კორონავირუსის ეპიდემიის სავარაუდო დასრულების შემდეგ, ჩინელებმა ისევ დაიწყეს ღამურების ჭამა.
ღამურები ისევე, როგორც მორიელები, და სხვა ეგზოტიკური არსებები, იყიდება ქვეყნის ბაზრობებზე, როგორც ხალხური მედიცინის საშუალებები.
ათასობით ჩინელი გროვდება დიდ ბაზარზე ქვეყნის სამხრეთ-დასავლეთ ნაწილში მდებარე ქალაქ გუილინში. ეს გიგანტური სავაჭრო ობიექტი გამოიყურება ისევე, როგორც კორონავირუსის გავრცელებამდე - ჟანგიანი გალიები ცხოველებით, სისხლის გუბეები იატაკზე, და იქვე დაყრილი შიგნეულობები.
ერთ-ერთი ყველაზე პოპულარული კერძი ამ რეგიონში არის ზამთრის გამათბობელი სუპი, რომელიც ძაღლების და კატების ხორცისგან მზადდება.
აქ ყველა თვლის, რომ ეპიდემია დასრულდა და სანერვიულო არაფერია. ის, რაც დღეს ხდება მსოფლიოში - მათი პრობლემა აღარ არის.
მსგავსი ბაზარი გაიხსნა სამხრეთ ჩინეთის ქალაქ დუნგუანშიც.
ერთადერთი განსხვავება წინა წლებთან შედარებით არის ის, რომ ამ ტიპის ბაზრებზე დღეს დგას დაცვა, რომელიც ხელს უშლის ჟურნალისტების მუშაობას.
კორონავირუსის ეპიდემიის პირველწყაროდ მიჩნეულია სწორედ ღამურა, რომელიც გაიყიდა ცხოველების ბაზარობაზე ქალაქ უხანში.
ექიმების თქმით, ღამურებს აქვთ ძალიან ძლიერი იმუნური სისტემა, რომლის წყალობითაც ისინი ატარებენ ერთდროულად ათობით საშიშ ვირუსს.
ქალაქი უხანი 22 იანვარს დაიკეტა და გაიხსნა 24 მარტს, კორონავირუსის ეპიდემიის დასრულების შემდეგ.
http://https://www.dailymail.co.uk/news/article-8163761/Chinese-markets-selling-bats.html