„ცვლილების მიზანი ცალსახაა - ეს არის დასაქმებულების დაცვა“ - შრომის ინსპექცია სამუშაო საათების სავალდებულო აღრიცხვაზე

„ცვლილების მიზანი ცალსახაა - ეს არის დასაქმებულების დაცვა“ - შრომის ინსპექცია სამუშაო საათების სავალდებულო აღრიცხვაზე

access_time2021-03-04 20:00:00

,,ცვლილების მიზანი ცალსახაა - ეს არის დასაქმებულების დაცვა“- ასე განმარტა სამუშაო საათების სავალდებულო აღრიცხვის მექანიზმი შრომის ინსპექციის ხელმძღვანელმა რადიო ,,პალიტრასა“ და ,,პალიტრანიუსის“ გადაცემაში ,,საქმე“.



ბექა ფერაძე ამბობს, რომ ცვლილებები განპირობებულია ქვეყნის ეროვნული ინტერესით და ის არ არის მხოლოდ ქართული პრაქტიკა.



,,ეს რეგულაცია ახალია და გამომდინარეობს, გასულ წელს, შრომის კოდექსში განხორციელებული ცვლილებებიდან. მიზანი არის შრომის კოდექსის უკეთ აღსრულება - დაცული იყოს ბალანსი დამსაქმებელსა და დასაქმებულს შორის. ზეგანაკვეთური შრომის შემთხვევაში კი უნდა ხდებოდეს შესაბამისი ანაზღაურება. ცვლილების მიზანი ცალსახაა - ეს არის დასაქმებულების დაცვა. მოგეხსენებათ, წლების განმავლობაში ხშირი იყო შემთხვევები, როცა დასაქმებულთა უფლებები ირღვეოდა. ამაზე მეტყევლებს ჩვენი სამსახურის მიერ მიღებული საჩივრების ოდენობა და ასევე, მიმართვიანობა სასამართლოსთვის.



ცვლილება არ არის ჩვენი გამოგონილი ნოვაცია, ის პრეცენდენტულია. ნამდვილად მესმის ახლა ბიზნესის პოზიციის და არგუმენტებს, თუმცა ამ ქვეყნაში არსებობს დასაქმებულთა უფლებები, ეს არის ეროვნული საჭიროება და ამასთან, ჩვენ გვაქვს საერთაშორისო ვალდებულებები, რომელსაც მივყვებით. ჩვენ გვაქვს ჩვენი გაიდლაინები და დღის წესრიგი, რამაც საბოლოოდ 2024 წელს ევროკავშირის წევრობაზე განაცხადის გაკეთებამდე უნდა მიგვიყვანოს“, -განაცხადა ფერაძემ.




მისივე თქმით, სანქციების მექანიზმი ბრუნვაზეა მიბმული და მერყეობს 400-დან 1 000 ლარამდე.



„ჩვენ ვეუბნებით კომპანიებს, რომ თავად შეუძლიათ აირჩიონ როგორც პროგრამული, ისე მატერიალური უზრუნველყოფის გზა. ეს განპირობებულია იმით, რომ მხსვილ კომპანიებს აქვთ საშუალება ელექტრონულად მოახდინონ, ზედმეტი ძალისხმევის გარეშე აღრიცხვა, ხოლო მცირე კომპანიებს, რომელსაც ამის რესურსი არ აქვთ, შეუძლიათ წერილობით აწარმოონ ტაბელი. სამომავლოდ, თუ ეს არჩევანი აღარ მიეცემა ბიზნეს და სავალდებულო გახდება ყველასათვის ელექტრონული წარმოება, ეს იქნება ისეთივე ანგარიშგების შევსების ფორმა, როგორც ახლა ნებისმიერი ბიზნეს სუბიექტი ავსებს შემოსავლების სამსახურის ვებგვერდზე ფინანსურ ანგარიშებს. სამომავლოდ ეს თუ მოხდა, არ იქნება ზედმეტი ხარჯის წარმომქმნელი ან შემზღუდავი ნორმა, პირიქით.



რაც შეეხება სანქციებს, ამის მექანიზმი ბრუნვაზეა მიბმული და მერყეობს 400-დან 1 000 ლარამდე. შრომის ინსპექციის დისკრეცია იქნება, პირველივე ჯერზე დააჯარიმებს, თუ ჯერ გააფრთხილებს“, - განაცხადა ფერაძემ ,,საქმეში“.



შეგახსენებთ, რომ 1-ლი მარტიდან დასაქმებულებს გაუჩნდათ ვალდებულება, დეტალურად აღრიცხონ დასაქმებულთა სამუშაო საათები.




BPN.GE









Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...

მიუხედავად იმისა, რომ ერთი წელია დაკეტილები ვართ, საქართველოდან გასვლას მაინც არ ვაპირებთ -Dinner In The Sky

მიუხედავად იმისა, რომ ერთი წელია დაკეტილები ვართ, საქართველოდან გასვლას მაინც არ ვაპირებთ -Dinner In The Sky
access_time2021-04-09 17:30:01
      “ჯერჯერობით ეპიდსიტუაცია არასტაბილურია და ველოდებით სიტუაციის გაუმჯობესებას და ჯერ არ ვაპირებთ გახსნას. მოთხოვნა იმდენად დიდია, საქართველოდან გასვლას მაინც არ ვაპირებთ,” _   ტურისტული ატრაქცია Dinner In The sky Goergia, იგივე „ვახშამი ცაში” ერთი წელია დახურულია. საქართველოს ერთ-ერთი ყველაზე ძვირადღირებული რესტორანი რეგულაციებისა და შეკრებების აკრძალვის გამო ოპერირების განახლებას ვერ ახერხებს, თუმცა როგორც კომპანიაში „კომერსანტს“ განუცხადეს,...


მსგავსი სიახლეები

up