„დადგენილების ამოქმედებას სახელმწიფოც მოუმზადებელი შეხვდა“ - როგორ აფასებენ დეველოპერები 41-ე დადგენილებას

„დადგენილების ამოქმედებას სახელმწიფოც მოუმზადებელი შეხვდა“ - როგორ აფასებენ დეველოპერები 41-ე დადგენილებას

access_time2018-01-22 09:00:15

ტექნიკური რეგლამენტის ამოქმედებიდან ერთი წელი გავიდა. მთავრობის 41-ე დადგენილების ამოქმედების შემდეგ, დეველოპერული ბიზნესს ახალი რეგულაციების შესრულება დაევალა, რაც მშენებლობის დროს უსაფრთხოების ნორმების მკაცრად გათვალისწინებას გულისხმობს.


დეველოპერები რეგულაციების ამოქმედებას სწორად მიიჩნევენ, თუმცა სამშენებლო კომპანიების წარმომადგენლთა ერთი ნაწილი მიიჩნევს, რომ დადგენილება ნაწილ-ნაწილ უნდა ამოქმედებულიყო, რომ ბიზნესი ცვლილებებს მომზადებული დახვედროდა. ასევე მიიჩნევენ, რომ არის პუნქტები, რომელთაც დახვეწა სჭირდება. დეველოპერთა ნაწილი კი ძირითად პრობლემად იმ სპეციალისტების დეფიციტს ასახელებს, რომლებიც არქიტექტურულ-ექსპერტულ დასკვნებს აკეთებენ.


როგორც „კომერსანტს“ „GDG პლიუსის“ დამფუძნებელმა ბეჟან წაქაძემ განუცხადა, ბიზნესისთვის ახალ სტანდარტზე გადასვლა მარტივი არ ყოფილა.


„მანამდე იყო გარკვეული განხილვები, მაგრამ გასული წლის პირველ იანვარს უეცრად ბევრი რეგულაცია ერთად შევიდა ძალაში. ბუნებრივია, ახალ სტანდარტებზე გადასვლა მარტივი არ იყო. რამაც დაბნეულობა შექმნა. ჩემი აზრით, რეგულაციების ამოქმედება ნაწილ-ნაწილ უნდა მომხდარიყო. არის პუნქტები, რომლებიც საკმაოდ მკაცრია. მეტად მომზადებულები რომ შევხედროდით, აღარ გაგვიჭირდებოდა“, - აცხადებს წაქაძე.


მისივე თქმით, თავდაპირველად და ახლაც მთავარი პრობლემა სპეციალისტების ნაკლებობაა: „რეგულაციები ითხოვდა არქიტექტურულ დასკვნებს, რომლებიც ექსპერტს უნდა გაეკეთებინა. მერიამ ამ კუთხით მზადება მოგვიანებით დაიწყო. თავიდან არქიტექტორებიც ძალიან მცირე რაოდენობით იყვნენ. ექსპერტის დასკვნა უნდა მიგეტანა და ამ დროს ექსპერტი არ იყო, ვინც ამ დასკვნას დაგიწერდა. თუმცა ახლაც მათი რაოდენობა არასაკმარისია, რის გამოც დასკვნების სწრაფად გაკეთება დროში ჭიანურდება“, - აღნიშნავს „GDG პლიუსის“ დამფუძნებელი.


მისივე განმარტებით, 41-ე დადგენილების ამოქმედება და გარკვეული რეგულაციების შემოღება საჭირო იყო, რადგან უსაფრთხოების ნორმების დაცვა აუცილებელია.



„კარგია, რომ სტანდარტები შემოიღეს. რა თქმა უნდა, ამან ბიზნესს საქმე არ გაუადვილა, პირიქით გაართულა, თუმცა საჭირო იყო. თუნდაც ბოლო პერიოდში რამდენი ხანძარი მოხდა. ჯერ გამოძიება არ არის დასრულებული, მაგრამ ზოგიერთი შემთხვევა სწორედ უსაფრთხოების ნორმების დაუცველობამ გამოიწვია“, -აცხადებს ბეჟან წაქაძე.


კიდევ ერთი სამშენებლო კომპანია „ივერონის“ დამფუძნებელი არჩილ ჯაყელი კი აღნიშნავს, რომ არ არის გამორიცხული რეგულაციების შემოღებამ ბიზნესს ხარჯები გაუძვიროს.


 „ახალი რეგულაციები მომსახურებას გარკვეულწილად გააძვირებს. ჩვენს კომპანიას გასულ წელს მიმდინარე პროექტები ჰქონდა, თუმცა სამომავლოდ უკვე აღნიშნული რეგულაციებით ვიმოქმედებთ. დადებითი მხარე აქვს ის, რომ მეტი უსაფრთხოება, მეტი პასუხისმგებლობა იქნება, თუმცა ხარჯი გაგვეზრდება“, - აცხადებს ჯაყელი.


მისივე თქმით, ახალ რეგულაციებს სახელმწიფოც მოუმზადებელი შეხვდა და ამაზე ექსპერტების დეფიციტიც მიუთითებებს.


„არა მხოლოდ ბიზნესი, სახელმწიფოც არ არის მზად, ყველაფრის კონტროლზე აყვანა უცებ რომ მოხდეს. სპეციალისტების დეფიციტი გვაქვს. ასევე, ჩემი აზრით, კარგი იქნება თუ კომპანიები ექსპერტთა ფირმებთან კონტრაქტს დადებენ, რომ უსაფრთხოების კუთხით მომსახურება გაუწიონ. ეს ფირმა რამდენიმე სამშენებლო კომპანიას მოემსახურება და პასუხისმგებლობასაც თავის თავზე აიღებს. ეს უფრო გაამარტივებს საქმეს. ყველა კომპანიამ და მათ შორის პატარა კომპანიამ უსაფრთხოების ცალკე კადრები რომ აიყვანოს, ეს უფრო რთული იქნება“, - აღნიშნავს არჩილ ჯაყელი.


მისივე თქმით, 41-ე დადგენილება დასახვეწია: „დადგენილება დასახვეწია. საკმაოდ დიდი დოკუმენტია და ვფიქრობ, პრაქტიკაში რაც უფრო მეტად დაიწყება მისი გამოყენება, მით უფრო საჭირო გახდება მისი დახვეწა. მაგალითად, დადგენილებაში როგორც ევროპული, ასევე ამერიკული სტანდარტები. მათ შორის განსხვავება არის, ამიტომაც გაუგებრობა რომ არ გამოიწვიოს, უმჯობესი იქნება ერთიანი სტანდარტი შემუშავდეს“, - აცხადებს კომპანია „ივერონის“ დამფუძნებელი.  


2017 წლის 1-ლი იანვრიდან საქართველოში ტექნიკური რეგლამენტი - „შენობა-ნაგებობის უსაფრთხოების წესები“ ამოქმედდა. მთავრობის 620-გვერდიან დადგენილებაში საუბარია უსაფრთხოების მისაღწევად საჭირო მინიმალურ მოთხოვნებზე, როგორიცაა გასასვლელების სათანადოდ დაპროექტება, ხანძრისა თუ სხვა საფრთხეებისგან დაცვა, კიბეებისა თუ ლიფტების შესაბამისი წესების დაცვით მოწყობა და ა.შ.


ავტორი: თეონა კენჭიაშვილი

 

 





„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა

„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა
access_time2019-08-21 18:55:00
 „რუსთავი 2“  საინფორმაციო გამოშვება “კურიერის“ თითქმის ყველა ჟურნალისტმა დატოვა.  ინფორმაცია “კომერსანტს“ რუსთავი 2-ის ჟურნალისტებმა დაუდასტურეს. რამდენიმე წუთის წინ სოციალურ ქსელში კურიერის რამდენიმე ჟურნალისტმა სამსახურის დატოვების შესახებ გადაწყვეტილება გამოაცხადა, თუმცა მათ რიგებს, სავარაუდოდ, მთელი გუნდი შეუერთდა. „რუსთავი 2“-ის ყოფილმა დირექტორმა ნიკა გვარამიამ განაცხადა, რომ „მთავარი არხი“ მაუწყებლობის...

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა
access_time2019-08-21 20:00:50
გვენეტაძე - სავალუტო ფონდის უპირობო მსახური, თუ საქართველოს ეროვნული ბანკის პრეზიდენტი საერთაშორისო რესპუბლიკური ინსტიტუტის (IRI) სულ ბოლო კვლევის მიხედვით, გამოკითხული რესპონდენტების 70% ეროვნულ ბანკს არ ენდობა. საქართველო, დღესდღეობით, ადეკვატური მოცემულობის ქვეყანა რომ იყოს, მხოლოდ ეს ერთი მონაცემი იქნებოდა საკმარისი, ეროვნული ბაკის პრეზიდენტს, საიდანაც მოვიდა (ვოშინგტონი/სავალუტო ფონდი) ისევ იქეთ რომ აეკრა გუდა-ნაბადი (თუ მიიღეს),...

კომერსანტის ექსკლუზივი - მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება, სოლიდურ კომპენსაციას მიიღებს

კომერსანტის ექსკლუზივი - მაღაზია რუსთაველზე, რომლის ვიტრინაშიც  „ფორსაჟი 9“-ის  გადაღებებისას მანქანა შევარდება, სოლიდურ კომპენსაციას მიიღებს
access_time2019-08-21 17:30:38
უკვე მესამე დღე რაც თბილისში  „ფორსაჟი 9“-ის გადაღებები მიმდინარეობს და  უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა. ამჯერად ახალ ექსკლუზიურ დეტალზე გესაუბრებით: აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია - სპეცტრაილერი ბეთანიაში დიდი სიმაღლიდან...

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...


მსგავსი სიახლეები

up