დანაშაულის ტოლფასია გელათის გარშემო შექმნილი მდგომარეობის ტექნიკურ „ხარვეზად“ შეფასება - მედეა მეტრეველი

დანაშაულის ტოლფასია გელათის გარშემო შექმნილი მდგომარეობის ტექნიკურ „ხარვეზად“ შეფასება - მედეა მეტრეველი

access_time2020-10-20 12:32:01

„ლელოს“ პოლიტიკური საბჭოს წევრი მედეა მეტრეველი აცხადებს, რომ „ქართული ოცნების“ მთავრობა თავისი უმოქმედობით თუ მავნებლური არაკომპეტენტურობით ყოველდღიურად გვაყურებინებს გელათის ჩამოშლის უმძიმეს პროცესს და მოუწოდებს განათლების და კულტურის სამინიტროს დროულად აიღოს ხელში მართვის სადავეები ძეგლის გადასარჩენად. ინფორმაციას „ლელო საქართველოსთვის“ პრესსამსახური ავრცელებს.



„ქართულმა (რუსულმა) ოცნებამ“ ააფეთქა საყდრისის უძველესი ოქროს მაღარო, წაშალა ოქროს მოპოვების ტრადიციის ისტორიული კვალი ჩვენს ქვეყნაში და ახლა უკვე, თავისი უმოქმედობით თუ მავნებლური არაკომპეტენტურობით ყოველდღიურად გვაყურებინებს გელათის ჩამოშლის უმძიმეს პროცესს. ვითარება, რომელიც შესაძლოა ქართული კულტურისთვის უმძიმესი შედეგით დასრულდეს, სრულებით არაადეკვატურად იმართება ხელისუფლების მიერ. დაგვიანებული რეაგირება, გულგრილობა, საჯაროობის ნაკლებობა, საზოგადოების შეცდომაში შეყვანა, თანხების არამიზნობრივი ხარჯვა არის ის მთავარი მიზეზები, რის შედეგადაც მსოფლიო კულტურული მემკვიდრეობის ძეგლის - გელათის მთავარი ტაძრის და წმ. გიორგის ტაძრის უნიკალური ფერწერა და ქვა ნადგურდება. კულტურის სამინისტრო თავს ანგარიშვალდებულადაც არ გრძნობს საზოგადოებას მიაწოდოს ინფორმაცია, მთავრობის გეგმის შესახებ, რომელიც სავარაუდოდ არც არსებობს და პროცესები მხოლოდ ძეგლთა დაცვის სააგენტოს, ერთი უწყების იმედად არის მიტოვებული,“-განაცახადა მეტრეველმა.



მეტრეველი ICOMOS საქართველო-ს მიერ 12 ოქტომბრის შეფასებას გელათის სამონასტრო კომპლექსის მთავარ ტაძარში და წმ. გიორგის ეკლესიაში შექმნილ უმძიმეს ვითარებასაც გამოეხმაურა. სადაც ნახსენებია, რომ „სახელმწიფომ სრულად უნდა აიღოს პასუხისმგებლობა და უზრუნველყოს საჭირო რესურსების მობილიზება კრიტიკული მდგომარეობის დროულად და ადეკვატურად მართვისთვის“.




„მოვუწოდებთ საქართველოს განათლებისა და კულტურის სამინისტროს, დროულად გადადგას ქმედითი ნაბიჯები, აიღოს სრული პასუხისმგებლობა და მართვის სადავეები ქართული კულტურის უმნიშვნელოვანესი ძეგლის გადასარჩენად, რომელიც სრულად მიტოვებულია ხელისუფლებისაგან, განადგურების რეალური საფრთხის წინაშე დგას და რაც მთავარია სჭირდება მსოფლიო მემკვიდრეობის კონვენციის შესაბამისი მართვა, რისი რესურსიც სამწუხაროდ არ აღმოაჩნდა შესაბამის პასუხისმგებელ უწყებებს. რაც ყველაზე მთავარია, ხელისუფლებამ უმოკლეს ვადებში უზრუნველყოს საერთაშორისო ორგანიზაციების და ექსპერტების ჩართვა რესტავრაციის პროცესში, მით უფრო რომ ICOMOS საქართველო-ს შეფასებით „საქართველოს მწირი და არადამაკმაყოფილებელი გამოცდილება აქვს საეკლესიო ხუროთმოძღვრების კრამიტით რესტავრაციის საკითხებში" და, ამ მიმართულებით, განსაკუთრებით საჭიროა საერთაშორისო გამოცდილების გაზიარება და საერთაშორისო ექსპერტიზა. გამომდინარე იქიდან, რომ ყოველი უმოქმედო დღე საფრთხის ქვეშ მყოფი ძეგლებისთვის სასიცოცხლო მნიშვნელობისაა, სასწრაფოდ უნდა მომზადდეს ტაძრების სრული გადახურვის კონსტრუქცია, რაც უზრუნველყოფს მათ დროებით დაცვას,“-აღნიშნა მეტრეველმა.



„ლელოს“ პოლიტიკური საბჭოს წევრი, მნიშვნელოვნად მიიჩნევს, რომ საქართველოს კულტურული მემკვიდრეობის დაცვის სააგენტომ გაასაჯაროვოს გელათის ღვთისმშობლისა და წმ. გიორგის ტაძრების რესტავრაცია-კონსერვაციის სრული პროექტი, სააგენტოს 2017-2019 წლის ანგარიშები, 2017-2020 წლების სააგენტოს მონიტორინგის და ჩატარებული სამუშაოების ანგარიშები, წმ. გიორგის ტაძრების დროებითი გადახურვების სრული პროექტი და სხვა დეტალი რაც ამ საქმეს უკავშირდება. UNESCO - ს მსოფლიო მემკვიდრეობის ცენტრში და საერთაშორისო ICOMOS - ში გაგზავნილი ანგარიშები და UNESCO-ს მსოფლიო მემკვიდრეობის ცენტრის და საერთაშორისო ICOMOS-ის შეფასებები გელათის მონასტერზე ჩასატარებელ სამუშაოებზე.



NS 








საქართველოს ბიზნეს ასოციაციის აღმასრულებელი დირექტორის მოადგილედ მარიანა მორგოშია დაინიშნა

საქართველოს ბიზნეს ასოციაციის აღმასრულებელი დირექტორის მოადგილედ მარიანა მორგოშია დაინიშნა
access_time2021-06-25 09:50:13
საქართველოს ბიზნეს ასოციაციის აღმასრულებელი დირექტორის ახალ მოადგილეს, მარიანა მორგოშიას მრავალპროფილური, საჯარო და კერძო სექტორებში მუშაობის 20 წლიანი სამუშაო გამოცდილება აქვს. აღნიშნული გამოცდილება მოიცავს ჯანდაცვის მენეჯმენტის, პროექტების მართვის, საბანკო და სოფლის მეურნეობის მიმართულებებს. მარიანა ასევე სრულად ფლობს ინფორმაციას წარმოების სექტორში არსებულ პრობლემატურ საკითხებზე და ბიზნეს ასოციაციაში იგი ამ მიმართულებითაც აქტიურად იმუშავებს. მარიანა...

საქართველომ უკრაინულ „ALTKOM“-ს 6,78 მლნ ევროს საერთაშორისო დავა მოუგო

საქართველომ უკრაინულ  „ALTKOM“-ს 6,78 მლნ ევროს საერთაშორისო დავა მოუგო
access_time2021-06-25 10:00:53
მრავალწლიანი საერთაშორისო დავა საქართველოს გამარჯვებით დასრულდა. საქმე ეხება სამტრედია-გრიგოლეთის მონაკვეთის ავტომაგისტრალის მშენებლობას, რა დროსაც უკრაინულმა კონტრაქტორმა კომპანია „Road Building ALTKOM“-მა დაახლოებით 25 მილიონი ევრო ავანსის სახით აიღო, ხოლო ხელშეკრულებით გათვალისწინებული სამუშაოები არ შეასრულა და ქვეყანა დატოვა.   „ALTKOM“-ს მიერ ვალდებულებების დარღვევის გამო გაფორმებული ხელშეკრულება 2017 წელს საავტომობილო გზების დეპარტამენტმა შეწყვიტა. რის შემდეგაც...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-06-24 21:00:30
დღის TOP 10 საინტერესო ამბავი:   1. კოვიდრეგულაციების დარღვევებზე დაკისრებული ჯარიმები გაუქმდა პრემიერ ირაკლი ღარიბაშვილის გადაწტვეტილებით, 245 000 ფიზიკურ და 344 პირს კოვიდჯარიმები ჯამში 76 მლნ ლარი ჩამოეწერება.   2. „ქართული ოცნების“ მხრიდან მეტ პოპულიზმს ვნახავთ“ - ზურაბ ჭიაბერაშვილი კოვიდჯარიმების...

ლარი ყველა ძირითად საერთაშორისო ვალუტასთან მიმართ გამყარდა

ლარი ყველა ძირითად საერთაშორისო ვალუტასთან მიმართ გამყარდა
access_time2021-06-24 18:00:11
ლარი გამყარებას განაგრძობს. 24 ივნისის ვაჭრობის შედეგად, ეროვნული ვალუტა ძირითად საერთაშორისო ასევე თურქულ ლირასთან და აზერბაიჯანულ მანათთან მიმართებაში გამყარდა. სომხურ დრამთან და რუსულ რუბლთან კი გაუფასურდა. 0.79 თეთრიანი გამყარების შემდეგ 25 ივნისს, დოლარის ოფიციალური კურსი 3.1470 იქნება. Bloomberg-ის სავაჭრო პლატფორმაზე კი მიმდინარე კურსი 3.1450-ა, იმდენივე, რამდენიც დილით ვაჭრობის დასაწყისში. ევროსთან მიმართ ლარი 1.04 თეთრით გამყარდა და კურსი...

ვითიბიში ლარის ანაბრის გახსნა უფრო მომგებიანია, ვიდრე სხვასთან

ვითიბიში ლარის ანაბრის გახსნა უფრო მომგებიანია, ვიდრე სხვასთან
access_time2021-06-24 16:55:59
ვითიბი მომხმარებელს ლარში გახსნილ ანაბრებზე საუკეთესო პირობებს სთვაზობს. დღეიდან,  ნებისმიერი მსურველი, რომელიც ვითიბიში გახსნის ანაბარს ლარში,  ყველაზე მაღალ - 12.75% წლიურ სარგებელს (12.03% ეფექტური) მიიღებს, ხოლო, ვადიანი ანაბრის დარღვევის შემთხვევაში, მიიღებს ყველაზე მაღალ, წლიურ 9%-ს, რითიც დააზღვევს ლარის შესაძლო გაუფასურებით გამოწვეულ სავალუტო რისკს.   „ჩვენ...


მსგავსი სიახლეები

up