არსებობის 8-წლიანი ისტორიით, გადამზიდავი კომპანია MGL Georgia დღეს სფეროში ერთერთ მოწინავე პოზიციებს იკავებს. კომპანია საქართველოში 2012 წელს დაარსდა, მანამდე კი ბულგარეთში ფუნქციონირებდა. 2017 წელს ჩინეთში გაიხსნა ახალი ფილიალი MGL Shenzhen-ი. „კომერსანტთან“ ინტერვიუში კომპანიის დირექტორმა ლალი ოყუჯავამ კომპანიის გეგმებსა და მიღწევებზე ისაუბრა.

არის თუ არა დღეს დიდი კონკურენცია საქართველოს გადაზიდვების ბაზარზე?

კონკურენცია გადაზიდვების ბაზარზე საკმაოდ დიდია და ამასთანავე მზარდი. ეს ძალიან კარგია, ვინაიდან კონკურენციას ხვეწს, ავითარებს დარგს და საბოლოოდ საუკეთესო მომსახურებას ღებულობს ამ სერვისებით დაინტერესებული მხარეები. ჩვენ დიდ პატივს ვცემთ ჩვენს კონკურენტებს, რადგან მათი დახმარებით,  მუდმივად ვვითარდებით და იმედი მაქვს, რომ ქართული ლოგისტიკა უფრო ამბიციური იქნება მსოფლიო ბაზარზეც.

რითია გამორჩეული კომპანია MGL Georgia სხვა კონკურენტებისგან?

MGL GEORGIA გამორჩეული იდეის მატარებელია.ჩვენ პატივისცემაზე  აგებულ ურთიერთობებს ვაყალიბებთ. მრავალფეროვანი , მაგრამ ერთი ღირებულების ირგვლივ გაერთიანებული ადამიანებისგან შემდგარი გუნდები, ზრუნავენ იმაზე, რომ ჩვენს ბიზნეს-პარტნიორებს გაუმარტივონ ლოგისტიკური გადაწყვეტილებები და დააზოგინონ დრო და რესურსები. ჰუმანურობა, ლოიალურობა და სამართლიანობა, ურთიერთპატივისცემა და პასუხისმგებლობა-ამის შერწყმაა ჩვენი განსხვავებულობა.

სხვადასხვა კულტურის და ეროვნების, ტრადიციების და ბიზნეს გამოცდილების გაზიარებამ, მოგვცა შესაძლებლობა, მათ შორის საუკეთესო გამოცდილებით გვეხელმძღვანელა.კომპანიის მთავარი პრიორიტეტი და მისი წამყვანი ძალა - მისი თანამშრომლებია, ჩვენ ვამაყობთ ჩვენი გუნდის წევრებით და გვჯერა რომ ადამიანების შესაძლებლობები უსაზღვროა.

რა გეგმები გაქვთ სამომავლოდ?

ჩვენი ყოველდღიური საზრუნავია თუ როგორ გავამარტივოთ ლოგისტიკური სერვისების მიწოდება ჩვენი მომსახურეობით დაინტერესებული კომპანიებისთვის, აქედან გამომდინარე დაგეგმილია ამ მიმართულებით  კონკრეტული  ნაბიჯები.

რას ურჩევდით მათ, ვისაც ამ სფეროში უნდა დასაქმება ან ბიზნესის დაწყება?

ამ სფეროში დასაქმების მსურველებს ვურჩევდი სიმტკიცეს და დიდი ნებისყოფის გამოვლენას,დიდი შრომა და ადამიანების სიყვარულია საჭირო, რომ წარმატებას მიაღწიო.ის რაც გულით კეთდება, ის რაზეც იზრუნებ,ის რასაც მოუვლი, ყოველთვის მოგცემს ნაყოფს. ჩემი პირადი გამოცდილებით მიღებას წინ უძღვის გაცემა და გაცემას ბევრი არ არის მიჩვეული, შედეგად ღებულობს იმედგაცრუებას.

 ამ დარგში ბიზნესის დამწყებებს ვუსურვებდი წარმატებას და ვურჩევდი არ შეუშინდნენ წარმატებამდე  უამრავ დაბრკოლებას. გამოცდილების მიღებაც კი დიდი წარმატებაა.

(R)