კლიმატის ცვლილება ოკეანეების უპრეცედენტო ამჟავებას და დათბობას იწვევს, რაც  სავარაუდოდ, საუკუნის ბოლოს ოკეანეების ზედაპირის 95%-ში სიცოცხლეს თითქმის შეუძლებელს გახდის - ამის შესახებ  აშშ-ს ჩრდილოეთ-დასავლეთის უნივერსიტეტის კვლევაშია ნათქვამი.

მეცნიერების პროგნოზით, შესაძლებელია მოვლენათა განვითარების 2 მოდელი - ერთი სცენარის თანახმად 2050 წლამდე სასათბურე გაზების გამოყოფა გაიზრდება, თუმცა, შემდეგ კლებას დაიწყებს. მეორეს თანახმად, გაზების გამოყოფა ეტაპობრივად იზრდება და 2100 წლისთვის მაქსიმალურ მაჩვენებელს აღწევს.

პირველი სცენარის განვითარების შემთხვევაში ოკეანეების ზედაპირზე სიცოცხლის განვითარებისთვის აუცილებელი პირობების 36% უკვე  2100 წლისთვის გაქრება, თუმცა მეორე მოდელი ბევრად უფრო პესიმისტურია და საანგარიშო პერიოდში სიცოცხლისთვის აუცილებელი პირობების 95% გაქრობას გულისხმობს.

ატმოსფეროში  CO2-ს შემცველობის ზრდა 2-3-ჯერ მაღალია, ვიდრე ბოლო 300 მლნ. წლის მანძილზე, რაც მიანიშნებს იმას, რომ ეს პრობლემა შესაძლოა ცოცხალი არსებების მრავალი სახეობებისთვის ფატალური აღმოჩნდეს.

გარემოს ასეთი სწრაფი ცვლილება ნიშნავს იმას, რომ 21-ე საუკუნის ბოლოსთვის დღევანდელი კლიმატი არ იარსებებს, და ეს იქნება სრულიად ახალი კლიმატი. განსაკუთრებით მძიმე ეს ოკეანეებისთვის იქნება და ყველაფერი შეიცვლება.  ზედაპირული წყლების ტემპერატურა, მჟავიანობა, და მინერალების შემცველობა. 

განსაკუთრებით არაგონიტის, რომელსაც წყალქვეშა არსებების ძვლების და ნიჟარების ჩამოყალიბებისთვის უმნიშვნელოვანესი ელემენტია.

ცოცხალი არსებების ის სახეობები, რომლებიც სასიცოცხლოდ არიან დამოკიდებულები დღევანდელ კლიმატზე, ან ახალ პირობებთან ადაპტირება, ამ გადაშენება მოუწევთ -ამბობს კვლევის ავტორი, ჩრდილოეთ-აღმოსავლეთ უნივერსიტეტის საზღვაო მეცნიერებათა ცენტრის დირექტორი კეტი ლოტერჰოსი.

ზღვის ბინადრები,   რომელიც ოკეანეს წლის ზედა ნაწილში ცხოვრობენ, ახალ, გაუარესებულ პირობებთან ადაპტირებას მოახერხებენ, პირველ რიგში ოკეანეებს შორის მუდმივი მოძრაობის გზით.

გარკვეული დროის მანძილზე ეს მათ წყლების დათბობისგან თავის დაღწევის შესაძლებლობას მისცემს, თუმცა, მხოლოდ გარკვეული დროით. მაგრამ არც ეს იქნება მუდმივი და საიმედო გზა გადარჩენისკენ  - მომავალში მათ ამის შესაძლებლობები შეუმცირდებათ იმის გამო, რომ თითქმის მთელი ოკეანე ერთნაირად დათბება და დამჟავდება.

„უკვე დღეს ბევრმა სახეობამ დასახლების არეალი წყლის დათბობის გამო შეიცვალა, და ამგვარი ცვლილებების პროცესი ათწლეულების მანძილზე დინამიკურად გაგრძელდება. მთავრობები ვალდებულები იქნებიან თვალი ადევნონ იმ სახეობებს, რომლებიც ოკეანეს წყლის ზედა ფენებში ცხოვრობენ. საბოლოო ჯამში მსოფლიო ოკეანეს სასიცოცხლოდ სჭირდებათ, რომ მავნე გამონაბოლქვები, რომლებიც დათბობას და შემდგომ წყლის დამჟავებას იწვევენ  შემცირდეს, და პერსპექტივაში საერთოდ შეწყდეს“ - ამბობს ლოტერხოსი.

მისი თქმით, დრო ჯერ კიდევ არის - კაცობრიობა ოკეანეების განადგურების მხოლოდ საწყის სტადიაზე იმყოფება, თუმცა, თუ არაფერი შეიცვალა, საბოლოო ჯამში ოკეანეს სიკვდილი გარდაუვალი იქნება.