COVID19-თან დაკავშირებით არდი საკუთარ დაზღვეულებს და საზოგადოებას სოციალურ ანგარიშს აბარებს. კომპანიის ინფორმაციით, არსებობს რიგი პროფესიები და კომპანიები რომელთაც, ქვეყანაში მიმდინარე განსაკუთრებული შემთხვევების დროს, კიდევ უფრო მეტად მართებთ საკუთარი მოვალეობების შესრულება ჩვენი ქვეყნის მოქალაქეებისა და რეზიდენტების წინაშე.
„მიგვაჩნია, რომ არდი არის ამ ღირებულების მქონე კომპანია და იმისათვის, რომ ჩვენ შევძლოთ ჩვეული ძალისხმევით გაგიწიოთ მომსახურება, ვალდებულნი ვართ მივიღოთ ოპტიმალური გადაწყვეტილება, დაზღვეულებისა და თანამშრომლების, სამუშაო გარემოსა და მომსახურების სივრცეების მაქსიმალური უსაფრთხოების კუთხით.
გიზიარებთ მოკლე ჩამონათვალს, რაც ხორციელდება არდიში:
▪ ყველა ოფისი და სერვის-ცენტრი ყოველდღიურ რეჟიმში მუშავდება სადეზინფექციო საშუალებებით;
▪ კვირაში ერთხელ ტარდება ყველა ოფისის გენერალური დეზინფექცია;
▪ თვალსაჩინო ადგილებზე მოწყობილია კუთხეები, სადაც განთავსებულია - სადეზინფექციო ხსნარი, პირბადე, ხელთათმანები;
▪ გაუქმდა თანამშრომლების ყველა დაგეგმილი მივლინება და პირადი შვებულება საზღვარგარეთ;
▪ კომპანიის მნიშვნელოვანი ნაწილი გადასულია დისტანციურ სამუშაო რეჟიმზე და ჩვეული გრაფიკით მუშაობს დღის ბოლომდე.
თუმცა, მხოლოდ ეს ღონისძიებები საკმარისი არ არის. იმისათვის, რომ მსოფლიოს ჯანდაცვის ორგანიზაციისა და საქართველოს დაავადებათა კონტროლის ცენტრის რეკომენდაციას ჰქონდეს მაქსიმალურად დადებითი ეფექტი. ამიტომ, ჩვენ ვცვლით მომსახურების ტრადიციულ რეჟიმს იქ, სადაც შესაძლებელია ჩვენმა დაზღვეულებმა მიიღონ სრულყოფილი, სწრაფი და დაცული დისტანციური მომსახურება, მხოლოდ ელექტრონულ სივრცეში.
1 აპრილამდე არდის ყველა სერვის-ცენტრი დროებით წყვეტს ვიზიტორების ფიზიკურ მომსახურებას ადგილზე. თუმცა, მაქსიმალურად მოკლდება დისტანციური ანაზღაურების ვადა - 1 სამუშაო დღემდე.
ონლაინ პორტალით pay.ardi.ge - ჩვენს დაზღვეულებს შეეძლებათ გამოაგზავნონ მიღებული სამედიცინო მომსახურების სრული დოკუმენტაციის ასლები (ფოტოების ფორმატი დასაშვებია) ზუსტად იმ სახით, რაც უნდა წარმოედგინათ სერვის-ცენტრში მომართვისას და იღებენ ანაზღაურებას იმავე სამუშაო დღეს, სახლიდან ან სამუშაო სივრციდან გაუსვლელად; ორიგინალი დოკუმენტაციის წარმოდგენა კი შესაძლებელია მომდევნო 6 თვის განმავლობაში, მაგრამ არაუგვიანეს ინდივიდუალური სადაზღვევო ბარათის ვადის ამოწურვამდე. გაითვალისწინეთ, რომ აღნიშნული დოკუმენტაცია მოწოდებული უნდა იქნას აუცილებლად დალუქული კონვერტით, რომელზეც მითითებული იქნება დაზღვეულის სახელი, გვარი და საკონტაქტო ტელეფონი. კონვერტი უნდა მოთავსდეს მხოლოდ არდის სპეციალურ მწვანე საფოსტო ყუთებში, რომლებიც დამონტაჟებულია შემდეგ მისამართებზე:
- თბილისი - ვაჟა-ფშაველას გამზ. 3, დაზღვევის სახლი
- ბათუმი - ფარნავაზ მეფის გამზ. №115
- ქუთაისი - პუშკინის ქ. №6
- რუსთავი - კოსტავას ქ. №14
- თელავი - სააკაძის მოედანი №2
- გორი - სტალინის გამზ. №1
ონლაინ პორტალით - online.ardi.ge, შესაძლებელია საგარანტიო მიმართვის მოთხოვნა ელექტრონულად ნებისმიერ მომსახურებაზე, ასევე 1 სამუშაო დღეში;
გარდა ამისა, წარმატებით დაინერგა ოჯახის ექიმებთან დისტანციური პირველადი სატელეფონო მომსახურება, რომელიც კლინიკაში ვიზიტს აგარიდებთ თავიდან, თუ ამის საჭიროება არ არის. ამისთვის ჩვენს დაზღვეულებს, რომელთაც უკვე ჰყავთ პირადი ექიმი არდიში, ვთხოვთ დაგვიკავშირდნენ ცხელ ხაზზე 0322101010 და წინასწარი ჩაწერის პრინციპით დაგეგმონ ხმოვანი ზარი ოჯახის ექიმთან, რომელიც მაქსიმუმ იმავე დღეს ხორციელდება.
ასევე, არდის ინიციატივით, Initio Clinic • კლინიკა ინიციო-ს ბაზაზე შეიქმნა „სპეციალური ზონა“,რომლის მიზანიც, გავრცელებული რესპირატორული ვირუსების მქონე დაზღვეულების სრული მართვა და სწრაფი პრევენციაა.
- „სპეციალური ზონის“ ყველა ექიმი სრულად ეკიპირებულია
- ჩვენი დაზღვეულები სარგებლობენ იზოლირებული შესასვლელით
- ტარდება კლინიკის სრული და ყოველდღიური დეზინფექცია
- პირველივე სიმპტომების გამოვლენისას, ტარდება სკრინინგი N1 - ფილტვების რენტგენოსკოპია
- სკრინინგი N2 - A და B ტიპის გრიპის ვირუსის კვლევა.
არდის ოჯახის ექიმების სამსახური, როგორც კლინიკებში, ასევე ბინაზე გამოძახების მობილური ჯგუფი, მუშაობს ჩვეულ რეჟიმში და სრული დატვირთვით.
24 საათიანი სატელეფონო ცენტრი 0322101010 თქვენს განკარგულებაშია დღე-ღამის ნებისმიერ მონაკვეთში.
ჩვენ გჯერა, რომ მაღალი სოციალური პასუხისმგებლობის ფარგლებში ნებისმიერი გამოწვევის გადალახვა შესაძლებელია. ვიფიქროთ მხოლოდ კარგზე და ერთად დავამარცხებთ COVID19-ს!
გისურვებთ ჯანმრთელობას!
არდის გუნდი