დასავლეთი VS რუსეთი - ვინ რას ამბობს ნიკა მელიას დაკავებაზე

დასავლეთი VS რუსეთი - ვინ რას ამბობს ნიკა მელიას დაკავებაზე

access_time2021-02-23 22:00:00

ნიკა მელიას დაკავებასა და “ნაციონალური მოძრაობის” ოფისის შტურმს მსოფლიო მედია ეხმაურება. დასავლელი ჟურნალისტები წერენ, რომ სამოქალაქო დაპირისპირება მწვავდება და ქართული დემოკრატია საფრთხეშია, რუსული მედიისთვის კი ყველაზე მნიშვნელოვანი ისაა, რომ მელია “ანტირუსული პროტესტის” ორგანიზატორი იყო.

პარტნიორების მწუხარება და გაფრთხილებები VS ამბავი ანტირუსი ბრალდებულის დაკავების შესახებ.

“ანტირუსული პროტესტების ორგანიზატორი”
დილიდან რუსული მედია საქართველოში განვითარებულ მოვლენებს აქტიურად აშუქებს.

“საქართველოში სააკაშვილის პარტიის ლიდერი დააკავეს”, - წერს რუსული გამოცემა RBC.

კრემლის მიერ დაფინანსებული ტელეკომპანია RT ( იგივე Russia Today) კი კრემლის ნარატივს განავრცობს და მკითხველს შეახსენებს, რომ სწორედ სააკაშვილის დროს, 2008 წელს, “დაესხა საქართველო სამხრეთ ოსეთს”.

Russia Today-ს შვილობილი კომპანია, “სპუტნიკი”, თბილისში განვითარებულ მოვლენებს რამდენიმე რეპორტაჟს უძღვნის. მათ არც ის გამოჰპარვიათ, რომ ირაკლი კობახიძემ შინაგან საქმეთა მინისტრს მელიას დაკავებისთვის მადლობა გადაუხადა.

„რია ნოვოსტიმ“ საქართველოს სახალხო დამცველის კრიტიკული შეფასება გააშუქა, თუმცა შუა წინადადებიდან ამოჭრა ნინო ლომჯარიას სიტყვები, რომ 23 თებერვალი “საქართველოს დამოუკიდებლობის დაკარგვისა და გასაბჭოებიდან 100 წლისთავია”.

რუსულენოვანი მედიასაშუალებების უმეტესობა, როდესაც მელიას დაკავების მიზეზებს ახსენებს, ხაზს უსვამს, რომ პროტესტი თბილისის ცენტრში 2019 წლის 20 ივნისის ღამეს არა ანტისაოკუპაციო, არამედ ანტირუსული იყო. ეს მედიასაშუალებები შერჩევითად გადმოსცემენ პროტესტის გამომწვევ მიზეზებს. იშვიათად ახსენებენ გავრილოვის პარლამენტში სტუმრობას და კიდევ უფრო იშვიათად იმას, რომ ის პარლამენტის თავმჯდომარის სავარძელში დაჯდა.

20 ივნისის მოვლენების ინტერპრეტირებას ფაქტად ასაღებს “მოსკოვსკი კომსომოლეცი”:

“მელიას წინააღმდეგ სისხლის სამართლის საქმე 2019 წლის მოვლენების შემდეგ აღიძრა. ის ცნობილია, როგორც “გავრილოვის კრიზისი”. სააკაშვილის მხარდამჭერებმა ისარგებლეს იმით, რომ რუსმა პარლამენტარმა, სერგეი გავრილოვმა, ღონისძიების დროს შემთხვევით დაიკავა სპიკერის ადგილი, და მოაწყვეს მასობრივი არეულობა, საკანონმდებლო ორგანოს დაკავების მიზნით”.


“ოპოზიციის ლიდერის დაკავება” და დაპირისპირების ესკალაცია
დასავლურ მედიას კითხვებს უჩენს როგორც ნიკა მელიას დაკავების ლეგიტიმურობა, ისე დაკავების დროს გამოყენებული ზომები. ავტორიტეტული გამოცემები მკითხველს შეახსენებენ, რომ ნიკა მელია ყველაზე რეიტინგული ოპოზიციური პარტიის ლიდერია, პოლიტიკური კრიზისი ქვეყანაში კი მას შემდეგ დაიწყო, რაც ხელისუფლებას არჩევნების გაყალბებაში დასდეს ბრალი.

ფრანგული „ლე პარიზიენ“ პოლიციის მიერ შტურმისას გამოყენებულ ძალადობას უსვამს ხაზს და ლაპარაკობს ირაკლი ღარიბაშვილის “გაუმჭვირვალე” ბიოგრაფიაზე და იმაზეც, ვინ შეიძლება იყოს ქვეყნის რეალური მმართველი.

“ახალი პრემიერ-მინისტრი ბიძინა ივანიშვილის ძალიან ერთგული მხარდამჭერია, რომელიც „ქართული ოცნების“ დამფუძნებელი და ქვეყნის უმდიდრესი ადამიანია. ეჭვობენ, რომ იგი ქვეყანას კულისებიდან აკონტროლებს”, - წერს გამოცემა.

თბილისში განვითარებულ მოვლენებს “ძალადობრივ შტურმს” უწოდებს BBC. მედიასაშუალება ჰყვება, რომ “ნაციონალური მოძრაობის” ოფისთან ასობით სპეცრაზმელი იყო მობილიზებული და მათ მელიას მხარდამჭერების წინააღმდეგ ცრემლსადენი გაზი გამოიყენეს.

BBC-ს მოჰყავს საქართველოში დიდი ბრიტანეთის ელჩის, მარკ კლეიტონის, შეფასება.

“შოკირებული ვარ ენმ-ს ოფისში დატრიალებული სცენებით. ყველაზე ნაკლებად საქართველოს ახლა სჭირდება ძალადობა და ქაოსი თბილისში. ყველა მხარეს მოვუწოდებ თავშეკავებით იმოქმედონ დღესაც და მომდევნო დღეებშიც”.

დიპლომატების ნეგატიურ რეაქციაზე წერს “Washington Post”-იც.

“დღეს საქართველომ უკან დაიხია ევროატალინტიკურ სახელმწიფოთა ოჯახში უფრო ძლიერი დემოკრატიისკენ მიმავალ გზაზე”, - მოჰყავს გამოცემას ამონარიდი საქართველოში აშშ-ის საელჩოს განცხადებიდან. ავტორი წერს, რომ ამერიკულ მხარეს საქართველოს ხელისუფლების ქმედებები პირველად არ აშფოთებს.

“საქართველო, რომლის მოსახლეობაც 3.7 მილიონი ადამიანია და რომელიც შავ ზღვას ესაზღვრება, მიჩნეული იყო უფრო დემოკრატიულად, ვიდრე მისი ორი მეზობელი და მას ნატოში გაწევრიანების ამბიცია გააჩნდა. მაგრამ უკანასკნელ წლებში ამერიკელმა კანონმდებლებმა საქართველოს ხელმძღვანელობისადმი მიწერილ წერილებში შეშფოთება გამოთქვეს, რომ მმართველი პარტია „ქართული ოცნების“ ზოგიერთი ნაბიჯი დემოკრატიულ უკუსვლას იწვევდა”.

ამასთან, სტატიაში ნავარაუდევია, რომ ხელისუფლების ქმედებები ქვეყანაში არსებულ დაძაბულობას კიდევ უფრო გაამწვავებს და მიანიშნებს, პოლიტიკური კრიზისი ახალი ტრენდია რუსეთის მოსაზღვრე სახელმწიფოებშიო.

ბრიტანული “გარდიანი” კი არ გამორიცხავს რისკებს, რომ “პოლიტიკური კრიზისი შესაძლოა სისხლიანი დაპირისპირებით დასრულდეს”. სტატიაში აღნიშნულია, რომ ამ საფრთხემ და “ესკალაციამ დასავლურ ქვეყნებს უბიძგა ჩარეულიყვნენ, თუნდაც ფორმალურად, - მათ ოპოზიციასა და ხელისუფლებას სიმშვიდის შენარჩუნებისკენ მოუწოდეს”.

საფრთხეებზე ლაპარაკობენ ყოფილი დიპლომატებიც. აშშ-ის სახელმწიფო მდივნის ყოფილმა თანაშემწემ, მეთიუ ბრაიზამ, სააგენტო AFP-სთან საუბარში მელიას დაკავებას “დემოკრატიისგან უკუსვლა” უწოდა. მისივე თქმით, “დასავლეთის უფრო აქტიური ჩართულობის გარეშე ვითარება ძალიან სახიფათო შეიძლება გახდეს”.


www.radiotavisupleba.ge

თეგები:
ნიკა მელია



ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი

ქვეყნის ავიაციის ინდუსტრიას ახალი მიმართულებები და ავიაკომპანიები ემატება – მარიამ ქვრივიშვილი
access_time2021-06-19 17:55:10
საქართველოს საავიაციო ბაზარს ახალი მიმართულება – აბუ – დაბი ემატება. არაბთაგაერთიანებული საემიროების დაბალბიუჯეტიანი ავიაკომპანია Air Arabia Abu Dhabi , 1-ლი ივლისიდანზაფხულის სანავიგაციო სეზონის ბოლომდე (28 ოქტომბერი), კვირაში 3 სიხშირით პირდაპირ რეისებსაბუ-დაბი – თბილისი – აბუ-დაბი მიმართულებით შეასრულებს. Air Arabia Abu...

დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი

800%-ით გაზრდილი გაყიდვები და მზადება საექსპორტო ბაზრებზე გასასვლელად - „ჭკვიანი თხილის“ პანდემიური წელი
access_time2021-06-19 16:00:40
კომპანია „ჭკვიანი თხილი“ მცირე ქართული საწარმოა, რომელიც ადგილობრივი ნედლეულისგან 5 სახეობის თხილის პასტას აწარმოებს. არაქისის, თხილის, ნუშის, პეკანის ნიგვზისა და გოგრის თესლისგან დამზადებული პასტების ონლაინ-გაყიდვები გასულ წელს, დაახლოებით, 800% -მდე გაიზარდა. ინფორმაციას პორტალი EastFruit ავრცელებს. კომპანიის მთავარი სარეალიზაციო ხაზი სწორედ ინტერნეტ-არხებია.   პასტების დასამზადებლად მხოლოდ ადგილობრივ პროდუქციას იყენებენ: არაქისი და ნუში კახეთიდანაა, თხილი -...

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა

“აფბას” ანალიტიკოსი: სებ-მა აპრილის რეფინანსირების მოცულობასა და კურსის კავშირზე საუბრისას ინტერვენციების ფაქტორი დააიგნორა
access_time2021-06-19 15:00:49
“ეროვნული ბანკის მიერ გაცემულ ამ პასუხში ვკითხულობთ, რომ რეფინანსირების სესხების მოცულობით ლარის კურსის მერყეობების ახსნა არასწორია, ცენტრალურ ბანკში მაგალითად აპრილის თვის მონაცემები მოჰყავთ, სადაც აღნიშნულია, რომ 2021 წლის 31 მარტს (რაც 1-ლი აპრილის ოფიციალურ კურსში აისახა) საშუალო საბაზრო გაცვლითი კურსი დაახლოებით 3.45 იყო, თუმცა 31 მარტს დაახლოებით მილიარდ 200 მილიონის რეფინანსირების სესხი იყო გაცემული. შემდეგ 1-ლი აპრილიდან რეფინანსირების სესხებმა ზრდა დაიწყო და 15 აპრილს 3 მილიარდამდე...


მსგავსი სიახლეები

up