დანის ტარების პრობლემა მოზარდებში - ლევან როგავა

დანის ტარების პრობლემა მოზარდებში - ლევან როგავა

access_time2022-09-19 11:34:24

საქართველოში საერთაშორისო ოკინავური გოჯუ-რიუ კარატე დოს ფედერაციის შეფ-ინსტრუქტორი ლევან როგავა მოზარდებში დანის ტარების პრობლემაზე ამახვილებს ყურადღებას და განმარტავს, რომ საქართველოს კანონმდებლობით დანის ჯიბით ტარება აკრძალულია, თუმცა ფაქტები მაინც ფიქსირდება.


ლევან როგავა მშობლებს მოუწოდებს, რომ თუ შვილს დანას აღმოუჩენენ, ნუ დატოვებ ამ ფაქტს რეაგირების გარეშე, ნუ იქნები გულგრილი.



ლევან როგავას მიერ სოციალურ ქსელში გამოქვეყნებულ პოსტს გთავაზობთ უცვლელად:



„დანის ტარების მიზეზები მოზარდებში - ჩემგან აღქმული და დანახული.

პრობლემა, რომელიც არის ჩვენში, რის გამოსასწორებლად მუდმივად უნდა ვიფიქროთ და ვიმოქმედოთ. მოდუნების უფლება არ გვაქვს, რადგან სამწუხაროდ ჩვენს გარშემო, ამის უამრავი ტრაგიკული მაგალითი არსებობს.
მოგიყვებით ერთ ამბავს, რომელსაც რამდენიმე დღის წინ შევესწარი.



შევდივარ მარკეტში და ყავის აპარატთან დგას ბიჭი, ასაკით დაახლოებით 17 წლის. ვხედავ რომ, ერთ ხელში უჭირავს ყავის ჭიქა, ხოლო მეორე ხელში ჯიბის გახსნილი დანა და ამ დანით იწყებს ყავის მორევას. იმდენად აშკარად და თვალსაჩინოდ, რომ არც მალავს ამ უცნაურ საქციელს. მე დანის ბრენდსაც კი ვაფიქსირებ, რადგან ისეთი აშკარაა მისი ქცევა.


დაასრულა ყავის მორევა და ხელის ძალიან სწრაფი მოძრაობით დანა დაკეცა და ჯიბეში ჩაიდო, ფაქტობრივად წამში გააქრო. მე ვიღებ ჩემს პროდუქტს, ეს კი ამ პერიოდში განუწყვეტლივ ხმაურობს, ხან საკუთარ თავთან და ხან დამხმარე პერსონალთან.


სალაროსთან რიგში, აღმოვჩნდი მის უკან. გააზრებულად ვეცადე შემეგრძნო მისი შინაგანი მდგომარეობა და კარგად დავაკვირდი მას. მინდოდა გამეგო თუ რას განიცდიდა ის იმ მომენტში. ვიგრძენი, რომ ეს ახალგაზრდა ბიჭი სავსე იყო შიშით, კომპლექსებით, ბოღმით და უსიყვარულობით.


ის იმდენად გაუწონასწორებელი და მშფოთვარე იყო რომ ნებისმიერ არასტაბილურ, ემოციურ სიტუაციაში, მწყობრიდან გამოსული გახსნიდა და ვერც კი მოასწრებდა დაფიქრებას ისე გამოიყენებდა ნებისმიერი ადამიანის წინააღმდეგ. ეს ახალგაზრდა ბიჭი შინაგანად ისეთ მდგომარეობაში იყო რომ მისი მწყობრიდან გამოყვანა კი ნებისმიერ, უმნიშვნელო რამესაც ადვილად შეეძლო.


ჩვენი კანონმდებლობით დანის ჯიბით ტარება აკრძალულია, მაგრამ მხოლოდ ეს არ არის საკმარისი. ყველამ კარგად უნდა გავიაზროთ, რომ დანის ტარება უბრალო საქმე არ არის. შენს შვილს დანას რომ აღმოუჩენ ჯიბეში, არ ენდო მას და ნუ დატოვებ რეაგირების გარეშე, ნუ იქნები გულგრილი. კარგად გააცნობიერე, რომ ეს არის უდიდესი რისკი, განსაკუთრებით მოზარდებში. დიდი საფრთხე პირადად მისთვის ვინც ატარებს დანას და რა თქმა უნდა პოტენციური მსხვერპლისთვის თავისთავად. ხშირ შემთხვევაში, ასეთი ტიპის ადამიანები სახლში “ამუღამებენ” დანის სწრაფად ამოღებას, ალბათ წარმოსახვითაც ხშირად წარმოუდგენია და უფიქრია როგორ დაჭრის ადამიანს.


მაფიქრებს და მაწუხებს, თუ რატომ არიან ეს ბავშვები ასეთი აგრესიულები?


ან როგორ შეიძლება ჩვენ ვიყოთ უმოქმედოდ და არხეინად?


ალბათ ხშირ შემთხვევაში ჩვენ, მშობლები ვაკლებთ მათ მთავარს ან გვეშლება რაღაც.


ასეთ ბავშვებს ალბათ სიცოცხლის სიყვარული და ბედნიერების განცდა აკლიათ და ამიტომ არ მიაჩნიათ სხვისი სიცოცხლეც არაფრად“, - წერს სოციალურ ქსელში ლევან როგავა.





„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა

„საზოგადოებრივი მაუწყებლის“ შენობა ბიზნესმენმა სოსო ფხაკაძემ იყიდა
access_time2022-09-30 13:06:19
საზოგადოებრივი მაუწყებლის შენობა ბიზნესმენმა სოსო ფხაკაძემ იყიდა. აღნიშნული ბიზნესმენმა ბიზნესპარტნიორს თავად დაუდასტურა.   ჩვენი ჯგუფი დიდი ხანია ახორციელებს კომერციული უძრავი ქონების განვითარებას ქ. თბილისსა და საქართველოს სხვა ქალაქებში. კერძოდ, ჩვენ ვაშენებთ და ოპერირებას ვუწევთ საშუალო ზომის სავაჭრო ცენტრებს, სადაც მთავარი არენდატორია კომპანია “კარფური” და ასევე არენდატორები არიან ათობით სხვა საქართველოში მოღვაწე რითეილერები. შესაბამისად, ვფიქრობთ, ჯგუფში დაგროვდა...

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა

მარტი-ივლისში საქართველოში ბინადრობის ნებართვა რუსეთის 1598 მოქალაქეზე გაიცა - მიმართვიანობა 54%-ით გაიზარდა
access_time2022-09-30 13:00:44
უკრაინაში რუსეთის შეჭრის შემდეგ, 2022 წლის მარტი-ივლისის პერიოდში საქართველოში ბინადრობის ნებართვა გაიცა რუსეთის 1,598 მოქალაქეზე, ხოლო უარი ეთქვა 434 მათგანს. 2021 წლის შესაბამის პერიოდთან შედარებით, 2022 წელს რუსეთის მოქალაქეების მიერ საქართველოში ბინადრობის უფლების მისაღებად მიმართვიანობა 54%-ით, ხოლო დაკმაყოფილების მაჩვენებელი 25%-ით გაიზარდა, — ამის შესახებ ინფორმაციას IDFI აქვეყნებს. ორგანიზაციის ინფორმაციით, 2022 წლის მარტი-ივლისი...

სიახლე მხოლოდ ლიბერთის მომხმარებლებისთვის

სიახლე მხოლოდ ლიბერთის მომხმარებლებისთვის
access_time2022-09-30 11:55:06
დღეიდან, ლიბერთიში სოციალური სარგოს მიმღებ პირებს შესაძლებლობა აქვთ სამომხმარებლო ტიპის სესხებზე 4 წლამდე ვადით ისარგებლონ. "მოხარული ვართ, რომ საშუალება მოგვეცა განსაკუთრებული პირობები შეგვეთავაზებინა ექსკლუზიურად ჩვენი მომხმარებლებისთვის. როგორც იცით, 2022 წლის აგვისტოში ეროვნული ბანკის მიერ მიღებული რეგულაციის თანახმად, სამომხმარებლო ტიპის სესხებზე მაქსიმალური ვადა განისაზღვრა 36 თვით, რაც ჩვენი მომხმარებლების გარკვეული ნაწილისთვის შეამცირებდა სამომხმარებლო ტიპის...

„შეცვალე“ - პროკრედიტ ბანკი მასშტაბურ გარემოსდაცვით კამპანიას იწყებს

„შეცვალე“ - პროკრედიტ ბანკი მასშტაბურ გარემოსდაცვით  კამპანიას იწყებს
access_time2022-09-30 11:25:34
შეცვალე! ნუ დაკარგავ კავშირს ბუნებასთან, მოუფრთხილდი მას! თემა, რომელიც დღეს განსაკუთრებით აქტუალურია და საკითხი, რომელიც ყველას გვაფიქრებს: ეკოლოგია და გარემოს დაცვა. პროკრედიტ ბანკმა ახალი კამპანია სწორედ ამ მიმართულებით წამოიწყო. გარემოსდაცვით კამპანიას ბანკი მთავარი ვიდეო რგოლით ხსნის, რომელიც  მოკლემეტრაჟიან ფილმს გვაგონებს. სცენარი წარმოსახვით სამყაროში ვითარდება და განსაკუთრებული სიმძაფრით აღწერს იმ მომავალს, რომელიც შეიძლება დადგეს, თუკი ბუნებას არ...

ევრო დოლართან მიმართებით ახალ რეკორდულ ნიშნულამდე გაუფასურდა

ევრო დოლართან მიმართებით ახალ რეკორდულ ნიშნულამდე გაუფასურდა
access_time2022-09-30 11:30:28
ევროპის მასშტაბით ენერგოკრიზისის, რუსეთ-უკრაინის ომის გამწვავებისა და აშშ-ის ფედერალური რეზერვის მიერ მონეტარული პოლიტიკის გამკაცრების ფონზე, ევრო ამერიკულ დოლართან მიმართებით რეკორდულად უფასურდება. საერთაშორისო სავალუტო ბირჟაზე დღეს ერთი ევროს სანაცვლოდ 0.956 დოლარის შეძენაა შესაძლებელი, რაც ბოლო ოცწლეულის მინიმალური მაჩვენებელია. საგულისხმოა, რომ რუსეთის მიერ ნაწილობრივი სამხედრო მობილიზაციის გამოცხადებისა და ევროპის ენერგოუსაფრთხოების კითხვის...


მსგავსი სიახლეები

up