CITROEN – "სხვადასხვა კომპანიები, ერთობლივად შეთანხმებული ქმედებებით, ხელს უშლიან ბაზარზე ახალი კომპანიების შესვლას"

CITROEN – "სხვადასხვა კომპანიები, ერთობლივად შეთანხმებული ქმედებებით, ხელს უშლიან ბაზარზე ახალი კომპანიების შესვლას"

access_time2016-10-14 19:00:00

კოპმანია „სიტროენი" აცხადებს, რომ საქართველოს საავტომობილო ბაზარზე შემოსვლიდან მოკლე დროში სხვადასხვა კომპანიების მხრიდან არაცივილური წესების დამკვიდრების მცდელობის მომსწრე აღმოჩნდა.

 


სამწუხაროდ, გაირკვა, რომ საავტომობილო ბიზნესში არსებული გარიგების თანახმად, სხვადასხვა კომპანიები, ერთობლივად შეთანხმებული ქმედებებით, ხელს უშლიან ბაზარზე ახალი კომპანიების შესვლას და საფრთხეს უქმნიან კონკურენტული გარემოს არსებობას.
ასევე აღმოჩნდა, რომ ეს კომპანიები, რომელთა დასახელებისგანაც ამ ეტაპზე თავს შევიკავებთ, სახელმწიფო შესყიდვებისას არ შედიან ერთმანეთან კონკურენციაში, რაც საბოლოოდ, საბიუჯეტო სახსრებს აზარალებს. მათ მიერ ხელოვნურად გაზრდილი ფასი, ხშირად, პოლიტიკური ბრალდებების საბაბიც ხდება.

 


საინტერესოა, რას ხმარდება ამ კომპანიების მიერ ხელოვნურად გაზრდილი ფასით მიღებული ჭარბი ფინანსური მოგება, რადგან საზოგადოებას კარგად ახსოვს, საავტომობილო ბაზარზე სხვადასხვა კომპანიების შემოსვლის დრო და მათი ფინანსური მდგომარეობის გაუმჯობესება.

 


კომპანია სიტროენი მოუწოდებს შესაბამის სამსახურებს, დაინტერესდნენ, რა ფასად სთავაზობენ სხვადასხვა კომპანები კერძო სექტორს ავტომობილების შესყიდვას და რამდენად ადეკვატურია მათ მიერვე სახელმწიფოსთვის მიწოდებული ფასი.


 


ასევე მივმართავთ შესყიდვების სააგენტოს, შეამოწმოს ბოლო წლების მონაცემები, უწევდნენ თუ არა კონკურენციას ერთმანეთს საავტომობილო ბიზნესში ჩართული კომპანიები და აქვს თუ არა ადგილი მათი მხრიდან კარტერულ გარიგებას საბიუჯეტო სახსრების ხარჯზე.
დაინტერესების შემთხვევაში, კომპანია სიტროენი მზადაა შესაბამის სამსახურებს მიაწოდოს განცხადებაში დასახელებული კონკრეტული ფაქტების ამსახველი დოკუმენტაცია.

 


ამ ყველაფრის გარკვევა განსაკუთრებით საინტერესოა, მაშინ, როცა ავტომობილების ბიზნესი სახელმწიფოს მთლიანი ბაზრის წილის 65% მოიცავს.

 


ჩვენმა კომპანიამ, შეისწავლა ბაზარი და უკვე თანამშრომლობს მსხვილ კერძო და სახელმწიფო სტრუქტურებთან, კვლავ განაგრძობს დასახული გეგმების განხორციელებას და საავტომობილო ბაზარზე ლიდერი პოზიციის დამკვიდრებას.

 


კომპანია სიტროენი უფრთხილდება მსოფლიო ბაზარზე არსებობის 96 წლიან გამოცდილებას, და სხვა, კონკრეტული კომპანიების მიერ დაწესებულ არაჯანსაღ პროცესებში მონაწილეობას არ გეგმავს.

 


ამასთან, საავტომობილო ბიზნესში ჩართული კომპანიებისთვის თავიანთი უფლებების დაცვის, კონკურენტული გარემოს შექმნისა და სიტუაციის გაჯანსაღების მიზნით, კომპანია ნებისმიერ უწყებასთან თანამშრომლობის მზადყოფნას გამოთქვამს.




ჩვენ არ გვაქვს ცუდი შედეგები, 5%-იან ეკონომიკურ ზრდას უამრავი ქვეყანა ინატრებდა-დეპუტატები „IRI-ს კვლავას აფასებენ

ჩვენ არ გვაქვს ცუდი შედეგები, 5%-იან  ეკონომიკურ ზრდას უამრავი ქვეყანა ინატრებდა-დეპუტატები „IRI-ს კვლავას აფასებენ
access_time2019-11-19 20:10:10
„IRI- კვლევებს დიდ პატივს ვცემ მაგრამ იმ ხალხს ვინც საქართველოში სამუშაოებს ასრულებს მე მათი კვლევების არ მჯერა, რადგან შედეგები არასდროს გამართლებულა“ -ასე აფასებს საფინანსო-საბიუჯეტო კომიტეტის თავმჯდომარის პირველი მოადგილე პაატა კვიჟინაძე საერთაშორისო რესპუბლიკური ინსტიტუტის კვლევას, რომლის მიხედვითაც გამოკითხულთა 80% მიიჩნევს, რომ მათი უმთავრესი პრობლემებად უმუშევრობა, საცხოვრებელი ხარჯები და სიღარიბეა.   რატომ ვერ მიიღო მოსახლეობამ...

„საქართველოს ბანკი“- ახლო მომავალში ლარი იმ ნიშნულს დაუბრუნდება, რომელიც მის გაცვლით კურსს რეალურად ასახავს“

„საქართველოს ბანკი“- ახლო მომავალში ლარი იმ  ნიშნულს დაუბრუნდება, რომელიც  მის გაცვლით კურსს რეალურად ასახავს“
access_time2019-11-19 18:35:56
„საქართველოს ეკონომიკა ბოლო მონაცემებითაც აჩვენებს ისეთ შედეგებს, რომელიც მყარ საფუძველს იძლევა, იმისთვის რომ ლარი ახლო მომავალში დაუბრუნდება ნიშნულს, რომელიც რეალურად ასახავს მის გაცვლით კურსს“--ამის შესახებ „კომერსანტს“  „ საქართველოს ბანკის“ გენერალური დირექტორის მოადგილე სულხან გვალიამ განუცხადა.  მისივე განმარტებით,  ყველა კვლევაც ასე აჩვენებს, ლარის კურსი დაახლოებით 10%-ით მეტადაა გაუფასურებული. „აქვე, ერთმნიშვნელოვნად უნდა...

„ნამახვანი ჰესის მშენებლობა წყალტუბოს განვითარების გეგმას ჩააგდებს“

„ნამახვანი ჰესის მშენებლობა წყალტუბოს განვითარების გეგმას ჩააგდებს“
access_time2019-11-19 18:00:17
„როდესაც ქვეყანაში ისეთი პროექტების მშენებლობა გრძელდება, რომელიც გარემოს აზარალებს, ჩნდება ეჭვი, რომ მსგავსი დიდი პროექტების მეშვეობით ქვეყანაში ფული თეთრდება“- ამის შესახებ „კომერსატს“ არასამთავრობო ორგანიზაცია ”მწვანე ალტერნატივის” ბიომრავალფეროვნების კოორდინატორმა ირაკლი მაჭარაშვილმა განუცხადა. მისი თქმით, წყალტუბოს განვითარებაც შეიძლება ასეთ საკითხად მივიჩნიოთ თუ წინასწარ არ იქნა მისი დადებითი და უარყოფითი შედეგები...

ბრონქიტი -როგორ ავიცილოთ თავიდან გართულებები?

ბრონქიტი -როგორ ავიცილოთ თავიდან გართულებები?
access_time2019-11-19 14:30:24
ბრონქების ლორწოვანი გარსის ანთებას ბრონქიტი ეწოდება, რომელის ყველაზე ხშირი მიზეზიც ვირუსული ინფექციაა. კორონავირუსებს, რომლებიც ამ დაავადებას იწვევენ,ბევრი საერთო აქვთ გრიპისა და ატოპიური პნევმონიის გამომწვევ ვირუსთან. ერთი შეხედვით გარეგნულად სრულიად უწყინარი , თუმცა უკიდურესად სახიფათო არიან. გერმანელი სპეციალისტების გამოთვლით , ზამთრის სეზონზე მხოლოდ გერმანიაში გაციებისა და მისი გართულების შედეგად 12 ათასი ადამიანი იღუპება! ბრონქიტი ნამდვილად ეპიდემიად იქცა, რამდენადაც...

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?

„სოკარს“ არ ვაწყენინოთ? - რატომ გადაიდო დიზელის საწვავზე „ევრო 5“-ის სტანდარტის ამოქმედება?
access_time2019-11-19 16:10:05
„აქ არ იყო მთავარი მხოლოდ ის, რომ სტრატეგიულ პარტნიორს და „სოკარს“ არ ვაწყენინოთ, აქ მნიშვნელოვანი სოციალურ ეკონომიკური ფაქტორი იკვეთება. „სოკარი“ ცალსახად არის მნიშვნელოვანი ინვესტორი და ეს ფაქტორიც გასათვალისწინებელია, თუმცა ამით ეკოლოგიური მდგომარეობა არ უარესდება“, - ასე აფასებს  „ნავთობპროდუქტების იმპორტიორთა კავშირის“ თავმჯდომარე ვანო მთვრალაშვილი დიზელის საწვავზე „ევრო 5“ სტანდარტის ამოქმედების 2021 წლამდე გადავადებას. დიზელის ახალი „ევრო 5“ სტანდარტის...


მსგავსი სიახლეები

up