მსოფლიოში ერთ-ერთ ყველაზე გავლენიანი სამოგზაურო პორტალი, Condé Nast traveller-ი იმ ადამიანებს, ვინც საზაფხულო მოგზაურობას გეგმავს, საქართველოში სტუმრობას ურჩევს.
„რომელი ქვეყნები იხსნება საერთაშორისო მოგზაურთათვის?“ ამ სათაურით გამოაქვეყნა პორტალმა სტატია. მალდივები, საქართველო, საბერძნეთი შრი-ლანკა, ესპანეთი და ბალი - ასეთია იმ ქვეყნების ჩამონათვალი, რომელსაც პორტალი მოგზაურებს სთავაზობს.
„ოცნებობთ საზაფხულო მოგზაურობებზე? რომელიმე ქვემოთ ხსენებულ ქვეყანაში მოგზაურობა სავსებით შესაძლებელი ხდება!
მაშინ, როდესაც ქვეყნები შინ ყოფნის რეჟიმს აუქმებენ და სამოგზაურო შეზღუდვების მოხსნას იწყებენ, ბევრ მოგზაურს ერთი საფიქრალი უჩნდება: ნუთუ წელს მოგზაურობას შევძლებთ? და თუ შევძლებთ, ნეტავ სად?
მაისიდან ქვეყნებმა იმაზე დაიწყეს ბჭობა, თუ როდის და როგორ განახლდება საერთაშორისო მოგზაურობა. ზოგიერთი სამოგზაურო „მოგზაურთა ბუშტის“ ფორმირებას განიხილავს, რომლითაც „ბუშტის“ შიგნიდან მეზობელი ქვეყნების კლასტერში მოგზაურობა თავისუფლად იქნება შესაძლებელი, სხვების თავსატეხი კი მასტიმულირებელი ზომების დანერგვა გამხდარა, რათა ტურიზმის ასაგუგუნებლად მოგზაურთა ხარჯების ნაწილის სუბსიდირება მოხდეს.
ამდენად, თუ გამოცდილი მოგზაური ბრძანდებით და ფიქრობთ ჯერ სად გაემგზავროთ, გთავაზობთ იმ დანიშნულების ადგილთა ჩამონათვალს, რომლებიც პირველ რიგში გაიხსნებიან და დაგეგმვაში გამოგადგებათ: მალდივები, საქართველო, საბერძნეთი შრი-ლანკა, ესპანეთი და ბალი.
საქართველო ადგილობრივი ტურიზმისთვის 14 ივნისს იხსნება, ხოლო საერთაშორისო ტურისტებისთვის ემზადება და 1 ივლისიდან გახსნის საზღვრებს. საქართველოს მიზნად აქვს დასახული პირველთაგანი იყოს იმ ქვეყანათა ჩამონათვალში, რომლებიც საერთაშორისო დამსვენებლებისთვის გაიხსნებიან და ამისთვის ახალი ზომები განისაზღვრა უსაფრთხოებისა და პირადი ჰიგიენის ნაწილში, თან მოგზაურთა დასამშვიდებლად. საწყის ეტაპზე საქართველო მიიღებს ტურისტებს მთელი ქვეყნის მასშტაბით მოქმედ „მწვანე ზონებში“, რაც ახალი კორონავირუსისგან თავისუფალ ადგილებად არიან მიჩნეულნი. საქართველოს ახალი კორონავირუსით ინფიცირების ერთერთი ყველაზე დაბალი მაჩვენებელი აქვს მთელს ევროპაში, რადგან მხოლოდ 794 შემთხვევაა გამოვლენილი“ - წერია სტატიაში.
imedinews.ge