დაპირისპირება თხევადი გაზის სექტორში - ჩააყენა თუ არა ახლმა კანონმა ბაზრის სუბიექტები თანაბარ პირობებში

დაპირისპირება თხევადი გაზის სექტორში - ჩააყენა თუ არა ახლმა კანონმა ბაზრის სუბიექტები თანაბარ პირობებში

access_time2021-02-08 12:44:51

გასულ კვირას „კომერსანტზე“ გამოქვეყნებულ სტატიას სადაც თხევადი გაზის ასოციაციის ხელმძღვანელი ნიკა ხოფერია აცხადებდა, რო მსხვილმა ბიზნესმა მცირე ბიზნესი სახელმწიფოს ხელით ჩაკეტა ეხმაურება „საქართველოს თხევადი გაზის იმპორტიორთა და რეალიზატორთა ასოციაციის“ პრეზიდენტი ნარიმან ფირცხელიანი. მედიაჰოლდინგი განცხადებას უცვლელად გთავაზობთ:


„სახელმწიფოს მხრიდან, კერძოდ კი  შემოსავლების სამსახურის და ფინანსთა სამინისტროს წარმომადგენლების მხრიდან ჩვენი დარგისადმი  გვერდში დგომა გამოიხატა შემდეგში :


ახალი კანონპროექტის ერთერთი ძირითადი მიზანი იყო 1 ტ თხევად გაზზე აქციზის გაზრდა 300 ლარიდან 450 ლარამდე, რაც ნამდვილად იქნებოდა  დამღუპველი   ჩვენი სექტორისთვის, რადგან თხევადი გაზის აქციზი შეუძლებელია იყოს დიზელის და ბენზინის აქციზზე უფრო მეტი ან მასთან გათანაბრებული. მათ    ახლოს       მიიტანეს ჩვენი   გულის ტკივილი და არგუმენტები და დატოვეს  2701 სასაქონლო კოდისთვის განკუთვნილი აქციზი ძველ ნიშნულზე ანუ 300 ლარზე.


   აღნიშნული კანონი მიღებულ იქნა დაჩქარებული წესით, რადგან ქვეყანაში   თხევადი გაზი გარდა 2701 კოდისა, ასევე შემოდიოდა  2901   სასაქონლო    კოდით, რომელიც   აქციზით არ იბეგრებოდა და რადგან  ხდებოდა მისი გამოყენება საავტომობილო საწვავის დანიშნულებით, იგი აყენებდა ბაზრის სუბიექტებს არათანაბარ პირობებში, ვინაიდან ორივე პროდუქტი იყო თვისობრივად საავტომობილო   საწვავი   და   არ   შეიძლებოდა        ერთი კოდი დაბეგრილიყო აქციზით და  მეორე არა.


თხევადი  გაზის ნულოვანი დაბეგვრის განაკვეთი  არსებობს ევროპაშიც,  მაგრამ განკუთვნილია სამრეწველო და გათბობის სფეროებისთვის, ხოლო ჩვენს რეალობაში ამ გამონაკლისის გამოყენება ბ-ნ ნიკა ხოფერიას მიერ ხდებოდა მისი კონკურენტების, ანუ ჩვენი ბაზრიდან  გასაძევებლად.


აღსანიშნავია, რომ აღნიშნულ სესიაზე ასევე იქნა მიღებული აქციზის ერთ ეტაპიანი დაბეგვრა   ორ ეტაპიანი   დაბეგვრის  ნაცვლად, რაც ასევე ჩვენი მხრიდან იყო  მისასალმებელი, რადგან ძველი, ორ ეტაპიანი სქემის მიხედვით გაზი საზღვარზე შემოსვლისას      იბეგრებოდა    აქციზის      გადასახადით,  120  ლარით ტონაზე და   სადისტრიბიუციო ქსელებში    გადანაწილებისას     და    გაყიდვისას,    მეწარმე რეალიზატორი ვალდებული იყო საანგარიშო თვის  ბოლოს  დაეფიქსირებინა თვის    განმავლობაში გაყიდული გაზის რაოდენობა,  თუ რამდენი ტონა  იყო რეალიზებული ავტომობილებში და  რამდენი ტონა საყოფაცხოვრებო კუთხით. ავტომობილებში გაყიდული რაოდენობა უნდა დაბეგრილიყო მეორე ეტაპის აქციზით 180 ლარით, ხოლო საყოფაცხოვრებო კუთხით გაყიდული გაზი კი ამ 180 ლარით აღარ იბეგრებოდა. ამ ორეტაპიანი დაბეგვრის სქემიდან ნათლად ჩანს, რომ არაკეთილსინდისიერი განზრახვის მქონე მეწარმეებს ორეტაპიანი         დაბეგვრის პირობებში  შეეძლოთ  ავტომობილებში  ჩასხმული    გაზის  რაოდენობა საანგარიშო თვის დეკლარაციაში   დაეფიქსირებინათ ისე, ვითომ ეს გაზი იყო გაყიდული საყოფაცხოვრებო მიზნით და არა  ავტომობილებზე და ამ გზით შეეძლოთ გვერდი აევლოთ და არ გადაეხადათ მეორე  ეტაპის 180 ლარის აქციზი.



   რაც შეეხება კითხვას გაიზარდა თუ არა აქციზი 300 ლარით 2020 წლის ზაფხულის სესიაზე ახალი კანონის მიღების შემდეგ,   გეტყვით, რომ  კი, აქციზი ნამდვილად გაიზარდა, ოღონდ  მხოლოდ ნიკა ხოფერიასთვის, რადგან 2901 სასაქონლო კოდით შემოტანილ გაზზე ის საერთოდ არ იხდიდა აქციზის გადასახადს არც 120 და არც 180 ლარს. ეს კი  თავისთავად საშუალებას აძლევდა ბ-ნ   ნიკა ხოფერიას მოეხდინა ფასების დემპინგი და გაეყიდა გაზი საბაზრო ფასზე უფრო დაბალ ფასად, რაც ხელს უშლიდა ბაზარზე ჯანსაღი კონკურენციის ჩამოყალიბებას და ხელს უწყობდა დანარჩენი მოთამაშეების ანუ ჩვენს გაკოტრებას.


   მოგახსენებთ, რომ ბ-ნ ნიკა ხოფერიას მიერ 2901 კოდზე აქციზის არგადახდა და მისი მხრიდან ამ ფაქტის ჩვენთვის დამალვა, გახდა „თხევადი გაზის ასოციაციის“ ჩამოშლის მიზეზი, სადაც მე-ნარიმან ფირცხელიანმა და ასევე სხვა იმპორტიორებმა და რეალიზატორებმა პარლამენტში ამ ამბის გაგებისთანავე, განხილვების მიმდინარეობისას განვაცხადეთ, რომ ვტოვებდით ბ-ნ ნიკა ხოფერიას ასოციაციას და ვემიჯნებოდით მის ერთპიროვნულ პოლიტიკას და განცხადებებს, რადგან ჩვენ, ჩვენის მხრივ შემოტანილ  თხევად გაზზე სრულად  ვიხდიდით აქციზს  ჯამში 300 ლარს ტონაზე, ხოლო  ის კი არ იხდიდა და როდესაც აღმოჩნდა, რომ თურმე კონკურენტული გარემოს არარსებობის გამო მთელი ჩვენი ფინანსური პრობლემების ძირითადი მიზეზი თავად ყოფილა  ბ-ნი  ნიკა ხოფერია, რომლის პოლიტიკისაც ჩვენ გვჯეროდა და პირნათლად ვენდობოდით მას, ჩვენ ყველამ დავტოვეთ მისი კუთვნილი ასოციაცია.


 ზემოთაღნიშნული ახალი კანონის მიღების შემდეგ გაუქმდა 2901 სასაქონლო კოდის ნულოვანი დაბეგვრის რეჟიმი და იგი გაუტოლდა 2701 კოდზე არსებულ აქციზის ოდენობას, ანუ 300 ლარს.


   ამჟამად, ბ-ნი  ნიკა ხოფერიას ასოციაცია წარმოადგენს „ერთი კაცის“  ასოციაციას, რადგან ყველა წამყვანმა შემომტანებმა და რეალიზატორებმა ერთხმად დავტოვეთ იგი და გამოვედით მისი ასოციაციიდან.


   რაც შეეხება  ჩვენს მიერ შექმნილ ახალ ასოციაციას, ჩვენ დავაფუძნეთ  „თხვევადი გაზის იმპორტიორთა და რეალიზტორთა ასოციაცია“ სადაც ვართ გაერთიანებული შემომტანები და რეალიზატორების წამყვანი ძალა და ჩვენი ძირითადი გამაერთიანებელი მიზანი არის ეკოლოგიურად სუფთა საწვავის პოპულარიზაცია და გავრცელება ჩვენს ქვეყანაში.


  მოგეხსენებათ, მეცნიერულად დამტკიცებულია, რომ დაბინძურებული ჰაერი ონკოლოგიურ დაავადებების მიზეზია და სამწუხაროდ საქართველოში თითქმის აღარ დარჩა ოჯახი რომელსაც არ შეეხო ვერაგი ონკოლოგია, კიბოს პოპულაციური რეგისტრის მიხედვით საქართველოში ყოველწლიურად კიბოთი ავადდება საშუალოდ 10’000 ადამიანი. რაშიც 80% დაბინძურებული ჰაერის ბრალია.


 საქართველო აღნიშნული პრობლემის წინაშე დგას უკვე მრავალი წელია, რასაც მოწმობს ევროპარლამენტის რეზოლუციაც, რომლითაც ევროპარლამენტმა საქართველოს ასოცირების შეთანხმებისკენ მოუწოდა და დაავალა ჰაერის დაბინძურების წინააღმდეგ სტრატეგიის შემუშავება. შესაბამისად, ევროპის მაგალითზე ამ ეტაპისათვის აღნიშნულის შესასრულებლად ერთადერთ ყველაზე სწრაფ გზას წარმოადგენს ბენზინის და დიზელის საწვავის თხევადი და ბუნებრივი გაზით  ჩანაცვლება, რადგან თხევადი და ბუნებრივი გაზი ეკოლოგიურად სუფთა საწვავებია და ისინი წვის შედეგად არ ქმნიან მძიმე  ნარჩენებს.


ჩვენი ასოციაციის მიზანია ერთად ვიზრუნოთ თხევადი და ბუნებრივი გაზის პოპულარიზაციასა და ამ კუთხით გამართული საკანონმდებლო ნორმების მიღებაზე, რომელიც თავის მხრივ ქვეყანაში ჯანსაღი გარემოს შექმნის უპირველესი საწინდარია.


დარწმუნებული ვართ, „საქართველოს ბიხნეს ასოციაციასა“ და ყველა დაინტერესებულ მხარესთან ერთად, უზრუნველვყოფთ ბიზნესის ამ სფეროს დინამიური განვითარებისა და კონკურენტული გარემოსათვის საჭირო ყველა პირობას შექმნას და შედეგად  მაქსიმალურად გავაუმჯობესებთ ეკოლოგიურ სფეროს ჩვენს ქვეყანაში“, - ნათქვამია განცხადებაში. 

 






დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.

დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.
access_time2022-09-29 13:55:25
უკრაინული წარმოშობის, ევროპაში ყველაზე დიდი კრიპტოვალუტის ბირჟა WhiteBIT, აგრძელებს თავისი სერვისების ფუნქციონალისა და შესაძლებლობების გაფართოებას. ამიერიდან WhiteBIT-ის მომხმარებლებს შეუძლიათ გაიტანონ დოლარი (USD) და ევრო (EUR) Visa/Mastercard საბანკო ბარათზე, ასევე გრივნა (UAH) საერთაშორისო საბანკო ანგარიშის ნომერზე - IBAN. ანუ, ახლა მომხმარებლებს აღარ სჭირდებათ დამატებითი სერვისები ან შუამავლები ამ ოპერაციების განსახორციელებლად - ამ ტრანზაქციის...

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა
access_time2022-09-29 14:00:08
„საქართველოს რკინიგზამ“ 2021 წელს ლარში შემოსავლის 11,95%-იანი ზრდა აჩვენა,  8,04%-იანი წლიური ზრდა დაფიქსირდა  დოლარის კუთხითაც, ოღონდ ლარის კურსის რყევების გამო, ოდნავ შენელებული ტემპით - ამის შესახებ ინფორმაცია TBC Capital -  ის კვლევაშია მოცემული. მათივე ინფორმაციით, პოზიტიური დინამიკა 2022 წლის პირველ ნახევარშიც გაგრძელდა, როდესაც შემოსავალი წინა წლის ანალოგიურ პერიოდთან შედარებით ლარში 12,06%-ით გაიზარდა, ხოლო 21,81% -ით...

უძრავი ქონების პლატფორმას - Georgia Real Estate ახალი გენერალური დირექტორი ჰყავს

უძრავი ქონების პლატფორმას - Georgia Real Estate ახალი გენერალური დირექტორი ჰყავს
access_time2022-09-29 12:55:22
უძრავი ქონების პლატფორმას - Georgia Real Estate (დეველოპერული კომპანია m2-ის მფლობელი კომპანია) ახალი გენერალური დირექტორი, გურამ ახვლედიანი უხელმძღვანელებს. გურამ ახვლედიანი Georgia Capital-ის ჯგუფში, რომელიც Georgia Real Estate-ის დედა კომპანიაა, შვიდი წლის განმავლობაში სხვადასხვა პოზიციას იკავებდა. 2021 წლიდან დღემდე,  ის  Georgia Real Estate -ის ტექნიკური დირექტორი იყო.   გიორგი ვახტანგიშვილი, რომელიც Georgia Real Estate-ის გენერალური დირექტორის...

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“
access_time2022-09-29 12:37:21
ტელეკომპანია „ფორმულას“ დამფუძნებელი, დავით კეზერაშვილი განცხადებას ავრცელებს, სადაც აღნიშნულია, რომ არასოდეს ჩარეულა და არც მომავალში ვაპირებს ჩარევას ცალკეული ოპოზიციური პარტიების დღის წესრიგის განსაზღვრაში. ბოლო პერიოდში განვითარებული მოვლენების გამო საქართველოში, ჩავთვალე, რომ ვალდებული ვარ, როგორც ჩვენ ქვეყანაში, ასევე რეგიონში განვითარებულ მოვლენებს გამოვეხმაურო, ჩემი პოზიცია დავაფიქსირო და საზოგადოებამდე ჩემი სათქმელი მივიტანო. დღეს...

ზეთის ფასი შემცირდა და არის წინაპირობა, რომ კიდევ უფრო გაიაფდეს - ბიზნესის მოლოდინი

ზეთის ფასი შემცირდა და არის წინაპირობა, რომ კიდევ უფრო გაიაფდეს - ბიზნესის მოლოდინი
access_time2022-09-29 12:30:49
„საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორის, ლევან სილაგავას განცხადებით, იმ ფონზე, როდესაც ზეთის ფასი საკმაოდ შემცირდა, არის წინაპირობა, რომ უფრო გაიაფდეს. როგორც მან „ინტერპრესნიუსთან“ საუბრისას აღნიშნა, ფასის შემცირებას მათ შორის განაპირობებს ის ფაქტიც, რომ ზეთზე მცურავი ბაჟი შესაძლოა განულდეს. „ზეთი საკმაოდ გაიაფდა. ეს იმიტომ მოხდა, რომ დიდი მოსავალია, მათ შორის, რუსეთში. მცურავი ბაჟი იყო შემოღებული,...


მსგავსი სიახლეები

up