ცომაია ე.წ ოქროს სიის გაუქმებაზე: მთავრობის მავნებლური ნაბიჯია, ბიზნესგარემო დაზიანდება

ცომაია ე.წ ოქროს სიის გაუქმებაზე: მთავრობის მავნებლური ნაბიჯია, ბიზნესგარემო დაზიანდება

access_time2019-06-06 14:05:28

ეკონომისტი აკაკი ცომაია მავნებლურს უწოდებს ფინანსთა მინისტრის იმ გადაწყვეტილებას, რომლის მიხედვითაც, კომპანიების ე.წ ოქროს სია გაუქმდა, რაც იმას ნიშნავს, რომ ბიზნესს იმპორტის გადასახადის გადასხდელად არა 30, არამედ მხოლოდ 5 დღე ექნებათ.


გადაწყვეტილება ბიზნესისთვის მოულოდნელი იყო, მას წინ სიაში მყოფ კომპანიებთან კონსულტაციები არ უძღოდა. სწორედ ამ მოულოდნელობის ეფექტს ასახელებს ტაბულასთან საუბრისას აკაკი ცომაია მთავარ გამოწვევად და დეტალურად ხსნის, თუ რა პრობლემები შეიძლება, ამ გადაწყვეტილებამ ბიზნესს შეუქმნა.


"წარმოიდგინეთ, რომ გაქვთ ასეთი მდგომარეობა - იცით, რომ 30 დღეში იხდით გადასახადს, შესაბამისად, შესაბამისი რაოდენობის ნაღდი ფული თქვენ 30 დღის განმავლობაში უნდა შეაგროვოთ, რომ გადასახადის გადახდა შეძლოთ.


ბიზნესებს შემოაქვთ საქონელი, მერე ამ საქონელს ყიდიან, უმეტეს საქონელს კონსიგნაციით ყიდიან და ეს თანხა თანდათანობით, ნელნელა ამოდის. შესაბამისად, ბიზნესი იყო მორგებული ამ გარემოს და იმ კონკრეტულ ვადებს, რომელიც დადგენილი იყო და იცოდა, რომ ამ ვადებში უნდა შეეგროვებინა ნაღდი ფული.


ახლა კი ბიზნესი მოულოდნელი პრობლემის წინაშე დადგა. უნდა გადააწყოს ეს ბიზნესი, პლუს 30 დღე 5 დღემდე შეუმცირდა, რაც იმას ნიშნავს, რომ მას აუცილებლად შეექმნება პრობლემა ლიკვიდობაში, ანუ მას საბრუნავ საშუალებად აუცილებლად დასჭირდება ლიკვიდური აქტივი, ანუ ნაღდი ფული. ბიზნესს ამ ფულის სესხება ბანკისგან გარკვეული სარგებლის განაკვეთით მოუწევს და და ეს მის დანახარჯებს გაზრდის. ეს არის ის მავნებლობა, რაც მთავრობამ გააკეთა," - ამბობს აკაკი ცომაია.


ეკონომისტი განმარტავს, რომ მოულოდნელობის ფაქტორი რომ არ ყოფილიყო, წინასწარ ყოფილიყო გაცხადებული და ბიზნესებს მოსამზადებელი დრო მისცემოდა, გადაწყვეტილება ნაკლებად-მავნებლური იყო, თუმცა მთლიან ეფექტს მაინც ვერ შეცვლიდა.


"ბიზნესები მართვას დროში ასე თუ ისე მოახერხებდნენ და გარკვეულწილად, მოიფიქრებდნენ, როგორ გადაეწყოთ ფულის წრე-ბრუნვის თავიანთი მექანიზმი, ამგრამ ეს გაკეთდა მოულოდნელად,"- ამბობს ცომაია.



აკაკი ცომაიას თქმით, ფინანსთა მინისტრის ეს გადაწყვეტილება ბიზნესგარემოს მკვეთრად გააუარესებს და იმ ფონზე, რომ როდესაც დიპლომატიური კორპუსი უკვე ღიად, არადიპლომატიური ენით საუბრობს ბიზნესზე ზეწოლაზე, მსგავსი გადაწყვეტილებები არაგონივრულია.


"ასეთი მოულოდნელი მოქმედება, უბრალოდ, ძალზე არაეთიკური საქციელია ჩინოვნიკების მხრიდან იმიტომ, რომ ფაქტობრივად, არაფრისკმკეთებელი ადამიანები ასეთ მდგომარეობაში აყენებენ ბიზნესებს, რაც ბიზნესგარემოს ძალიან მკვეთრად აუარესებს და ისედაც უკვე ელჩების დონეზე კეთდება არცთუ ისე დიპლომატიური განცხადებები იმასთან დაკავშირებით, თუ რა ცუდ დღეშია ბიზნესგარემო და მათი ქცევა, გაუაზრებელია ეს, თუ შეგნებულად მავნებლურია, მე ეს არ ვიცი, ქვეტექსტი რა არის, მაგრამ ფაქტია, რომ მათი მოქმედებებით ეს დასტურდება,"- ამბობს ეკონომისტი.


ტაბულას კითხვაზე, რა შეიძლება იყოს მთავრობის მხრიდან ამ მოულოდნელი გადაწყვეტილების მიზეზი, ცომაია შემდგნაირად პასუხობს:


"მე როგორც ვფიქრობ, მათ ბიუჯეტის შევსების ნაწილში გაუჩნდათ მოულოდნელი პრობლემები და ამ პრობლემების მოსაგვარებლად ასეთი გამოსავალი იპოვეს,"- ამბობს აკაკი ცომაია.




ფინანსთა მინისტრის, ვანო მაჭავარიანის, გადაწყვეტილებით კომპანიების ე.წ ოქროს სია გაუქმდა, რაც იმას ნიშნავსს, რომ ბიზნესს იმპორტის გადასახადის გადასახდელად ვადა 30 დღის ნაცვლად 5 დღე ექნება.


შესაბამის ბრძანებას ფინანსთა მინისტრმა 31 მაისს მოაწერა ხელი. ამ გადაწყვეტილებით, "საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციის დამტკიცების თაობაზე" ფინანსთა მინისტრის 2012 წლის 26 ივლისის ბრძანებაში შევიდა ცვლილება, რომლის თანახმადაც, იმპორტის გადასახდელების გადახდის 5-დღიანი ვადა "ოქროს სიაში" მყოფ კომპანიებზე და მათ საქონელზეც გავრცელდება.


ეს ცვლილებები აქციზური საქონლის მიმართ 12 ივნისს ამოქმედდება, ხოლო არააქციზურის მიმართ - 2 ივლისს.


ტაბულა ფინანსთა სამინისტროს დაუკავშირდა კითხვით, რა საფუძველი ჰქონდა მინისტრს ამ ცვლილების მისაღებად და იყვნენ თუ არა ოქროს სიაში მყოფი კომპანიები შესაბამისი ცვლილების შესახებ ინფორმირებულები. ინფორმაციას მიღებისთანავე შემოგთავაზებთ.


ამ ბრძანების ძალაში შესვლამდე რეგისტრირებული საბაჟო დეკლარაციით იმპორტის სასაქონლო ოპერაციაში გაცხადებულ საქონელზე იმპორტის გადასახდელები გადაიხდება დეკლარაციის რეგისტრაციის დღისათვის მოქმედი წესით განსაზღვრულ ვადაში.


ტაბულა





22 სექტემბერი - რეგიონში ყველაზე მკვეთრად ქართული ლარი უფასურდება

22 სექტემბერი - რეგიონში ყველაზე მკვეთრად ქართული ლარი უფასურდება
access_time2020-09-22 18:05:44
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 22 სექტემბრის ვაჭრობის შედეგად, ქართული ლარის კურსი 3 თეთრით გაუფასურდა და ერთი...

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს

ნათია მეზვრიშვილი - ეკონომიკა ვერ ჩაიკეტება, რადგან ეს ყველაფერი დააზარალებს პირველ რიგში, ჩვენს მოქალაქეებს
access_time2020-09-22 16:43:09
ეკონომიკის გაჩერების და მკაცრი შეზღუდვების დაწესების რესურსი არ არსებობს, ამაზე თამამად ვსაუბრობთ და ამაში ალბათ გასაკვირი არაფერი არ არის, - ამის შესახებ საქართველოს მთავრობის ადმინისტრაციის უფროსმა, ნათია მეზვრიშვილმა, უწყებათაშორისი საბჭოს სხდომის დასრულების შემდეგ, ბრიფინგზე განაცხადა. ინფორმაციას მთავრობის ადმინისტრაციის პრესსამსახური ავრცელებს. როგორც ნათია მეზვრიშვილმა აღნიშნა, ეკონომიკა ვერ ჩაიკეტება, რადგან ეს დააზარალებს მოქალაქეებს, შესაბამისად იმისთვის, რომ...

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს

კორუფცია, ლარის კურსით თამაში და ბანკებთან გარიგება - რომან გოცირიძე სებ-ის ინტერვენციებს აკრიტიკებს
access_time2020-09-22 17:10:44
დღეს, ფინანსთა სამინისტროს სახაზინო ობლიგაციების აუქციონზე 80 000 000 ლარის ნომინალური ღირებულების 5-წლიანი ვადიანობის ფასიანი ქაღალდები გაიყიდა, ამის შესახებ ინფორმაციას საქართველოს ეროვნული ბანკი ავრცელებს. ხვალ კი სებ-ი სავალუტო აუქციონზე 40 მილიონ აშშ დოლარს გაყიდის. ეროვნული ბანკის მიერ ასეთი თანმიმდევრობით განხორციელებულ სავალუტო ინტერვენციებს, ეროვნული ბანკის ყოფილი პრეზიდენტი და ფრაქცია „ნაციონალური მოძრაობის“ თავმჯდომარე...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-22 21:00:52
დღის TOP 10 საინტერესო ამბავი: 1.„ქართულმა ოცნებამ“ წინასაარჩევნო დანაპირები გადაჭარბებით შეასრულა წალენჯიხისა და ჩხოროწყუს მაჟორიტარი დეპუტატი გოგა გულორდავა აცხადებს, რომ „ქართული ოცნების“ დანაპირები კეთილდღეობასა და სწრაფ განვითარებაზე გასულ 4 წელში გადაჭარბებით შესრულდა. გორის მუნიციპალიტეტის მაჟორიტარმა დეპუტატმა...

WeChat და TikTok შტატებში ოფიციალურად აიკრძალა

WeChat და TikTok შტატებში ოფიციალურად აიკრძალა
access_time2020-09-22 20:00:35
20 სექტემბრიდან შტატებში WeChat და TikTok-ს გადმოტვირთვა და განახლება ოფიციალურად აიკრძალა. საგადამხდელო სისტემა WeChat-ს ასევე აეკრძალა შტატებში ტრანზაქციების განხორციელება, ხოლო ამერიკულ კომპანიებს მისთვის მომსახურეობის გაწევაც დაიბლოკათ, რაც სისტემის მუშაობის სიჩქარეს მკვეთრად შეამცირებს. TikTok-ს შტატებში 100 მლნ. მომხმარებელი ჰყავს (მსოფლიოში 800 მლნ.) - ეს ძირითადად ახალგაზრდა აუდიტორიაა. რაც შეეხება WeChat-ს, ამერიკაში მას...


მსგავსი სიახლეები

up