COVID-შეზღუდვები - როგორ მივლენ არჩევნებზე უცხოეთში მცხოვრები საქართველოს მოქალაქეები?

COVID-შეზღუდვები - როგორ მივლენ არჩევნებზე უცხოეთში მცხოვრები საქართველოს მოქალაქეები?

access_time2020-10-29 22:00:00

თუკი საფრანგეთი კოვიდ-პანდემიის გამო დაწესებულ შეზღუდვებში გამონაკლისს არ დაუშვებს, შესაძლოა, იქ მცხოვრებმა საქართველოს მოქალაქეებმა 31 ოქტომბერს, საპარლამენტო არჩევნებში მონაწილეობა ვერ მიიღონ.



30 ოქტომბრის ღამის 12 საათიდან, საფრანგეთი მკაცრ COVID-შეზღუდვებს აწესებს. სხვა აკრძალვებთან ერთად, იზღუდება რეგიონებს შორის გადაადგილებაც. სწორედ ამ შეზღუდვის გამო, ექიმი რევაზ ბოჭორიშვილი და მისი ოჯახი, 31 ოქტომბერს, შესაძლოა, საარჩევნო ყუთთან ვერ მოხვდნენ.



ექიმი და მისი ოჯახი ცენტრალურ საფრანგეთში, ქალაქ კლერმონ-ფერანში, პარიზიდან 400 კილომეტრის დაშორებით ცხოვრობენ. 2020 წლის საქართველოს საპარლამენტო არჩევნებში ხმის მიცემის მსურველთათვის კი საარჩევნო უბანი სწორედ პარიზში, ბრემონტის 8 ნომერშია გახსნილი. მას შემდეგ, რაც რევაზ ბოჭორიშვილი და მისი ოჯახი საფრანგეთში ცხოვრობენ, არცერთი არჩევნები არ გამოუტოვებიათ. თუმცა, შესაძლოა, ამჯერად, მათი საარჩევნო ტრადიცია შეიცვალოს.



ექიმი რადიო თავისუფლებას ეუბნება, რომ 29 ოქტომბერს, დილიდან დაუკავშირდა საქართველოს საელჩოს საფრანგეთში. პირადად ესაუბრა კონსულს, გოჩა ჯავახიშვილს. კონსულის თქმით, საფრანგეთის შინაგან საქმეთა სამინისტრო საელჩოს დაპირდა, რომ გამონაკლისს დაუშვებენ და ქართული პასპორტის მფლობელ პირებს არ დააჯარიმებენ:


„საფრანგეთში ძალიან მოიმატა ინფიცირებულების რიცხვმა. მე საავადმყოფოში ვმუშაობ და ყოველ დღე ვხედავ და მესმის, რომ სიტუაცია იძაბება, იცვლება გრაფიკი, ვამცირებთ გეგმიურ ოპერაციებს, რომ საჭიროების შემთხვევაში, პერსონალი, საწოლების რაოდენობა და რეანიმაციული განყოფილებები გადატვირთული არ იყოს. საფრანგეთში უეცრად გადაწყდა შეზღუდვების გამკაცრება. მაკრონმა წუხელ გამოაცხადა, რომ ხვალიდან, ქვეყნის მასშტაბით, ახალი რეგულაციები ამოქმედდება. მაგალითად, სამსახურების დიდი ნაწილი გადადის დისტანციურ მუშაობაზე. მხოლოდ გამონაკლისი პროფესიები და ისიც სპეციალური საშვით გადაადგილდებიან სამსახურამდე და უკან, სახლში. ჰაერზე, სავარჯიშოდ, საჭირო პროდუქტების საყიდლად გასვლა მხოლოდ ერთი საათით, თუმცა, საცხოვრებელი სახლიდან 1 კილომეტრის რადიუსში და აუცილებლად უნდა იქონიო შესაბამისი საშვი. სწავლების დისტანციურ რეჟიმზე გადავიდნენ უნივერსიტეტები. ბარები, რესტორნები, თეატრები, კინოდარბაზები სრულად იხურება. აიკრძალა რეგიონებს შორის მიმოსვლა. სწორედ ეს არის ახლა ჩემთვის ყველაზე ნიშანდობლივი პრობლემა. საქართველოს საელჩოს ვეკონტაქტები დილიდან, როგორც ითქვა, წესით, შსს-მ ქართული პასპორტის მქონე პირები არ უნდა დააჯარიმოს“.


მიმდინარეობს თუ არა ოფიციალური მოლაპარაკებები საფრანგეთთან, რომ იქ დარეგისტრირებულ საქართველოს მოქალაქეებს არჩევნებში ხმის მიცემის უფლება არ შეეზღუდოთ? ხომ არ აქვთ მსგავსი პრობლემა სხვა ქვეყნებში მცხოვრებ საქართველოს მოქალაქეებსაც? ამ კითხვებით რადიო თავისუფლებამ საქართველოს საგარეო საქმეთა სამინისტროს მიმართა.




როგორც სამინისტროს პრეს-სამსახურში განგვიმარტეს, საფრანგეთში რეგულაციების დეკრეტი 28 ოქტომბერს გამოიცა. შესაბამისად, ფრანგულ მხარესთან დეტალების გარკვევა ამ დრომდე გრძელდება და როგორც კი დამატებითი საკითხები გაირკვევა, ინფორმაცია ცენტრალურ საარჩევნო კომისიას გადაეცემა. რაც შეეხება მდგომარეობას სხვა ქვეყნებში, ამ კითხვაზე პასუხი, ჯერჯერობით, არ არის.



მიუხედავად საპროტესტო გამოსვლებისა იტალიის დედაქალაქ რომსა და სხვა დიდ ქალაქებში, 21 ოქტომბრიდან, იტალიის ზოგიერთ რეგიონში კოვიდ-შეზღუდვები გამკაცრდა. მათ შორის, დაწესდა ე.წ. კომენდანტის საათი და გამკაცრდა რეგიონებს შორის გადაადგილებაც. მოქალაქეებს ეკრძალებათ საკუთარი პროვინციის დატოვება გარდა სამსახურის, სამედიცინო მიზნებისა თუ სხვა გადაუდებელი აუცილებლობისათვის.



ნონა გედენიძე ქალაქ რეჯიო-ემილიაში ცხოვრობს. საქართველოს მოქალაქეებისათვის იტალიაში ორი საარჩევნო უბანია გახსნილი, რომსა და ბარში. საარჩევნო ყუთამდე მისასვლელად ნონამ მატარებლით 5 საათი უნდა იმგზავროს. საშვში კი, რომელიც რეგიონებს შორის გადასაადგილებლად სჭირდება, არგუმენტირებულად უნდა დაასაბუთოს, რატომ ტოვებს რეგიონს, სადაც ცხოვრობს და რისთვის გადადის სხვა რეგიონში. გარდა შემოღებული შეზღუდვებისა, ნონა ფიქრობს, რომ იტალიაში შექმნილი რთული ეპიდსიტუაციის გამო, დიდი ალბათობით, ის არჩევნებში მონაწილეობას არ მიიღებს, რადგან მისი ქალაქი და საარჩევნო უბანი 500-მდე კილომეტრით არის დაშორებული, ასეთ მანძილზე მგზავრობა კი ფიქრობს, რომ ინფიცირების რისკებს ზრდის.



ქალაქ რომში აძლევს ხმას ნონა მაჭარაშვილი, ,,ქართული ემიგრაციისა და დიასპორის ინსტიტუტის" ხელმძღვანელი. ორგანიზაცია არჩევნების პროცესს უცხოეთის 28 უბანზე აკვირდება. ნონა მაჭარაშვილი რადიო თავისუფლებას ეუბნება, რომ მიუხედავად იტალიაში დაწესებული შეზღუდვებისა, იქ მცხოვრები საქართველოს მოქალაქეების ნაწილს უკვე აღებული აქვთ ბილეთები, რათა სხვადასხვა ქალაქებიდან რომსა და ბარში ჩავიდნენ და მონაწილეობა მიიღონ საპარლამენტო არჩევნებში:


„შექმნილი ეპიდემიოლოგიური მდგომარეობა, რა თქმა უნდა, საარჩევნო პროცესზეც მოქმედებს. თუმცა, მიუხედავად ამისა, რასაც ახლა ვაკვირდები, ჩანს, რომ იტალიაში, საარჩევნო ყუთებთან, აქტიურობა უნდა იყოს, ვნახოთ. პირადად მე ფლორენციიდან უნდა ჩავიდე რომში ხმის მისაცემად“.



ცენტრალური საარჩევნო კომისიის მონაცემებით, 2020 წლის საპარლამენტო არჩევნებისათვის საზღვარგარეთ ჯამში 57 საარჩევნო უბანია გახსნილი. საარჩევნო სიაში კი დარეგისტრირებულია 14170 ამომრჩეველი.


www.radiotavisupleba.ge






თეგები:
არჩევნები



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up