„ცხინვალელი“ ავტომფლობელები ვლადიკავკაზში საპროტესტო აქციებს მართავენ

„ცხინვალელი“ ავტომფლობელები ვლადიკავკაზში საპროტესტო აქციებს მართავენ

access_time2019-09-17 18:00:54


ოსი ავტომფლობელები, რომლებსაც ავტომობილები ჰყავთ ე.წ. „სამრეთ ოსეთის“ ნომრებით, უკვე რამდენიმე დღეა რუსეთში ავტომობილების დროებით შემოყვანის ახალ წესებს აპროტესტებენ. რადენიმე აქცია უკვე ჩატარდა სასაზღვრო პუნქტ ზარამაგთან და ვლადიკავკაზში, ჩრდილოეთ ოსეთის საბაჟოს ოფისთან.


რუსეთის მიერ ე.წ. სამხრეთ ოსეთის აღიარების შემდეგ, ჩრდილოეთ ოსებმა მოიფიქრეს ქვეყანაში მოქმედი ავტომობილების განბაჟების უკიდურესად მაღალი განაკვეთის თავიდან არიდების სქემა - კერძოდ, ისინი იღებენ „სამხრეთ ოსეთის“ მოქალაქეობას, აფორმებენ თავიანთ ავტომობილებად, როგორც „სამხრეთ ოსეთის“ და მშვიდად გადაადგილდებიან რუსეთში დროებითი ნებართვის საფუძველზე.


ამ სქემის ერთადერთი მცირე უხერხულობა ისაა, რომ საჭიროა 6 თვეში ერთხელ საზღვრის გადაკვეთა და ისევ დაბრუნება - თუმცა, გეოგრაფიული სიახლოვის გამო, ეს არაა სერიოზული პრობლემა.


აქედან გამომდინარე, ჩრდილოეთ ოსეთში ყოველდღიურად იზრდებოდა როგორც ავტომობილების რაოდენობა ცხინვალის ნომრებით, ისე ჩრდილოეთ ოსეთის საბაჟოს უკმაყოფილება დაკარგული შემოსავლების გამო.


როგორც ჩანს, მებაჟეებმა გადაწყვიტეს ამ სიტუაციის მოგვარება და მიიღეს უცხოურნომრებიანი ავტომობილების დროებით შემოყვანის ახალი წესი - ყველა ავტომფლობელი ე.წ. ცხინვალის ნორმებით, რომელსაც გააჩნია რუსეთის მოქალაქეობა და რუსული ჩაწერა, გამოცხადდა კანონდამრღვევად - ცხინვალიდან ვლადიკავკაზში გადაადგილებისას მათ უწევთ სპეციალური საბაჟო ტარიფის გადახდა, რომელიც თითქმის უტოლდება განბაჟებას.


სამხრეთ ოსეთის საბაჟოს ყოფილი იურისტის თემურ კოკოიტის თქმით, ეს ქმედებები უკანონოა, რადგანაც ევრაზიული კავშირის კანონმდებლობა ითვალისწინებს არა ჩაწერას, არამედ ფაქტობრივ საცხოვრებელ ადგილს - მაგალითად, თუ რუსეთის მოქალაქე მუდმივად ცხოვრობს უცხოეთში, ის აღიარებულია, როგორც უცხოელი.


ჩრდილოეთ ოსეთის საბაჟოს კამპანიამ ძირითადად დააზარალა ე.წ. სამხრეთ ოსეთის მაცხოვრებლები, რომლებიც ჩაწერილები არიან რუსეთში, ძირითადად, ვლადიკავკაზში - მათ მოუწიათ რუსეთიდან ამოწერა, თუმცა, როგორც აღმოჩნდა - სულ ტყუილად.


გასულ კვირას ჩრდილოეთ ოსეთის საბაჟომ დაადგინა ახალი მიდგომა აღნიშნული კატეგორიის ავტომფლობელებისადმი - რუსეთში უცხოურნომრიანი ავტომობილის ლეგალური შემოყვანა შეუძლია მხოლოდ იმას, ვინც თვეში 20 დღე ცხოვრობს „სამხრეთ ოსეთში“.


ეს დაკავშირებულია 1 აგვისტოს ძალაში შესულ რუსულ-ოსურ შეთანხმებასთან, რომელმაც გააუქმა ე.წ. სამხრეთ ოსეთის მოქალაქეების რუსეთში ყოფნის კონკრეტული ვადები.


„საიმიგრაციო ბარათების გაუქმდა და „სამხრეთ ოსეთის“ მოქალაქეებს შეუძლიათ რუსეთში ყოფნა უვადოდ. ამიტომ, მებაჟეების უკვე არ აინტერესებთ, რამდენი ხანი აპირებს კონკრეტული ადამიანი რუსეთში გაჩერებას. ისინი ხელმძღვანელობენ თავიანთი მონაცემთა ბაზით. თუმცა ეს მონაცემები შეზღუდულია, მათი მეშვეობით ვერ დაადგენ - დარჩა ადამიანი ვლადიკავკაზში, თუ წავიდა სადმე სხვაგან. დღეს მებაჟეების უყურებენ არა ჩაწერას, არამედ საზღვრის გადაკვეთის წინა შემთხვევებს და ამის საფუძველზე ადგენენ კონკრეტული ავტომობილის შემოშვების ვადებს,“ - ამბობს თემურ კოკოიტი.


ამ წესებმა გამოიწვია ავტომფლობელების დიდი უკმაყოფილება, რასაც მოჰყვა საპროტესტო აქციები. მათი თქმით, ახალი წესების გამო მათ უწევთ ჩრდილოეთ ოსეთში გამგზავრება საზოგადოებრივი ტრანსპორტით.


სახელმწიფოს პასუხი მოკლე და მარტივია - ვლადიკავკაზში ჩატარებული აქციის მონაწილეებთან გამოვიდა ჩრდილოეთ ოსეთის საბაჟოს უფროსი მარატ კაბეკოვი, რომელმაც განაცხადა - „ჩვენ ვმოქმედებთ კანონის ფარგლებში“.


ეს იყო მისი ერთადერთი საჯარო კომენტარია. მან შესთავაზა საპროტესტო აქციის მონაწილეებს მიღებაზე ჩაწერა, რამაც გამოიწვია მძღოლთა აღშფოთება.


კებეკოვი შეხვდა მომიტინგეებს და დაპირდა საკითხის უფრო დეტალურ შესწავლას, თუმცა, მისი თქმით, ახალი წესები შესაძლოა მცირედით გადაიხედოს, თუმცა, მთლიანობაში არ გაუქმდება.


მისი თქმით, „დღევანდელი სიტუაცია არის დროებით შემოყვანაზე კონტროლის გამკაცრების შედეგი“.



ekhokavkaza





ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ

ნათია თურნავა: დარჩება ქვეყნები, რომლებთანაც ალბათ სავალდებულო კარანტინს შევინარჩუნებთ
access_time2020-06-06 21:27:10
„გვექნება ძალიან გამჭვირვალე, მკაფიო კრიტერიუმები და პირველ რიგში იმ ქვეყნებიდან დავიწყებთ ტურისტების მიღებას, რომლებიც ამ კრიტერიუმებს უპასუხებენ“, - ამის შესახებ ეკონომიკის მინისტრმა ნათია თურნავამ „ქრონიკაში“...

იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ
access_time2020-06-06 16:00:33
...

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც
access_time2020-06-06 13:38:15
დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან...


მსგავსი სიახლეები

up