ძალიან ბევრი თეორია არსებობს იმის თაობაზე, რომ სხვადასხვა დანამატები, ისეთები, როგორც ვიტამინები და მელატონინი, კორონავირუსით დაავადების რისკს ამცირებენ, თუმცა, კვლევების თანახმად, იგივეს თქვა რამდენიმე ჩვეულებრივ კვების პროდუქტზე შეიძლება, რომელიც თითქმის ყველა მაღაზიაში იყიდება.
1.თინუსი
ეს თევზი ძალიან პოპულარულია მთელს მსოფლიოში, შემწვარიც, მოხარშულიც და კონსერვირებულიც. ის დიდი რაოდენობით სასარგებლო ნივთიერებებს შეიცავს, ისეთებს როგორც ვიტამინი ბ-12 და ცილა ომეგა-13.
ჩინეთის ბოქსიას უნივერსიტეტში ამ პროდუქტის ვირუსზე ზემოქმედების შესწავლა ჯერ კიდევ ოქტომბერში დაუწყეს. მკვლევარების აზრით, თინუსის ხორცი დიდი რაოდენობით ისეთ ნივთიერებებს შეიცავს, რომლებიც ვირუსის ორგანიზმში შეღწევას აფერხებენ. კერძოდ, ისინი ერთ-ერთ რეცეპტორთან ACE2-თან რეაქციაში შედიან - სწორედ ACE2 ასრულებს ვირუსისთვის ადამიანის ორგანიზმში შესვლისთვის აუცილებელ „კარიბჭის“ როლს.
სწორედ ამ რეცეპტორს უმიზნებს თავის ეკლებს და მოტყუებით აიძულებს მას შეუშვას ვირუსი ორგანიზმში, თინუსის ხორცში არსებული პეპტიდები აძლიერებენ ACE2-ს მდგრადობას. თუმცა, ამ ეტაპზე ეს მხოლოდ ვარაუდია და თინუსის ანტივირუსული თვისებები ჯერ მსოფლიოს მიერ აღიარებული არაა.
2. შავი შოკოლადი და ყურძენი
კვების ბევრი პროდუქტი, ისეთი, როგორც მწვანე ჩაი, ყურძენი, შავი შოკოლადი და ღვინო შეიცავს ქიმიურ შენაერთს - ფლანავოლებს.
აშშ-ს ჩრდილოეთ კაროლინის უნივერსიტეტის კვლევის თანახმად, ფლანავოლები კორონავირუსის მიერ გამომუშავებულ ფერმენტ Mpro -ს მნიშვნელოვნად ასუსტებს.
Mpro აუცილებელია ვირუსის გამრავლებისთვის, და მისი აქტიურობის შემცირების შემთხვევაში ვირუსი კვდება. არსებული პროდუქტებიდან ფლანავოლები ყველაზე მეტი სწორედ შავ შოკოლადში და ყურძენშია.
3.კეფირი
საუდის არაბეთის აბდულ რახმანის სახელობის უნივერსიტეტის მეცნიერებმა ავტორიტეტულ მეცნიერულ გამოცემა Biomedicine & Pharmacotherapy-ში მათ ჩატარებული კვლევის შედეგები გამოაქვეყნეს. მათი აზრით, კეფირს ანთების საწინაამღდეგო აგენტის როლის შესრულება და ამით დაავადების მიმდინარეობის შერბილება შეუძლია.
ეს პროდუქტი იმ ნაწილაკებს ასუსტებს, რომლებიც კორონავირუსის შეღწევის შემდეგ ადამიანის ორგანიზმში ანთების განვითარებას ხელს უწყობენ.
„რა თქმა უნდა, კეფირი კორონავირუსს არ მკურნალობს, თუმცა, შესაძლოა მის სიმწვავეს ამცირებდეს“ - მიაჩნიათ მკვლევარებს.
4. გრეიპფრუტი
მაიამის პულმანოლოგიის ინსტიტუტის მიერ ჩატარებული კვლევის შედეგების თანახმად, გრეიპფრუტს კორონავირუსის აქტივობის შემცირება შეუძლია და ეს საკითხი უკვე ოფიციალურ დონეზეა დაყენებული - გრეიპფრუტის თესლების საფუძველზე შექმნილი აეროზოლების მწარმოებლებმა აშშ-ს სანიტარული ზედამხედველობის სამსახურში შესაბამისი განაცხადი უკვე შეიტანეს. კერძოდ, ისინი ამ აეროზოლის კორონავირუსის წინაამღდეგ ბრძოლის ჰიგიენურ საშუალებათა ნუსხაში შეტანას ითხოვენ.
„გრეიპფრუტის მოქმედების ზუსტი მექანიზმი უცნობია, თუმცა, ჩვენი კვლევა აჩვენებს, რომ ის კორონავირუსის ორგანიზმში შეღწევას ართულებს, და დაავადების უფრო რბილი ფორმით გადატანას ხელს უწყობს“ - მიიჩნევს კვლევის ერთ-ერთი ავტორი მარკოს სანჩესი.
5. ზღვის წყალმცენარეები
ჯერ კიდევ მე-19 საუკუნეში, ირლანდიაში რესპირატორული დაავადებების წინაამღდეგ წითელ წყალმცენარეს კარაგინს იყენებდნენ. უელსის უნივერსიტეტის მკვლევარებმა ამ პროდუქტის ბაზაზე სპეციალური სამკურნალო აეროზოლი შექმნეს, რომლის ცდებმაც დაადასტურეს, რომ მას კორონავირუსის სიმპტომების შერბილება შეუძლია.
ცდები დღესაც, ამჯერად ბრიტანეთის ჯანდაცვის ეროვნული სამსახურის ეგიდით, გრძელდება. სავარაუდოდ, კორონავირუსზე კარაგინის ზემოქმედების თაობაზე კვლევის საბოლოო შედეგები 2021 წლის მაისში გამოქვეყნდება.
„კარაგინის საფუძველზე შექმნილმა აეროზოლმა აქამდე ცნობილი კორონავირუსების წინაამღდეგ ეფექტურობა უკვე დაადასტურა, და თუ მისი ზემოქმედება კოვიდ-19-ზეც გავრცელდება, ეს პანდემიასთან ბრძოლის ტაქტიკაში მნიშვნელოვან სიახლეებს შემოიტანს“ - ამბობს კვლევის ხელმძღვანელი ზიტა ჯესოპი.
dailymail.co.uk