დეპუტატ გიორგი ვაშაძის საკნანომდებლო ინიციატივის დამტკიცების შემთხვევაში ლიბერთი ბანკს პენსიების გაცემის ექსკლუზიური უფლება ერთმევა, რამაც შესაძლოა საპენსიო სესხები გააიაფოს. 10 წელზე მეტია, საქართველოში პენსიონრებს ექსკლუზიურად ლიბერთი ბანკი ემსახურება. როგორც ფილიალიდან, ასევე ბანკომატიდან პენსიის გამოტანაზე საკომოსიო 0%-ა, პენსიონრები პრობლემას სესხის აღებისას აწყდებიან. საპროცენტო განაკვეთი საპენსიო სესხზე 30%-ს აჭარბებს. 

თავის დროზე ერთ-ერთი მთავარი არგუმენტი, რის გამოც ლიბერთი ბანკმა პენსიებიც გაცემის უფელბა მიიღო, ფილიალების ფართო ქსელი გახდა, თუმცა ლიბერთის მსგავსად „საქართველოს ბანკი“ და დღეს უკვე „თიბისი ბანკიც“, ოკუპირებული ტერიტორიების გარდა, მთელ საქართველოშია წარმოდგენილი.

იმისი გათვალისწინებით, რომ კომერციული ბანკები, როგორც წესი 70 წელს გადაცილებულ პირებზე სესხს არ გასცემენ, პენსიონრებისთვის ერთადერთ საშუალებად ლიბერთი ბანკი რჩება, სადაც ნომინალური საპროცენტო განაკვეთი 30.6%-ს შეადგენს, რაც ჩვეულებრივ სამომხმარებლო სესხთან შედარებით 1.5-ჯერ, 2-ჯერ მეტია. ეფექტური საპროცენტო განაკვეთი კი 44%-ს აღწევს, რაც ასევე სხვა იმავე მოცულობის სასმომხარებლო სესხებთან შედარებით საშუალო 2-ჯერ მეტია.

2020 წლის მდგომარეობით, ასაკით პენსიონერთა რაოდენობა 784 000-ს შეადგენდა და მათი ნახევარი საპენსიო სესხით სარგებლობდა. ეფექტური 40%-ითაც რომ დაანგარიშდეს 4 წელიწადსი დასაბრუნებელი თანხა ორმაგდება და პირობითად 1000 ლარიანი სესხი 2000 ლარი ხდება.   

მონოპოლიური გარემო ნებისმიერ შემთხვევაში პროდუქტზე და მომსახურებაზე ფასს ზრდის, გამონაკლისი არც საპენსიო სესხია და თუ პენსიონერს ბანკის არჩევის უფლება თავად მიეცა, ადვილი შესაძლებელია გადაწყვეტილებამ საპენსიო სესხები მართლაც გააიაფოს. ჩვეულებრივ სამომხმარებლო სესხთან შედარებით სავარაოდოდ ის მაინც უფრო ძვირი დარჩება, მაგრამ არსებული განაკვეთი დაიწევს.

საპენსიო სესხზე საპროცენტო განაკვეთის შემცირებაზე საკანონმდებლო ორგანოსი გიორგი ვაშაძესთან ერთად ალეკო ელისაშვილის პარტია მოქალაქეებიც მუშაობს, რისთვისაც ქართული ოცნების დეპუტატებთან და ლიბერთი ბანკის წარმომადგენელებთან ერთად სპეციალური ჯგუფია შექმნილი.