ევროკავშირის მიერ 2035 წლისთვის შიდაწვისძრავიანი მანქანების აკრძალვა ნახევარ მილიონ სამუშაო ადგილს საფრთხეს შეუქმნის. ამის შესახებ ევროპის ავტომობილების მიმწოდებელთა ასოციაციის, Clepa-ს გამოკითხვის შედეგების ანგარიშში წერია, რასაც სააგენტო Bloomberg ავრცელებს.
Clepa-მ გამოკითხვა, თითქმის, 100 კომპანიას შორის ჩაატარა და დაასკვნის, რომ 2035 წლის დადგომამდე დარჩენილ 5 წელიწადში სამუშაო ადგილების ორ მესამედზე მეტი გაქრება, რაც მასობრივი უმუშევრობის „სოციალური და ეკონომიკური ზემოქმედების შედეგების“ შემსუბუქებას გაართლებს.
თუმცა PwC-ის კვლევამ აჩვენა, რომ ელექტრო კომპონენტების წარმოებაში, მომდევნო 20 წლის განმავლობაში, 226 000 ახალი სამუშაო ადგილი შეიქმნება, რაც უმუშევრობის ზრდას შეანელებს.
მიმდინარე წლის დასაწყისში ევროკომისიამ გამოაცხადა გეგმა, 2035 წლისთვის ახალ მანქანებში CO2 გამონაბოლქვის სრულად აღმოფხვრის შესახებ. ამ თარიღიდან წიაღისეული საწვავის მანქანების გაყიდვა, ფაქტობრივად, აიკრძალება. მიუხედავად იმისა, რომ ევროკომისიას არა აქვს დადგენილი შიდაწვისძრავიანი მანქანების აკუმულატორულ ბატარეაზე მომუშავე ელექტრომობილებით ჩანაცვლება, ავტომწარმოებლები, მათ შორის ევროპის უდიდესი გერმანული კონცენრნი Volkswagen სხვა ტექნოლოგიების, მათ შორის წყალბადის საწვავის გამოყენებას გამორიცხავენ.
Clepa მანქნების 3000-ზე მეტ მიმწოდებელს აერთანებს. ასოციაცია დიდი ხანია, ამტკიცებს, რომ შუალედური ტექნოლოგიების გამოყენება ეკოლოგიურად სუფთა ტრანსპორტზე გადასვლისგან მოსალოდნელ დარტყმას შეარბილებს.
„ერთი უნივერსალური მიდგომის მიმართ საზოგადოების მოთხოვნილებები მეტად მრავალფეროვანია. ჰიბრიდული ტექნოლოგიების, მწვანე წყალბადისა და განახლებადი, ეკოლოგიურად სუფთა საწვავის გამოყენება ინოვაციების განვითარებას განაპირობებს,“ - აცხადებს Clepa-ს გენერალური მდივანი, სიგრიდ დე ვრისი.
გერმანიის მთავრობის 2020 წლის ანგარიშში წერია, რომ შიდაწვის ენერგიაზე მომუშავე მანქანებიდან ეკოლოგიურზე გადასვლამ ქვეყანას შესაძლოა, 400 000-მდე სამუშაო ადგილი დააკარგვინოს. მაშინ Volkswagen-ის აღმასრულებელი დირექტორი ჰერბერტ დისი აცხადებდა, რომ ასეთი კატასტროფული სცენარი „ალბათ, უმნიშვნელოდ გაზვიადებულია“ და „არსებული ავტომანქანების ძირითადი ნაწილი იგივე დარჩება.“
bpn.ge