ცნობილი ადგილები პლანეტაზე, რომლებსაც უახლოეს მომავალში ჩაძირვა ემუქრებათ

ცნობილი ადგილები პლანეტაზე, რომლებსაც უახლოეს მომავალში ჩაძირვა ემუქრებათ

access_time2021-02-26 20:30:00

გლობალური დათბობის შედეგად ზღვის დონის მატება XXI საუკუნის ერთ-ერთ ყველაზე მნიშვნელოვან პრობლემას წარმოადგენს, რომელიც მილიონობით ადამიანს შეუქმნის საფრთხეს.



გაეროს კლიმატის ცვლილების მთავრობათაშორისი კოლეგიის (IPCC) კვლევის მიხედვით, 2050 წლამდე ზღვის დონის მატების გამო სანაპირო ზოლის დატოვება და გადასახლება პლანეტის მასშტაბით 300 მილიონ ადამიანს მოუწევს, 2100 წლამდე კი 600 მილიონს.



გამოცემა Euronews-ის ინფორმაციით, საუკუნის ბოლომდე დატბორვა ემუქრება ისეთ ცნობილ ტურისტულ მიმართულებებს, რომლებსაც ყოველწლიურად მილიონობით ადამიანი სტუმრობს.



ვენეცია, იტალია


ალბათ, ყველას სმენია, რომ ვენეცია თანდათან წყალში იძირება. თუმცა ზღვის დონის მატება ამ პროცესს კიდევ უფრო დააჩქარებს.


Euronews-ის ინფორმაციით, 2050 წლისთვის ქალაქში ძლიერი წყალდიდობები დაახლოებით ყოველ 5 წელიწადში ერთხელ მოხდება, 2100 წლისთვის კი მათი რიცხვი კიდევ უფრო გახშირდება და ქალაქი ყოველწლიურად მილიონობით დოლარის ზარალს მიიღებს.



მალდივის კუნძულები


მალდივის კუნძულები დღესდღეობით ერთ-ერთ ყველაზე ეგზოტიკურ და საინტერესო ტურისტულ მიმართულებად ითვლება, რომელიც პანდემიის დროსაც კი ღიაა.



თუმცა, კუნძულების უმეტესობა ზღვის დონიდან სულ რაღაც 1 მეტრის სიმაღლეზე იმყოფება.


გაეროს კვლევის მიხედვით, 2100 წლისთვის კუნძულების ¾ წყლის ქვეშ აღმოჩნდება.



ნიუ-იორკი, აშშ


2100 წლისთვის ნიუ-იორკთან ახლოს ზღვის დონე 1.8 მეტრით აიწევს, რაც ქალაქში მცხოვრებ ათასობით ადამიანს საფრთხეს შეუქმნის. სტიქია განსაკუთრებით ბრუკლინსა და ქვინსში მცხოვრებ ადამიანებს შეუქმნის საფრთხეს.


დატბორვის გამო გადასახლება რამდენიმე მილიონ ადამიანს მოუწევს.



ჰონგ-კონგი


ჰონგ-კონგი ერთ-ერთ ყველაზე პოპულარულ ტურისტულ მიმართულებას წარმოადგენს, სადაც პანდემიამდე წელიწადში სულ მცირე 56 მილიონი ტურისტი ჩადიოდა.


2100 წლისთვის ქალაქში წყლის დონე 0.6-დან 1.3 მეტრამდე მოიმატებს, რაც ზღვასთან ახლოს მცხოვრებ 8.4 მილიონ ადამიანს საფრთხეს შეუქმნის.



დუბაი, არაბთა გაერთიანებული საამიროები


1970-იანი წლებიდან მოყოლებული დუბაიში უამრავი პროექტი განხორციელდა და ქალაქი ტურისტებისათვის საკმაოდ მიმზიდველი გახდა.


თუმცა ზემოთ ჩამოთვლილი მაგალითების მსგავსად დუბაიც ძალიან ახლოს მდებარეობს ზღვასთან.


2100 წლამდე წყლის დონე სავარაუდოდ 3 მეტრით გაიზრდება, რაც ქალაქის დიდი ნაწილის დატბორვას გამოიწვევს.





BPN.GE









4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...

მიუხედავად იმისა, რომ ერთი წელია დაკეტილები ვართ, საქართველოდან გასვლას მაინც არ ვაპირებთ -Dinner In The Sky

მიუხედავად იმისა, რომ ერთი წელია დაკეტილები ვართ, საქართველოდან გასვლას მაინც არ ვაპირებთ -Dinner In The Sky
access_time2021-04-09 17:30:01
      “ჯერჯერობით ეპიდსიტუაცია არასტაბილურია და ველოდებით სიტუაციის გაუმჯობესებას და ჯერ არ ვაპირებთ გახსნას. მოთხოვნა იმდენად დიდია, საქართველოდან გასვლას მაინც არ ვაპირებთ,” _   ტურისტული ატრაქცია Dinner In The sky Goergia, იგივე „ვახშამი ცაში” ერთი წელია დახურულია. საქართველოს ერთ-ერთი ყველაზე ძვირადღირებული რესტორანი რეგულაციებისა და შეკრებების აკრძალვის გამო ოპერირების განახლებას ვერ ახერხებს, თუმცა როგორც კომპანიაში „კომერსანტს“ განუცხადეს,...

8 აპრილი - რეგიონში ქართული ლარი გაუფასურდა, თურქული ლირა გამყარდა

8 აპრილი - რეგიონში ქართული ლარი გაუფასურდა, თურქული ლირა გამყარდა
access_time2021-04-08 18:00:07
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 8 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 8 აპრილის ვაჭრობის შედეგად (რომლის ოფიციალური კურსი 9 აპრილისთვისაა) ეროვნული...


მსგავსი სიახლეები

up