“ეს ფასია, რომელსაც ჩვენი ქვეყანა იხდის იმის გამო, რომ  არ უნდა რუსეთთან ურთიერთობა“  - აკაკი ცომაია რუსეთიდან ფულადი გზავნილების შესაძლო აკრძალვაზე

“ეს ფასია, რომელსაც ჩვენი ქვეყანა იხდის იმის გამო, რომ არ უნდა რუსეთთან ურთიერთობა“ - აკაკი ცომაია რუსეთიდან ფულადი გზავნილების შესაძლო აკრძალვაზე

access_time2019-07-08 18:00:33

„ფულადი გზავნილები ესაა ფაქტორი, რომელიც 90-იანი წლებიდან მოდის.  თავისთავად ცხადია, რომ გზავნილების აკრძალვა საქართველოს ეკონომიკაზე დიდ გავლენას მოახდენს. ეს ფასია, რომელსაც ჩვენი ქვეყანა იხდის იმის გამო, რომ მას არ უნდა რუსეთთან ურთიერთობა. თავიდანვე შეცდომა იყო რუსეთის ბაზარზე დამოკიდებულების ზრდა და  ეს იყო არასწორი პოლიტიკის შედეგი,“ - ასე აფასებს ეკონომიკური ექსპერტი აკაკი ცომაია რუსეთის მხრიდან მოსალოდნელ სანქციებს ფულადი გზავნილების აკრძალვასთან დაკავშირებით.



რუსეთის სახელმწიფო სათათბირო მთავრობას სთავაზობს, აიკრძალოს საქართველოდან ღვინისა და „ბორჯომის“ იმპორტი - ამის შესახებ რუსეთის დუმის ვიცე-სპიკერი სერგეი ნევეროვი „ფეისბუქის“ საკუთარ გვერდზე წერს. აღნიშნული საკითხის განხილვა საკანონმდებლო ორგანოში სწორედ დღეს იგეგმება.



ამას გარდა, დუმა ასევე აპირებს შესთავაზოს ხელისუფლებას აიკრძალოს რუსეთიდან საქართველოში ფულადი გადარიცხვები.



„ბუნებრივია, ქვეყანა არის დამოკიდებული სხვადასხვა ქვეყნების ეკონომიკაზე და რუსეთი არის ერთერთი მთავარი სავაჭრო პარტნიორი. როდესაც ჩრდილოეთით არის მტერი, რომელიც ნებისმიერ მომენტში განახორციელებს სანქციებს და მისთვის ნებისმიერი ინსტრუმენტი (ფულადი გზავნილები , ადამიანები, ტურისტები) წარმოადგენს პოლიტიკურ ინსტრუმენტს, ის გამოიყენებს ამას. პოლიტიკა აქტიურად არის მიმართული სავაჭრო ურთიერთობების გაღრმავებაზე , თუნდაც აბაშიძე-კარასინის დაუსრულებელი შეხვედრები ავიღოთ.  საზოგადოებამ ირწმუნა, რომ რუსეთის ბაზარზე გასვლა მარტივია და იოლ შრომას წარმოადგენს. დაინახა რუსეთმა საზოგადოების რეაქცია, რომ მოსახლეობის დიდ ნაწილს არ უნდა რუსული პოლიტიკის სიახლოვეს ყოფნა და გამოავლინეს თავიანთი კლანჭები. ბუნებრივია, ეს სანქციები საკმაოდ უარყოფითად იმოქმედებს . თუ ჩვენ გვსურს განვითარება, ნებისმიერი ხელისუფლების დროს, უნდა ვიზრუნოთ ბაზრის დივერსიფიცირებაზე, ინვესტორებთან, გადაწყვეტილების მიმღებ პირებთან სწორედ ამაზე უნდა იყოს მუშაობა. ამას ყველაფერს ვაბრალებ ცალსახად ხელისუფლებას. რუსეთს ვერ დავაბრალებ, ის გამიკვირდებოდა, რომ ამ სიტუაციაში რუსეთს ეს ნაბიჯები არ გადაედგა.“ - აცხადებს აკაკი ცომაია



რა უნდა გააკეთოს საქართველოს ხელისუფლებამ იმისთვის, რომ მოსალოდნელი სანქცია რუსეთის მხრიდან ფულად გზავნილებზე საქართველოს ეკონომიკისთვის მნიშვნელოვან და ძლიერ დარტყმად არ აისახოს. ამასთან დაკაშირებით აკაკი ცომაია გამოსავალს გადასახადების შემცირებაში ხედავს , რადგან, მისივე თქმით, შემოსავლების სწორი გადანაწილება ხელისუფლების ძლიერი მხარე არ არის და არც არასდროს ყოფილა.



„როდესაც შემოსავალი მცირდება საზოგადოებაში, ეს შემოსავალი შემცირების მიმართულებითაც  ნაწილდება ასიმეტრიულად.  ქვეყანას თუ დააკლდა მილიარდი დოლარი, ეს მილიარდი დოლარი ნაწილდება  -  ვიღაცას 1000 დოლარით ნაკლები შეხვდება, ვიღაცას 100 დოლარით ნაკლები. ამ ასიმეტრიულ გადანაწილებაში მთავრობას აქვს თავისი როლი და ესაა საზოგადოების ბიუჯეტის სწორი განკარგვა. თუ მთავრობა უარს იტყვის ბიუჯეტის დახარჯვაზე, მან უნდა შეამციროს გადასახადები. თუ გადასახადებს არ შეამცირებს, ეს მდგოამრება არ შემსუბუქდება და დამოკიდებული იქნება მთავრობის კეთილ ნებაზე, თუ როგორ გადაანაწილებს ის ამ შემოსავალს. ამ შემთხვევაში ვიცით, რომ მთავარობა ყოველთვის ცუდი გამანაწილებელია, მაგრამ ცალსახად ვიტყოდი იმას, რომ გადასახადები ყველა მიმართულებით მაქსიმალურად უნდა შემცირდეს.“ - აღნიშნა აკაკი ცომაიამ



ცნობისათვის, 2019 წლის 6 თვეში საქართველოდან რუსეთში ექსპორტზე გავიდა 25 582 447 ბოთლი ღვინო, რაც მთლიანი ექსპორტის 60%-ზე მეტია.



რაც შეეხება ფულად გზავნილებს, რუსეთიდან საქართველოში ყოველთვიურად საშუალოდ 30-35 მლნ დოლარი ირიცხება. 2019 წლის 5 თვეში რუსეთიდან საქართველოში 163,7 მლნ დოლარის გადმოირიცხა, რაც მთალიან გზავნილების თითქმის 25%-ს შეადგენს.

 


მარიამ მორგოშია

 





მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა

მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა
access_time2020-04-08 15:00:32
მთავრობის გადაწყვეტილებით, გაფართოვდა იმ ეკონომიკური საქმიანობის ჩამონათვალი, რომელსაც საგანგებო მდგომარეობის პერიოდში, ფუნქციონირება არ ეზღუდება. ინფორმაცია „საკანონმდებლო მაცნეში“ გამოქვეყნდა. მთავრობის №222 დადგენილების თანახმად , ცვლილება შედის 2020 წლის 23 მარტის №181 დადგენილებაში, რომელიც საგანგებო მდგომარეობის პერიოდში ეკონომიკური სუბიექტების საქმინობას...

ლაშა პაპაშვილი „რედიქს ჯგუფის“ მიმდინარე ობიექტების კონსერვაციის გეგმაზე მუშაობს

ლაშა პაპაშვილი „რედიქს ჯგუფის“ მიმდინარე  ობიექტების კონსერვაციის გეგმაზე მუშაობს
access_time2020-04-08 13:00:51
ლაშა პაპაშვილი იმ  მიმდინარე ობიექტების კონსერვაციის გეგმაზე მუშაობს, რომელსაც საინვესტიციო კომპანია „რედიქს ჯგუფი“ ახორციელებს. ამის შესახებ ბიზნესმენმა „კომერსანტს“ თავად განუცხადა. მისი განმატებით, მათ შორისააა, თბილისში Hilton-ის ბრენდის პირველი სასტუმრო, რომლის გახსნის თარიღმაც ორჯერ გადაიწია. „ჭავჭავაძეზე უნდა გაგვეხსნა Hilton-ი,მაგრამ მასთან ერთად ყველაფერი შევაჩერეთ და კონსერვაციის გეგმაზე ვმუშაობთ. პირველივე დღეებში მოგვიწია „კლუბი 71“-ის...

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...


მსგავსი სიახლეები

up