კორონავირუსით გამოწვეული პანდემიის გამო მომხმარებლის ქცევა ონლაინ ვაჭრობის მიმართ შეიცვალა. თუ ადრე მომხმარებელი მიტანის სერვისს ძირითადად საკვებისთვის იყენებდნენ, პანდემიის პერიოდში მომხმარებლის მოთხოვნა სურსათზე, სააფთიაქო პროდუქტზე და საყოფაცხოვრებო მოხმარების ნივთებზე გაიზარდა.
როგორც „კომერსანტს“ Glovo- ს მარკეტინგის მერეჯერმა შაკო იოსავამ განაცხადა, მომხმარებლისთვის მიტანის სერვისი სასურველი ნივთის თუ კერძის შეძენის ნომერ პირველი საშუალება გახდა.
„თუ ადრე ბიზნესებისთვის ონლაინ გაყიდვები გაყიდვის დამატებითი საშუალება იყო, ახლა საჭიროებად გადაიქცა.“- აღნიშნავს შაკო იოსავა.
მისივე განმარტებით Glovo კონკურენტებისგან პროდუქტის ადგილზე მიტანის სისწრაფით გამოირჩევა.
„ჩვენი სლოგანი იყო და რჩება - „მთელი ქალაქი შენს ტელეფონში“. Glovo-ს მეშვეობით 24 საათის განმავლობაში მომხმარებელს შეუძლია შეიძინოს ან გააგზავნოს სასურველი ნივთი და ეს ყველაფერი 1 საათზე ნაკლებ დროში განახორციელოს“ - აღნიშნავს შაკო იოსავა.
შაკო იოსავას განმარტებით, მოთხოვნიდან გამომდინარე Glovo-მ როგორც თანამშრომლები ასევე პარტნიორი კურიერებიც დაამატა.
„რა თქმა უნდა, არც ერთი თანამშრომლის/კონტრაქტორის შემცირება არ მომხდარა. პირიქით გაზრდილი მოთხოვნიდან გამომდინარე დავიმატეთ, როგორც თანამშრომლები, ასევე პარტნიორი კურიერები.“ - აღნიშნავს შაკო იოსავა.
რაც შეეხება სიახლეებს და სამომავლო გეგმებს Glovo-ს მარკეტინგის მენეჯერი აღნიშნავს, რომ Glovo-მ წინა თვეში ჩაუშვა მიტანის სერვისზე გათვლილი სივრცე, Cook Room, რომელშიც გაერთიანებულია პარტნიორი რესტორნების ინდივიდუალურ საჭიროებებზე მორგებული სამზარეულოები.
კომპანია “wolt”- ის გენერალური მენეჯერი ნატალია ხიზანიშვილი აღნიშნავს,რომ პროდქტებზემოთხოვნა დიდად არ შეცვლილა, უბრალოდ არსებულ მოთხოვნებს სუპერმარკეტის, სახლის მოვლის და ჰიგიენის პროდუქციაზე მოთხოვნა დაემატა. ნათია ხიზანიშვილი აღნიშნავს, რომ ამ მიმართულებით გაძლიერებული დატვირთვით მუშაობენ.
„რესტორნების და საკვების მიმართულებით იგივე მდგომარეობაა, უბრალოდ მოთხოვნა სუპერმარკეტებზე და სახლის დალაგების პროდუქტებზე გაიზარდა, რომლებიც ეხლა დავამატეთ. მაგალითად „სუფთა სახლიდან“ და „კარფურიდან“ შესაძლებელია, რომ მომხმარებლებმა პროდუქცია მიიღონ და პატარ-პატარა პრდუქტებზე სახლიდან გასვლა აღარ მოუწიოთ, რითაც ადამიანებმა უფრო დიდი კომფორტი შეიქმნეს“ - აღნიშნავს ნატალია ხიზანიშვილი
ნატალია ხიზანიშვილიც აღნიშნავს, რომ wolt- ს კონკურენტებისგან პროდუქტის მიტანის ტემპი და ესქკლუზიური პარტნიორები გამოარჩევენ.
„ჩვენი მომსახურეობა არის რამდენიმე მიმართულებით გამორჩეული, მხარდაჭერის სისწრაფე, ჩვენ გვყავს მუდმივად რეალურ დროში მხარდაჭერის გუნდი, რომელიც აკვირდება და საჭიროების შემთხვევაში მომხმარებლებს წამიერად პასუხობს დაშექმნილ პრობლემას უგვარებს, ასევე გვყავს ბევრი ძალიან საინტერესო ექსკლუზიური პარტნიორი, გვყავს ბევრი საერთაშორისო ბერნდი და ადგილობრივი ბრენდები, რომლებიცმხოლოდ „ვოლტთან“ თანამშრომლობენ და მხოლოდ ვოლტით ხდება მათთან შეკვეთების განთავსება და ზოგადად ჩვენი სისწრაფე ერთ-ერთი მნიშვნელოვანი კომპონენტია.“ - ნატალია ხიზანიშვილი
Wolt- ის გენერალური მენეჯერი ნატალია ხიზანიშვილი აღნიშნავს, რომ მათ მომსახურეობაზე მოთხოვნა სულ არის და შესაბამისად მათთან ახალი პარტნიორი კურიერების ზრდა ყოველკვირეულად ხდება.
„ჩვენ გვყავს, როგორც მთავარი გუნდის თანამშრომლები ასევე გვყავს პარტნიორი კურიერები, რომელთა რაოდენობაც იზრდება. ჩვენ მომსახურეობაზე სულ არის მოთხოვნა და რომ მოვახდინოთ იმ ხარისხის შენარჩუნება, რაც ყოველთვის გვქონდა მუდმივად ხდება გუნდის წევრების რაოდენობის ზრდა, ასევე ყოველკვირეულად ვახდენთ ახალი პარტნიორი კურიერების დამატებასაც“ - აღნიშნავს ნატალია ხიზანიშვილი
ორივე კომპანიაში აცხადებენ,რომ პანდემიის მიუხედვად მომსახურების ფასი არ შეცვლილა, მიტანის სერვისზე გაზრდილმა მოთხოვნამ კი ადამიანური რესურსის გაზრდის საჭიროება გააჩინა.
რაც შეეხება wolt , სამომავლოდ აფთიაქებთან და დიდ სუპერმარკეტებთან თანამშრომლობას იწყებს.
ამ ეტაპზე Wolt-ი თბილისში , ქუთაისში და ბათუმში ოპერირებს, ხოლო Glovo - თბილისში, ქუთაისში, ბათუმში, რუსთავში და ზუგდიდში.
თაკო კვაჭანტირაძე