დამატებული ღირებულების გადასახადის ახალი რეგულაციები და მეთოდური მითითებები

დამატებული ღირებულების გადასახადის ახალი რეგულაციები და მეთოდური მითითებები

access_time2021-04-06 10:50:06


დამატებული ღირებულების გადასახადთან დაკავშირებით 2021 წლის იანვრიდან ცვლილებები ამოქმედდა. ამასთან დაკავშირებით, შემოსავლების სამსახურის მიერ, მარტში დამატებით გამოიცა მეთოდური მითითება, რაც განმარტავს გარკვეულ საკითხებს, რომლებთან დაკავშირებითაც კითხვები ჩნდებოდა. კონკრეტულად რას გულისხმობს და რამდენად მნიშვნელოვანია ეს ცვლილებები - ამის შესახებ რადიო კომერსანტის გადაცემაში კომერსანტის დილა აუდიტორული კომპანია გრანთ თორნთონის საგადასახადო და იურიდიული მიმართულების დირექტორმა ქეთევან ღამბაშიძემ ისაუბრა.



ჩვენი არსებული პრაქტიკით და ჩვენი კლიენტების მოსაზრებიდან გამომდინარე, ეს რეფორმა საკმაოდ დადებითია, არის რაღაც გარკვეული დამამძიმებელი გარემოებაც, მაგალითად დღგ-ს გადამხდელად რეგისტრაციის ვალდებულებასთან დაკავშირებით, მაგრამ ჯამში დადებითი რეფორმაა. შემოსავლების სამსახურის მხრიდან ძალიან ბევრი შეხვედრა, ვებინარი თუ დისკუსია გაიმართა, გნებავთ იგივე ჩვენი კოლეგა და ჩვენი აუდიტორული კომპანის მხრიდანაც დაიგეგმა შეხვედრები, იმისათვის, რომ გადასახადის გადამხდელი კომპანიები საქმის კურსში ჩაგვეყენებინა და მათთვის დეტალები გაგვეცნო. - აღნიშნა ქეთევან ღამბაშიძემ.



ღამბაშიძის განმარტებით დამატებული ღირებულების გადასახადი საკმაოდ რთული გადასახადია და ის ბევრნაირ ოპერაციას ეხება. მან ასევე აღნიშნა, რომ ყველა ოპერაციას რაღაც ნიმუშების და მაგალითების გამოქვეყნებით ვერ დაფარავ, თუმცა მისივე განმარტებით ამ მიმართულებით მაინც პოზიტიური ნაბიჯებია გადადგმული.




მეთოდური მითითება მარტში გამოქვეყნდა და ძირითად საკითხებს ფარავს. ვინც კანონმდებლობას საფუძვლიანად ეცნობა, მისთვის ბევრი მიდგომა ისედაც გასაგებია, თუმცა არის რაღაც ნიუანსები რასაც მეთოდური მითითების მაგალითები ფარავს და შემდგომ პრაქტიკაში უნდა დაზუსტდეს.
მარტივ მაგალითს მოგიყვანთ, ფიზიკური პირის დაბეგვრის შესახებ ერთი მნიშვნელოვანი საკითხი იყო. მას შეეძლო 48 თვის განმავლობაში 4 საცხოვრებელი ბინის გაყიდვა ისე, რომ დღგ-თი არ დაბეგრილიყო და ეკონომიკურ საქმიანობაში არ ეთვლებოდა. ამ რეგულაციების შედეგად ეს ასე აღარ იკითხებოდა და კითხვის ნიშნის ქვეშ რჩებოდა ჩაითვლება თუ არა რეგულარულად აღნიშნული ოპერაცია, რამდენი ბინის გაყიდვა შეიძლება და ა.შ.
მეთოდურ მითითებაში არის მაგალითი, სადაც ფიზიკური პირი ყიდის ხუთ ბინას და გეგმავს საქართველოდან წასვლას.
აქ თვითონ ოპერაცია განხილულია არა იმ კუთხით თუ რამდენ ბინას ყიდის, არამედ მიზნობრიობით, ეს არ არის მისთვის გეგმაზომიერი ოპერაცია და მას პერმანენტული ხასიათი არ აქვს.



აქ განზრახვას აქვს მნიშვნელობა, ის აღნიშნული ქმედებით ეკონომიკურ საქმიანობას არ აპირებდა, შეიძლება ის ბინების გაყიდვის მერე საქართველოდან წასულიყო ან არ წასულიყო, შეიძლება რომ სურდა გაეყიდა 5 ბინა და ეყიდა ვთქვათ ერთი სახლი. მთავარია, რომ აღნიშნული ოპერაცია არ არის სისტემატური და ორგანიზებული ხასიათის. შეიძლება ამგვარი მიდგომა გარკვეული ინტერპრეტაციების შესაძლებლობას ტოვებს, თუმცა აქ განზრახვა და მიზნობრიობა არის მთავარი. - აღნიშნა ქეთევან ღამბაშიძემ.



ქეთევან ღამბაშიძის განმარტებით გრანთ თორნთონის ვალდებულებაა, რომ მათ კლიენტებს სიახლეები მუდმივად გააცნონ, რაც შეეხება დანარჩენ საზოგადოებას, გრანთ თორნთონი მათთვის ხშირად ატარებს სემინარებს თუ სასერტიფიკატო ტრენინგებს.


(R)




რატომ ღირს საკმეველი და მირონი ასე ძვირი

რატომ ღირს საკმეველი და მირონი ასე ძვირი
access_time2021-12-04 11:00:24
საკმეველი და მირონი მთელ მსოფლიოში ერთ-ერთ ყველაზე ძვირად ღირებული და ძვირფასი ნედლეულია. მხოლოდ რომის კათოლიკური ეკლესია წელიწადში დაახლოებით 50 ტონა საკმეველს იყენებს. საკმევლის...

ჩინეთი და რუსეთი ამერიკას კოსმოსში ებრძვიან

ჩინეთი და რუსეთი ამერიკას კოსმოსში ებრძვიან
access_time2021-12-04 15:00:08
როდესაც რუსეთი რაკეტის დარტყმით ანადგურებს კოსმოსში განლაგებულ თანამგზავრს, ან ჩინეთი ახალ ზებგერით რაკეტას ცდის, შეიარაღებათა რბოლა, რომელიც მიმდინარეობს დედამიწის ორბიტაზე, მას-მედიაში ახალი ამბების თემა ხდება, თუმცა, ამ აშკარა ფაქტების და ფართო საზოგადოების ყურადღების მიღმა, აშშ და მისი მოწინააღმდეგეები ერთმანეთს კოსმოსში ყოველდღიურად ებრძვიან. სანამ ვაშინგტონის ოფიციალური პირები და ექსპერტები გაზრდილ საფრთხეებზე საუბრობენ, მოწინააღმდეგეები ამერიკულ თანამგზავრებს თითქმის ყოველდღე...

რა გეკუთვნით სახელმწიფოსგან, როგორც ორსულს

რა გეკუთვნით სახელმწიფოსგან, როგორც ორსულს
access_time2021-12-04 12:00:27
...

Brexit-ის შედეგები გაერთიანებულ სამეფოში

Brexit-ის შედეგები გაერთიანებულ სამეფოში
access_time2021-12-04 17:00:24
...

რა გვიჯდება ბიუროკრატიის შენახვა

რა გვიჯდება ბიუროკრატიის შენახვა
access_time2021-12-04 16:00:11
...


მსგავსი სიახლეები

up