ცოტნე კობერიძე - თამაშდამოკიდებულებას თუ დაავადებად მივიჩნევთ, მას პროფესიონალები უნდა ებრძოლონ და არა სახელმწიფო და პოლიციელი

ცოტნე კობერიძე - თამაშდამოკიდებულებას თუ დაავადებად მივიჩნევთ, მას პროფესიონალები უნდა ებრძოლონ და არა სახელმწიფო და პოლიციელი

access_time2019-03-23 10:30:56

თამაშდამოკიდებულებას თუ დაავადებად მივიჩნევთ, ამას სახელმწიფო და პოლიციელი კი არა, არამედ პროფესიონალები უნდა ებრძოლონ, – ამის შესახებ პოლიტიკური პარტია „გირჩის“ წევრმა, ცოტნე კობერიძემ საქართველოს პირველი არხის გადაცემაში „აქტუალური თემა მაკა ცინცაძესთან ერთად“ სტუმრობისას განაცხადა.

„აქ არ ვარ კომპეტენტური, რამდენად არის ეს დაავადება, ან არ არის, მაგრამ თუ ეს დაავადებაა, ამას სახელმწიფო და პოლიციელი კი არა, დაავადებას უნდა ებრძოლონ პროფესიონალები, ვინც იციან, როგორ უნდა მოაგვარონ მოცემული საკითხი და ვინც ამ ადამიანებს ამ ფსიქიკურ, თუ ფსიქოლოგიურ პრობლემას მოუგვარებს. ეს უნდა იყოს ოჯახის, გარემოს, მეგობრების და მათ შორის, ამ საქმის ექსპერტების საქმე“, – განაცხადა კობერიძემ.

მისი თქმით, აზარტული თამაშების გამო ოჯახებში პრობლემები იქმნება იმ ადამიანების მიერ, ვინც თამაშობს, მაგრამ კონკრეტული ადამიანების უპასუხისმგებლო ქცევა იმის არგუმენტი არ არის, რომ სხვა ადამიანებს ეს დაურეგულირდეს და მათზე სახელმწიფო ძალაუფლების გამოყენება მოხდეს.

„თუ ადამიანმა საკუთრება არასამართლიანად მოიპოვა, ოჯახი გაძარცვა და მისი საერთო საკუთრება გამოიყენა ისე, რომ არ ეკუთვნოდა, კონკრეტულად ეს ქცევა უნდა იყოს დასჯადი და არა ის, სად წაიღო შემდეგ ეს საკუთრება. თუ ვაღიარებთ, რომ მან ეს საკუთრება სამართლიანად მიიღო, მაშინ სამართლიანად მიღებულ საკუთრებას სად გაუშვებს, სად დახარჯავს და რომელ სიამოვნებას მოახმარს, ეს ჩემი და მით უმეტეს, სახელმწიფოს გადასაწყვეტი არ უნდა იყოს“, – განაცხადა კობერიძემ.

გადაცემის წამყვანის შეკითხვაზე, იმ ფონზე, როცა გაღატაკებული ოჯახების რაოდენობა იზრდება,რამდენად წონადია ეკონომისტთა ნაწილის არგუმენტი, რომ სათამაშო ბიზნესიდან ბიუჯეტი მაღალ შემოსავალს იღებს და ამიტომ, მასზე რეგულაციები არ უნდა დაწესდეს, ცოტნე კობერიძემ განაცხადა, რომ ბიზნესის მომგებიანობა მთავარი არა, მაგრამ ერთ-ერთი არგუმენტი არის.

„ვერ დავეთანხმები იმ ადამიანებს, რომლებიც თვლიან, რომ ბიუჯეტში მათი შენატანი მცირეა. ჯამში, ეს არის ერთიანი ბიუჯეტის დაახლოებით, 2,4%. გარდა ამისა, უნდა გვესმოდეს, რომ ამ ბიზნესში, საქართველოში, ათი ათასამდე მოქალაქეა დასაქმებული“, – განაცხადა კობერიძემ.


კობერიძემ ასევე განაცხადა, რომ აზარტული თამაშების ბიზნესს რაც უფრო მეტი რეგულაციები დაუწესდება, ამით ის დიდი ბიზნესმენები იხეირებენ, რომლებიც დღეს ამ საქმით არიან დაკავებული.

მაკა ცინცაძის შეკითხვაზე, წარმოქმნის თუ არა ჭარბვალიანობის პრობლემას სათამაშო ბიზნესის მიერ შექმნილი ბარათი, რომლის მფლობელის გადარიცხვებიც საბანკო სექტორისთვის ხელმისაწვდომი არ არის, „გირჩის“ წევრმა აღნიშნა, რომ ჭარბვალიანობის პრობლემა ქვეყანაში ზოგადად, არ არსებობს და ეს მოგონილი პრობლემაა.

ჭარბვალიანობა არის პრობლემა, როდესაც მოქალაქეები სესხებს იღებენ და ვერ აბრუნებენ. ეს პრობლემა საქართველოს არ ჰქონია. უბრალოდ, ბევრ ადამიანს ჰქონდა სესხი. ამას სხვადასხვა ტიპის რეგულაციები მოაყოლეს, რამაც სესხი, როგორც ასეთი, ხელოვნურად გაართულა“, – განაცხადა კობერიძემ.

შეკითხვაზე, შეექმნებათ თუ არა ამით პრობლემა ბანკებს, კობერიძემ განაცხადა, რომ არ შეიძლება, ერთი ბიზნესის საკეთილდღეოდ, მეორე ბიზნესი შეიზღუდოს.

„საერთოდ ვერ ვხვდები, რატომ უნდა ვიდარდო კერძო ბანკებზე, როგორ უნდა დაითვალონ მათ რისკები?!”, – განაცხადა ცოტნე კობერიძემ.


1 არხი


თეგები:
თამაში



კრემლი დონბასში რუსული პასპორტების დარიგებას იწყებს - რა იქნება ხვალ?

კრემლი დონბასში რუსული პასპორტების დარიგებას იწყებს - რა იქნება ხვალ?
access_time2019-04-25 20:30:24
24 აპრილს ვლადიმერ პუტინმა  ხელი მოაწერა ბრძანებას დონეცკის და ლუგანსკის არაღიარებული რესპუბლიკების მოსახლეობისთვის რუსული პასპორტების გამარტივებული წესებით დარიგების თაობაზე. დადგენილებაში ნათქვამია, რომ განაცხადების განხილვის პროცედურა  3 თვემდე შემცირდა და წესები იქნება გაცილებით უფრო მარტივი, ვიდრე ჩვეულებრივად - მოქალაქეობის მისაღებად არ იქნება აუცილებელი სპეციალური გამოცდის ჩაბარება და რუსეთში 5 წლის მანძილზე...

გერმანული Deutsche Bank და Commerzbank გაერთიანებაზე ვერ შეთანხმდნენ

გერმანული Deutsche Bank და Commerzbank გაერთიანებაზე ვერ შეთანხმდნენ
access_time2019-04-25 19:30:07
გერმანიის ორი უმსხვილესი ბანკი გაერთიანდებაზე ვერ შეთანხმდა. როგორც Deutsche Bank-ის და Commerzbank-ის წარმომადგენლებმა განაცხადეს, მათ უკვე დაასრულეს შესაძლო გაერთიანების შესახებ მოლაპარაკებები. როგორც კომპანიების მიერ ერთობლივად გავრცელებულ განცხადებაში წერია, ანალიზის შედეგად მხარეები მივიდნენ დასკვნამდე, რომ ეს გაერთიანება ბანკებს სარგებელს არ მოუტანდა. შედეგად ორივე ბანკმა გადაწყვიტა დაესრულებინათ დისკუსიები. გერმანიის ხელისუფლება, რომელიც...

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა - უარის შემთხვევაში პასუხს გასაჩივრებთ

კუს ტბის ადმინისტრაციამ მერიაში განაშენიანების ახალი, სამი პროექტი წარადგინა -  უარის შემთხვევაში პასუხს გასაჩივრებთ
access_time2019-04-25 16:30:20
კუს ტბის ადმინისტრაციამ მერიაში ტერიტორიის განაშენიანების ახალი გეგმა წარადგინა. სივრცის მოწყობის გენერალური გეგმა, რომელიც დედაქალაქის მთავრობაში თითქმის ერთი წლის  წინ შევიდა, დღემდე გაჩერებულია. როგორც კომერსანტს კუს ტბის გენერალურმა დირექტორმა ნინო ბადაგაძემ განუცხადა, დღემდე უცნობია, რა მიზეზით არის გაჩერებული წინა, მასშტაბური  პროექტი. ამჟამად კი  მერიას  ცალ-ცალკე, სამი დამოუკიდებელი პროექტი...

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება

არქიმანდრიტი კირიონი - რაც ხალხი აღელდა, საგარეომ და შსს-მ გამოიღვიძა, დამპირდნენ, რომ ხვალისთვის დავით გარეჯში პრობლემა მოგვარდება
access_time2019-04-25 15:31:13
სულ გვაწყნარებენ, გეგონება ჩვენ გიჟები ვართ,  და ეგენი ჭკვიანები და მშვიდები, - ამის შესახებ „ინტერპრესნიუსს“ დავით გარეჯის არქიმანდრიტმა კირიონმა განუცხადა, რითაც ემოციური ქმედებებისა და განცხადებების თავშეკავებაზე საგარეო საქმეთა სამინისტროს მოწოდებას უპასუხა. არქიმანდრიტი ამბობს, რომ მას ჰქონდა ხელისუფლებასთან კომუნიკაცია და დაპირდნენ, რომ ხვალისთვის პრობლემა, რომელიც დავით გარეჯშია შექმნილი, მოგვარდება. „უცხო სახელმწიფო რომ ჩაკეტავს ჩვენს...

მონღოლეთში ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)

მონღოლეთში  ქართული სახლის გახსნა იგეგმება - რა პოტენციალი აქვს და რატომ უნდა დაინტერესდნენ ქართველი ბიზნესმენები მონღოლური ბაზრით (ინტერვიუ მონღოლეთში სავაჭრო სამრეწველო პალატის ოფიციალურ წარმომადგენელთან)
access_time2019-04-25 17:30:28
უკვე ერთი წელია საქართველო მონღოლეთთან სავაჭრო ურთიერთობით და ქვეყანაში ინვესტიციების მოზიდვით...


მსგავსი სიახლეები

up