ცნობილი ადვოკატი ღვინის ბიზნესს იწყებს

ცნობილი ადვოკატი ღვინის ბიზნესს იწყებს

access_time2020-08-10 11:10:22

სექტემბერში, თბილისში ქართული ღვინის სადეგუსტაციო ახალი სივრცე „ბარბალეს მარანი“ იხსნება. პროექტის კონცეფციის დეტალების გასარკვევად „კომერსანტი“ „ბარბალეს მარანის“ მფლობელს, ადვოკატ ზვიად კორძაძეს დაუკავშირდა.


„„ბარბალეს მარანი“  სექტემბრის ბოლომდე გაიხსნება. ზუსტი თარიღი აუცილებლად გახდება საზოგადოებისთვის ცნობილი, რადგან დაინტერესება მართლაც ძალიან მაღალია. ეს გარდა პროექტის კონცეფციის ორიგინალურობისა ვფიქრობ, იმითაც არის გამოწვეული, რომ მარნის გახსნა სწორედ ახლა მოხდება, მაშინ, როცა ქვეყანაში ტურიზმისა და ჰორეკა სექტორები ფაქტობრივად გაჩერებულია და რაიმე სიახლეზე ხომ საერთოდ საუბარიც ზედმეტია. ჩემთვის ეს გამოწვევა შესაძლებლობა აღმოჩნდა და მოტივატორი, რომ დამეჩქარებინა პროცესები და ინდუსტრიის თავიდან გაცოცხლებაში ჩემი წილი აგური დამედო“, - აცხადებს მფლობელი.


ზვიად კორძაძე უკვე 20 წელია მეღვინეობითაა დაკავებული, თუმცა ამ დრომდე ღვინო სარეალიზაციოდ არ გაუტანია.


„ძალიან მიყვარს ღვინოსთან მუშაობის პროცესი, განსაკუთრებით ისეთ იშვიათ ჯიშებთან, როგორიც არის მაგალითად ოცხანური. ღვინის დაყენება ჩემთვის ამ დრომდე სასიამოვნო ჰობი იყო, ახლა კი გადავწყვიტე უფრო კომერციული დატვირთვაც მიმეცა, თორემ სერიოზულად მეღვინეობის საკითხს ყოველთვის ვუყურებდი მიუხედავად იმისა, რომ მოგეხსენებათ ჩემი პროფესიით რამდენიმე ათეული წელია აქტიურად ვარ დაკავებული.“ - განმარტავს ზვიად კორძაძე.



როგორც ადვოკატმა „კომერსანტს“ განუცხადა „ბარბალეს მარანის“ საინვესტიციო ბიუჯეტი 100 000 ლარის ოდენობისაა და პროექტის კონცეფცია მხოლოდ ღვინის შეძენას და დაგემოვნებას არ მოიცავს.


„ეს იქნება სივრცე უცხო და ექსკლუზიური ქართული ღვინოების დაგემოვნებისა და შეძენისთვის, მათ შორის ექვსწლიანი დაძველების ღვინოებისაც, ასევე სივრცე, რომელიც ტრადიციული ქართული მარნის ავთენტური იქნება და შეიძლება ითქვას, დროში გამოგზაურებთ. გარდა ამისა „ბარბალეს მარანში“ მოეწყობა კუთხე კულტურული და საქმიანი შეხვედრებისთვის. „ბარბალეს მარანი“ ერთობლივად სადეგუსტაციო, სარეალიზაციო და საკომუნიკაციო სივრცე იქნება, სადაც ერთნაირად საინტერესოდ გაატარებს დროს როგორც ქართველი, ისე უცხოელი სტუმარი“, - აღნიშნავს ზვიად კორძაძე.


„ბარბალეს მარანის“ სამომავლო გეგმებში პროდუქციის ექსპორტზე გატანაც შედის, თუმცა ეპიდემიოლოგიური სიტუაციიდან გამომდინარე, ამ ეტაპზე, ორიენტირებულები ქართული ბაზრის ათვისებაზე არიან.


მარანის სახელწოდება სათავეს ძველი წარსულიდან იღებს. ქართულ მითოლოგიაში ბარბალე მზისა და ნაყოფიერების ქალღმერთი იყო, რომელიც განაპირობებდა და უზრუნველყოფდა არა მარტო ადამიანების, არამედ მიწის, ყოველი ცოცხალი არსების ნაყოფიერებასა და სიცოცხლის უწყვეტ ციკლს.


ანი ცარციძე






„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს

„ბორჯომის“ თანამფლობელი რუსი ოლიგარქი მიხაილ ფრიდმანი ლონდონში დააკავეს
access_time2022-12-03 22:50:49
    დიდი ბრიტანეთის დანაშაულის ეროვნული სააგენტო (NCA) იტყობინება, რომ 58 წლის რუსი ბიზნესმენი ლონდონში დააკავეს, შემდეგ კი გირაოს სანაცვლოდ გაათავისუფლეს. რუსეთის ცენტრალური სახელმწიფო საინფორმაციო სააგენტოს (TASS) წყარო ირწმუნება, რომ ის Alfa Group-ის დამფუძნებელი მიხაილ ფრიდმანია. ინფორმაციას ...

2021 წელს ევროკავშირმა კვლევასა და განვითარებაზე 328 მლრდ ევრო დახარჯა

2021 წელს ევროკავშირმა კვლევასა და განვითარებაზე 328 მლრდ ევრო დახარჯა
access_time2022-12-03 22:20:33
2021 წელს ევროკავშირმა 328 მლრდ ევრო დახარჯა კვლევასა და განვითარებაზე, (R & D) რაც 6%-ით მეტია წინა წელთან შედარებით. 2020 წელს ამ მიმართულებით 310 მლრდ ევრო დაიხარჯა, მონაცემებს ევროსტატი აქვეყნებს.   2021 წელს R&D ხარჯები მშპ-ს პროცენტულად ყველაზე მაღალი დაფიქსირდა: შვედეთში (3.35%), ავსტრიასა (3.22%) და ბელგიაში (3.19%). ყველაზე დაბალი - რუმინეთში (0.48%), მალტასა (0.65%) და ლატვიაში...

ნოემბერში მარცვლეულის მსოფლიო ფასები 1,3%-ით შემცირდა - გაეროს

ნოემბერში მარცვლეულის მსოფლიო ფასები 1,3%-ით შემცირდა - გაეროს
access_time2022-12-03 19:30:40
მარცვლეულის მსოფლიო ფასი ნოემბერში 1,3%-ით დაეცა. ამის მიზეზია შავი ზღვაზე „მარცვლეულის შეთანხმების“ ინიციატივის გაგრძელება.   შავი ზღვის გავლით მარცვლეულის ექსპორტის შეთანხმება 120 დღით გახანგრძლივდა ამის შესახებ გაერო-ს სურსათისა და სოფლის მეურნეობის ორგანიზაციის (FAO) მთავარმა ეკონომისტმა მაქსიმო ტორერომ ბრიფინგზე განაცხადა.   „მარცვლეულის ფასის ინდექსი 1,3%-ით დაეცა. ნოემბერში კლება განპირობებულია შავი ზღვის მარცვლეულის ინიციატივის...

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა

შუა დერეფანი „მწვანე“ და ელექტრონულ სატრანსპორტო მარშრუტად გადაიქცევა
access_time2022-12-03 20:00:58
სამომავლოდ, შუა დერეფნის (ტრანსკასპიური საერთაშორისო სატრანსპორტო მარშრუტი) „მწვანე“ და ელექტრონულ სატრანსპორტო მარშრუტად გადაქცევა იგეგმება. ამის შესახებ ჟურნალისტებს ბაქოს საერთაშორისო საზღვაო სავაჭრო პორტის გენერალურმა დირექტორმა ტალეჰ ზიადოვმა განუცხადა.   მისი თქმით, უახლოეს 10 წელიწადში შუა დერეფანი შესაძლოა, აღმოსავლეთისა და დასავლეთის დამაკავშირებელი მთავარი რგოლი გახდეს.   მისივე თქმით „მწვანე კონცეფცია“ ათ წელიწადში უფრო მეტად აქტუალური...

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ

მეცნიერები C ჰეპატიტის ვაქცინის შექმნას ერთი ნაბიჯით მიუახლოვდნენ
access_time2022-12-03 19:00:47
C ჰეპატიტის ვირუსი (HCV) ყოველწლიურად 70 მილიონზე მეტ ადამიანს აინფიცირებს და დაახლოებით 400 000-ს კლავს. ვირუსი ღვიძლის ქრონიკულ ინფექციას იწვევს და უფრო მძიმე შემთხვევებში შეიძლება ღვიძლის ქსოვილის ნაწიბურების წარმოქმნა ან კიბოც კი გამოიწვიოს, წერს Inverse-ი.   ამჟამად HCV-ის შედეგად გამოწვეული ინფექციების მკურნალობა შესაძლებელია, მაგრამ ძვირია და პაციენტს ხელახალი...


მსგავსი სიახლეები

up