოების წნეხი არსებობს. თუმცა დასავლეთიდან მხარდაჭერის ჩვენება საჭიროა. პრო რუსული ძალები თამაშობენ მოლოდინებით [ევროინტეგრაციასთან დაკავშირებით] და ჩვენ გვჭირდება სიგნალი იმისა, რომ უკრაინა პარტნიორია და რომ თანასწორი პარტნიორია", - თქვა მან.

 

საპარლამენტო დელეგაციის წარმომადგენლები ვაშინგტონში შეხვედრებს განაგრძობენ, რის შემდეგაც კალიფორნიაში გაემგზავრებიან. ვიზიტი სახელმწიფო დეპარტამენტის მხარდაჭერით და ეროვნულ-დემოკრატიულ ინსტიტუტთან თანამშრომლობით ხორცილედება.

 

„ამერიკის ხმა“

 



რა ეკონომიკურ და პოლიტიკურ დივიდენდებს მოუტანს TANAP-ი საქართველოს

რა ეკონომიკურ და პოლიტიკურ დივიდენდებს მოუტანს TANAP-ი საქართველოს
access_time2020-02-23 15:00:35
“სამხრეთის დერეფნის კონცეფცია საქართველოს მნიშვნელოვან პოლიტიკურ დივიდენდსა და ენერო უსაფრთხოებას მოუტანს,” – ამის შესახებ საქართველოს ნავთობისა და გაზის კორპორაციის გენერალურმა დირექტორმა, გიორგი ბახტაძემ, report.ge-ისთან საუბრისას განაცხადა. მისი განმარტებით, ტრანს-ანატოლიური გაზსადენის – TANAP ამოქმედებამდე საქართველო გაზის მხოლოდ რეგიონული მნიშვნელობის სატრანზიტო ქვეყანას წარმოადგენდა. ახლა იგი საერთაშორისო მასშტაბის მოთამაშედ ჩამოყალიბდა. ამიერიდან...

საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...


მსგავსი სიახლეები

up