დასავლური ბანკები რუსეთის სამთავრობო ვალის ბაზარზე დროებით დაბრუნდნენ

დასავლური ბანკები რუსეთის სამთავრობო ვალის ბაზარზე დროებით დაბრუნდნენ

access_time2022-08-15 16:40:00

მსხვილმა დასავლურმა ბანკებმა რუსულ კორპორაციულ და სახელმწიფო ობლიგაციების ბაზარზე ფრთხილი დაბრუნება დაიწყეს, რომ ინვესტორებს „ტოქსიკური“ აქტივებისგან „გათავისუფლებაში“ დაეხმარონ. ინფორმაციას Reuters წყაროებსა და საბანკო დოკუმენტებზე დაყრდნობით ავრცელებს. სააგენტო, ასევე, ინვესტორების მიერ ბანკებიდან მიღებულ წერილებს, შენიშვნებსა და სხვა შეტყობინებებს ეყრდნობა.


Reuters-ის ცნობით, ბანკებს შორის, რომლებიც კლიენტებს რუსულ ფასიან ქაღალდებზე ოპერაციებში დახმარებას სთავაზობენ, არის JPMorgan, Bank of America, Citigroup, Deutsche Bank, Barclays და Jefferies. ზოგიერთი ბანკი თავის კლიენტებს დახმარებას ექსკლუზიურად რუსული ფასიანი ქაღალდების გაყიდვაში, ზოგი კი იმ გარიგებებში სთავაზობს, რომელიც რუსული აქტივების წილის შემცირებას უწყობს ხელს. ამასთან, ისინი ინვესტორებს სთხოვენ, ხელი მოაწერონ დოკუმენტებს გარიგებამდე, რაც ბანკს საშუალებას აძლევს, გააუქმოს ტრანზაქცია, თუ ანგარიშსწორება არ განხორციელდება, რადგან არსებობს რისკი, რომ ბანკი ანგარიშებზე რუსული ფასიანი ქაღალდებით დარჩეს.


Bank of America-მ მომხმარებელთა საინფორმაციო ბიულეტენში წერს, რომ ობლიგაციებს შეიძენს და დაუყოვნებლივ გადაყიდის, ხოლო ერთ-ერთი ბანკი თავის დოკუმენტებში მომხმარებლებს აფრთხილებს, რომ ანგარიშსწორება ჩვეულებრივზე მეტხანს გაგრძელდება.


Bank of America, Barclays, Citi და JPMorgan კომენტარს არ აკეთებენ, თუმცა Jefferies-ში აცხადებენ, რომ ბანკი „თავის საქმიანობაში გლობალური სანქციებით ხელმძღვანელობს და კლიენტებს ამ რთული სიტუაციიდან გამოსვლაში ეხმარება.“ Deutsche Bank-თან დაახლოებული წყაროს ცნობით, ბანკი, მოთხოვნის შემთხვევაში, კლიენტებისთვის მხოლოდ რუსული ობლიგაციებით ვაჭრობს.



24 თებერვლამდე, დაახლოებით, 40 მლრდ დოლარის ღირებულების რუსული სუვერენული ობლიგაციები იყო მიმოქცევაში, რომელთა, თითქმის, ნახევარი უცხოურ ფონდებს ეკუთვნოდა. Reuters-ის შეფასებით, უკრაინაში ომის დაწყების შემდეგ რუსული აქტივების ინვესტორები რთულ ვითარებაში აღმოჩნდნენ, რადგან ფასიანი ქაღალდების ღირებულება მკვეთრად დაეცა, მყიდველები გაქრნენ, სანქციებმა კი ვაჭრობა მეტად გაართულა.


ივნისში ხაზინის დეპარტამენტმა ამერიკელ ინვესტორებს მეორად ბაზრებზე რუსული ვალის ან აქციების ყიდვა აუკრძალა, რის შემდეგაც ამერიკული და ევროპული ბანკების უმეტესობა რუსეთის ვალის ბაზრიდან გავიდა. ივლისში აშშ-ის ხაზინამ გასცა ლიცენზიები, რომლებიც ბანკებს ტრანზაქციების საშუალებას დროებით აძლევდა, რომ რუსეთის ფასიანი ქაღალდების ამერიკელ მფლობელებს თავიანთი პოზიციები დაეხურათ. ამის შემდეგ უმსხვილესმა ბანკებმა ბაზარზე „ფრთხილი დაბრუნება“ დაიწყეს. ასევე, წესები შეარბილეს ევროპულმა მარეგულირებლებმაც, რამაც მმართველ კომპანიებს რუსული აქტივების ე.წ. გვერდითა ჯიბეებში განთავსების საშუალება მისცა.


Reuters-ის მონაცემებით, ივლისის ბოლოდან განახლებული სავაჭრო აქტივობის ფონზე ზოგიერთ რუსულ ობლიგაციაზე ფასები გაიზარდა, თუმცა სააგენტომ ასეთი ფასიანი ქაღალდების მყიდველები ვერ დაადგინა.


ბიზნესპრესნიუსი


თეგები:
ბანკები



სიახლე მხოლოდ ლიბერთის მომხმარებლებისთვის

სიახლე მხოლოდ ლიბერთის მომხმარებლებისთვის
access_time2022-09-30 11:55:06
დღეიდან, ლიბერთიში სოციალური სარგოს მიმღებ პირებს შესაძლებლობა აქვთ სამომხმარებლო ტიპის სესხებზე 4 წლამდე ვადით ისარგებლონ. "მოხარული ვართ, რომ საშუალება მოგვეცა განსაკუთრებული პირობები შეგვეთავაზებინა ექსკლუზიურად ჩვენი მომხმარებლებისთვის. როგორც იცით, 2022 წლის აგვისტოში ეროვნული ბანკის მიერ მიღებული რეგულაციის თანახმად, სამომხმარებლო ტიპის სესხებზე მაქსიმალური ვადა განისაზღვრა 36 თვით, რაც ჩვენი მომხმარებლების გარკვეული ნაწილისთვის შეამცირებდა სამომხმარებლო ტიპის...

„შეცვალე“ - პროკრედიტ ბანკი მასშტაბურ გარემოსდაცვით კამპანიას იწყებს

„შეცვალე“ - პროკრედიტ ბანკი მასშტაბურ გარემოსდაცვით  კამპანიას იწყებს
access_time2022-09-30 11:25:34
შეცვალე! ნუ დაკარგავ კავშირს ბუნებასთან, მოუფრთხილდი მას! თემა, რომელიც დღეს განსაკუთრებით აქტუალურია და საკითხი, რომელიც ყველას გვაფიქრებს: ეკოლოგია და გარემოს დაცვა. პროკრედიტ ბანკმა ახალი კამპანია სწორედ ამ მიმართულებით წამოიწყო. გარემოსდაცვით კამპანიას ბანკი მთავარი ვიდეო რგოლით ხსნის, რომელიც  მოკლემეტრაჟიან ფილმს გვაგონებს. სცენარი წარმოსახვით სამყაროში ვითარდება და განსაკუთრებული სიმძაფრით აღწერს იმ მომავალს, რომელიც შეიძლება დადგეს, თუკი ბუნებას არ...

ევრო დოლართან მიმართებით ახალ რეკორდულ ნიშნულამდე გაუფასურდა

ევრო დოლართან მიმართებით ახალ რეკორდულ ნიშნულამდე გაუფასურდა
access_time2022-09-30 11:30:28
ევროპის მასშტაბით ენერგოკრიზისის, რუსეთ-უკრაინის ომის გამწვავებისა და აშშ-ის ფედერალური რეზერვის მიერ მონეტარული პოლიტიკის გამკაცრების ფონზე, ევრო ამერიკულ დოლართან მიმართებით რეკორდულად უფასურდება. საერთაშორისო სავალუტო ბირჟაზე დღეს ერთი ევროს სანაცვლოდ 0.956 დოლარის შეძენაა შესაძლებელი, რაც ბოლო ოცწლეულის მინიმალური მაჩვენებელია. საგულისხმოა, რომ რუსეთის მიერ ნაწილობრივი სამხედრო მობილიზაციის გამოცხადებისა და ევროპის ენერგოუსაფრთხოების კითხვის...

8 თვეში ეკონომიკა 10.3 პროცენტით გაიზარდა

8 თვეში ეკონომიკა 10.3 პროცენტით გაიზარდა
access_time2022-09-30 11:04:56
წინასწარი შეფასებით, 2022 წლის აგვისტოში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 10.5 პროცენტი შეადგინა, ხოლო 2022 წლის პირველი რვა თვის საშუალო მაჩვენებელი 10.3 პროცენტით განისაზღვრა. საქსტატის ინფორმაციით, 2022 წლის აგვისტოში, წინა წლის შესაბამის პერიოდთან შედარებით ზრდის მიმართულებით მნიშვნელოვანი წვლილი შეიტანა შემდეგმა დარგებმა: ტრანსპორტი და დასაწყობება, მშენებლობა, ინფორმაცია და კომუნიკაცია, სასტუმროები და რესტორნები...

როდესაც პუტინის კამპანია უკრაინაში სუსტდება, ქართველები ფრთხილად უნდა იყვნენ - დამ კინზინგერი

როდესაც პუტინის კამპანია უკრაინაში სუსტდება, ქართველები ფრთხილად უნდა იყვნენ - დამ კინზინგერი
access_time2022-09-30 10:30:34
რესპუბლიკელი კონგრესმენის ადამ კინზინგერის განცხადებით, ბელარუსის პრეზიდენტის ალექსანდრე ლუკაშენკოს „ვიზიტი“ ოკუპირებულ საქართველოს რეგიონებში საერთაშორისო ნორმებს ეწინააღმდეგება. აღნიშნულ ინფორმაციას „ამერიკის ხმის“ ქართული რედაქცია ავრცელებს. კინზინგერი ამბობს, რომ ბელარუსის მოქმედი ლიდერისგან გასაკვირი არაფერია, თუმცა მნიშვნელოვანია, რომ საერთაშორისო საზოგადოებამ მკაფიო მესიჯები გააჟღეროს, საქართველოს ოკუპირებულ ტერიტორიებთან...


მსგავსი სიახლეები

up