„ჩვენთვის

„ჩვენთვის "ლოქდაუნიც" ზარალია და მომლოდინე რეჟიმში ყოფნაც“ – „ოკტოპუს ფიტნეს კლუბი“

access_time2020-11-22 16:00:02

„ბიზნესისთვის დახურვა-არ დახურვის მოლოდინის რეჟიმიც ცუდია, ისევე როგორც ლოქდაუნი", - ასე ეხმიანება „ოკტოპუს - ფიტნეს კლუბის“  დირექტორი გავრცელებულ ინფორმაციას, რომ ქვეყანაში ეპიდემიოლოგიური მდგომარეობის დამძიმების გამო შესაძლოა დაიხუროს როგორც სპორტული დარაბზები, ისე დიდი სავაჭრო ქსელები (მოლები), სილამაზის სალონები. საუბარია, საქალაქთაშორისო ტრანსპორტის შეზღუდვაზეც.

 

გიორგი ასათიანი აღნიშნავს, რომ მოლოდინს თან ახლავს უამრავი პროცესი, რომელიც დაკავშირებულია ფინანსურ ზარალთან, იმ ფიქსირებულ ხარჯებთან, რასაც დახურვის პირობებში მაინც თავს ვერ არიდებ.

 

"მომხმარებელს, რომელსაც უნდა ჩვენი აბონიმენტის შეძენა და ვრცელდება ინფორმაცია, რომ შეიძლება 2 კვირაში დაიკეტოს ფიტნეს-კლუბი ან პირობითად 3 კვირაში, ბუნებრივია ის გადაიფიქრებს აბონიმენტის შეძენას,“ - ამბობს „ოკტოპუს - ფიტნეს კლუბის“  დირექტორი.

 

როგორც ასათიანი აცხადებს, ყველა ბიზნესი ერთნაირ სიტუაციაშია, მეტ-ნაკლებად ზოგი ძალიან ზღვარზეა, ზოგი - ნაკლებად. რაც შეეხება „ოკტოპუს - ფიტნეს კლუბს“,  განხორციელებული აქვს რამდენიმე მილიონიანი ინვესტიცია. მათ შორის, 2020 წელს კომპანიამ ქსელის განვითარებაში დაახლოებით 5 მილიონი ლარი ჩადო. გამომდინარე იქიდან, რომ მიმდინარე წელი კრიზისულია კომპანიისთვის, ნებისმიერი ტიპის შემოსავლების შემცირება სახარბიელო ნამდვილად არ იქნება.


 

„აუცილებელია, გადაიდგას ქმედითი ნაბიჯები, მათ შორის, მოხდეს მთავრობასა და ბიზნესს შორის კომუნიკაცია, სადაც ერთობლივი კონსულტაციების შედეგად ფიტნეს ინდუსტრიას დაუწესდება შეღავათები თუნდაც საგადასახადო მიმართულებით. ქმედითი ნაბიჯი უნდა გადაიდგას იმისთვის, რომ ბიზნესს გარკვეული შეღავათი ჰქონდეს. ასე მომლოდინე რეჟიმში ყოფნა წარმოუდგენელია,“ - აცხადებს გიორგი ასათიანი.

 

მისი განცხადებით, გასული წლის ანალოგიურ პერიოდთან შედარებით, კომპანიას შემოსავლები საგრძნობლად შეუმცირდა.

 

ფიტნეს კლუბი „ოკტოპუსი“  2016 წლის ზაფხულში გაიხსნა. ის აღჭურვილია უმაღლესი ხარისხის Lifefitness - ის და Tecnogym - ის ტრენაჟორებით. კლუბი გამორჩეულია ავანგარდული ინტერიერით.

 

წყარო: ბიზნესპარტნიორი



თეგები:
ოკტოპუს



აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ

აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ
access_time2020-12-04 18:54:11
ამერიკის შეერთებული შტატების ყოფილი პრეზიდენტები, ბარაკ ობამა, ჯორჯ ბუში და ბილ კლინტონი, მზად არიან, რომ ავტორიზაციის შემდეგ, კოვიდ 19-ის ვაქცინა საჯაროდ, კამერების წინ გაიკეთონ და ასე მოსახლეობას დაუმტკიცონ, რომ ის უსაფრთხოა.   ამერიკის ბოლო სამი პრეზიდენტი იმედოვნებს, რომ მათი ეს ნაბიჯი იქნება მყარი გზავნილი ამერიკელი ხალხისთვის, რომ ვაქცინა მართლაც უსაფრთხო და ეფექტურია. სწორედ ამაში ცდილობენ საზოგადოების დარწმუნებას სფეროს ექსპერტები და ვაქცინაზე...

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

დღის Top 10 საინტერესო ამბავი

დღის Top 10 საინტერესო ამბავი
access_time2020-12-04 21:30:27
დღის Top 10 საინტერესო ამბავი: 1. ლარის გაცვლითი კურსის მორიგი შოკის შემთხვევაში, სახელმწიფო ვალის ნიშნული შესაძლოა მშპ-ის 72%-მდე გაიზარდოს ლარის გაცვლითი კურსის მორიგი შოკის შემთხვევაში, მაღალია ალბათობა სახელმწიფო ვალის ნიშნული მოულოდნელად მშპ-ის 72%-მდე გაიზარდოს. ასეთია აუდიტის სამსახურის ანგარიშის დასკვნა,...

„ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?

 „ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?
access_time2020-12-04 20:30:24
დეკემბრის შუა რიცხვებში საცხოვრებელი ფართების დაჯავშნის სერვისი Airbnb-ი თავისი აქციების გასაყიდად გამოტანის პროცედურას დაასრულებს. პირველ ეტაპზე საუბარი იყო 30 მლრდ. დოლარის ფასიან ქაღალდებზე, დღეს კი - 35 მლრდ-ის.   წერილში, რომელიც კომპანიის პრეზიდენტმა ბრაინ ჩესკიმ ბირჟების და ფასიანი ქაღალდების კომისიას გაუგზავნა, ნათქვამია, რომ აქციების განთავსება ჯერ კიდევ მარტში იგეგმებოდა, თუმცა ეს გეგმების პანდემიამ...

OPEC Plus-ი ნავთობმოპოვების ზრდაზე შეთანხმდა

OPEC Plus-ი ნავთობმოპოვების ზრდაზე შეთანხმდა
access_time2020-12-04 19:30:45
OPEC plus-ში შემავალი ქვეყნები 2021 წლის იანვრიდან დღე-ღამეში ნავთობმოპოვების 500 000 ბარელით ზრდაზე შეთანხმდნენ.   შემდგომში გარიგების პირობების ყოველთვიურად გადაიხედება, და მოპოვების მოცულობები მოთხოვნაზე იქნება დამოკიდებული.   ბაზარმა შეთანხმებაზე რეაგირება უკვე მოახდინა - 3 დეკემბერს, ინფორმაციის გავრცელების შემდეგ,  Brent-ის ტიპის ნავთობი 1,2%-ით, 48,8 ბარელამდე გაძვირდა. წყაროების ინფორმაციით, შეხვედრის დროს...


მსგავსი სიახლეები

up