წყალტუბო, რომელიც ადრე ცნობილი იყო, როგორც საბჭოთა კავშირის რივიერა, დღეს ფოტოგრაფების საყვარელი ადგილია. ევროპელი ფოტოგრაფი ამოს ჩაპლი იანვარში 3 დღით ეწვია ამ ქალაქს, რომელზე დაყრდნობითაც ბრიტანულმა გამოცემა Dailymail-მა წყალტუბოს საბჭოთა ნაგებობებს ვრცელი ფოტორეპორტაჟი მიუძღვნა.
Radio Free Europe-ის ფოტოგრაფის თქმით, კურორტი წყალტუბო საქართველოში ყველაზე გასაოცარი ადგილია დიდი კრისტალური ჭაღებითა და ატრიუმებით.
1992-1993 წლებში, აფხაზეთის ომის პერიოდში 9000 დევნილი სწორედ აქ, სახელმწიფო სანატორიუმში განათავსეს.
ფოტოგრაფი Rfel.org-ისთვის დაწერილ სტატიაში ამბობს, რომ სტალინის პერიოდის სანატორიუმში, საბჭოთა მეტალურგები სახლობდნენ. ახლა კი ეს ადგილი აფხაზეთიდან დევნილების სახლია. მისივე თქმით, სანატორიუმების დიდი ნაწილი მიტოვებულია.
„ბლოგერებისა და მოგზაურ ფოტოგრაფების ძალიან ბევრი ფოტო შემხვდა ინტერნეტსივრცეში. ფაქტია დიდ ინტერესს იწვევს ეს ადგილი. ყოველთვის მინდოდა წყალტუბოს ნახვა, მაგრამ როცა საქართველოს უმდიდრესმა ადამიანმა ბიძინა ივანიშვილმა გამოაცხადა, რომ აქაურ სანატორიუმებს და აბანოებს ყიდულობს, ეს არაერთი დისკუსიის საგანი გახდა, ამიტომ გადავწყვიტე, რომ კარგი მიზეზი იქნებოდა ჩამოსასვლელად.“ - ამბობს ფოტოგრაფი.
მარიამ მორგოშია
Dailymail.co.uk