„ჩვენი მიზანია, რომ საზღვარგარეთ მყოფმა საქართველოს ყველა მოქალაქემ ისარგებლოს მაღალი ხარისხის საკონსულო მომსახურებით“ - დავით ზალკალიანი

„ჩვენი მიზანია, რომ საზღვარგარეთ მყოფმა საქართველოს ყველა მოქალაქემ ისარგებლოს მაღალი ხარისხის საკონსულო მომსახურებით“ - დავით ზალკალიანი

access_time2021-02-25 17:00:00

2021 წლის 25-26 თებერვალს, ვიდეო კონფერენციის ფორმატში იმართება საქართველოს საგარეო საქმეთა სამინისტროს საკონსულო თანამდებობის პირთა საკოორდინაციო შეხვედრა. ინფორმაციას საგარეო საქმეთა სამინისტრო ავრცელებს.


შეხვედრის მონაწილეებს მისასალმებელი სიტყვით მიმართეს საქართველოს ვიცე-პრემიერმა, საგარეო საქმეთა მინისტრმა დავით ზალკალიანმა და საგარეო საქმეთა მინისტრის მოადგილემ ხათუნა თოთლაძემ.


თავის გამოსვლაში, დავით ზალკალიანმა აღნიშნა, რომ 2020 წელი სახელმიწფოსთვის მრავალი უპრეცენდენტო გამოწვევის მომტანი აღმოჩნდა. საგარეო საქმეთა სამინისტროს უჩვეულო რეჟიმში მოუწია მუშაობა და ფრიად საპასუხისმგებლო როლის შესრულება პანდემიით გამოწვეული კრიზისის დაძლევის პროცესში. ამასთან, მან ხაზი გაუსვა, რომ გამორჩეული აღნიშვნისა და მაღალი შეფასების ღირსია ის თავდაუზოგავი შრომა, რომელიც საქართველოს საკონსულო თანამდებობის პირებმა, საზღვარგარეთ მყოფი თანამოქალაქეების დახმარების კუთხით გასწიეს.


მინისტრის თქმით, გლობალურმა პანდემიამ, უშუალოდ ჯანმრთელობასთან დაკავშირებული საფრთხეების გარდა, მოიტანა არნახული შეზღუდვები, ისეთები, როგორებიცაა სხვადასხვა მასშტაბის საგანგებო მდგომარეობები, ჩაკეტილი საზღვრები, საკარანტინო პროცედურები, სამართლებრივი, ეკონომიკური და ჰუმანიტარული ხასიათის პრობლემები. აღნიშნული შეზღუდვების ფონზე, გართულდა და ხშირ შემთხვევაში, შესაძლებლობების ზღვარს მიუახლოვდა საკონსულო თანამდებობის პირების მიერ ყოველდღიური ფუნქცია-მოვალეობების შესრულება, მოქალაქეების ეფექტიანი მომსახურება, მათთან კომუნიკაცია, ინფორმირებულობის უზრუნველყოფა და ადგილზე დახმარების აღმოჩენა.



„მიუხედავად წარმოუდგენელი სირთულეებისა, თქვენი პროფესიონალიზმის, თავდადების, საქმისადმი ერთგულების წყალობით ადგილზე დახმარება გაეწია 23 ათასზე მეტ მოქალაქეს, ხოლო სამშობლოში დაბრუნდა 25 ათასზე მეტი მოქალაქე. თქვენს მოვალეობებს ასრულებდით დაუღალავად, ხშირად საკუთარი ფიზიკური ჯანმრთელობის რისკის ფასად და ყველა ხელმისაწვდომი ბერკეტის გამოყენებით.


მინდა დაგარწმუნოთ, რომ თქვენი საქმიანობა არის სათანადოდ დანახული და დაფასებული. კორონა-ვირუსის გავრცელებისთანავე საგარეო საქმეთა სამინისტროს დაეკისრა უმნიშვნელოვანესი ფუნქცია, ადგილზე დახმარებოდა საზღვარგარეთ მყოფი საქართველოს მოქალაქეებს და ორგანიზება გაეწია სამშობლოში მათი უსაფრთხოდ დაბრუნებისათვის. ვთვლი, რომ ჩვენმა უწყებამ, მთელმა ჩვენმა გუნდმა, წარმატებით გაართვა თავი ამ დავალებას, რაც პირველ რიგში, სწორედ თქვენი დამსახურებაა“ - აღნიშნა მინისტრმა.


მისასალმებელ სიტყვაში დავით ზალკალიანმა ხაზი გაუსვა, რომ საქართველოს, ისევე როგორც ნებისმიერი შემდგარი და დემოკრატიული სახელმწიფოს, მთავარი მოვალეობა თავის მოქალაქეებზე ზრუნვაა, როგორც ქვეყნის შიგნით, ასევე, მის ფარგლებს გარეთ: „ამასთან, ქვეყნის საერთაშირისო იმიჯი დიდ წილად დამოკიდებულია იმაზე, თუ რამდენად ეფექტურად შეუძლია სახელმწიფოს დაიცვას საკუთარი მოქალაქეების ინტერესები საზღვარგარეთ. აქედან გამომდინარე, საგარეო უწყების საქმიანობის ერთ-ერთ ძირითად და მნიშვნელოვან მიმართულებას წარმოადგენს საზღვარგარეთ მყოფი ჩვენი მოქალაქეების კანონიერი ინტერესებისა და უფლებების დაცვა. ვინაიდან, საგარეო საქმეთა სამინისტრო არის საქართველოს ერთადერთი სახელმწიფო ინსტიტუტი, რომლის მეშვეობითაც ხდება საზღვარგარეთ მცხოვრები საქართველოს მოქალაქეებისათვის დახმარების გაწევა, საკონსულო დეპარტამენტის და საზღვარგარეთ საკონსულო სამსახურების საქმიანობა და მათი გამართული ფუნქციონირება განსაკუთრებით მნიშვნელოვანია“.


„ჩვენი მიზანია, რომ საზღვარგარეთ მყოფმა საქართველოს ყველა მოქალაქემ, გარკვეულ შემთხვევებში კი, უცხო ქვეყნის მოქალაქეებმაც ისარგებლონ მაღალი ხარისხის საკონსულო მომსახურებით. ეს უკანასკნელი არ არის სტატიკური ცნება და საკუთარ თავში მოიაზრებს შემდგომი სრულყოფის, განვითარების და დახვეწის პერსპექტივებს, როგორც დღეს არსებული საჭიროებების, ასევე თანამედროვე ტექნოლოგიების განვითარების კვალდაკვალ. სწორედ განვითარების პერსპექტივების დანახვას ემსახურება დღევანდელი შეხვედრა“ - სიტყვის დასასრულს აღნიშნა ვიცე-პრემიერმა.


ვიდეო კონფერენციის ფარგლებში, სადისკუსიო პანელებზე განიხილება საკონსულო საქმიანობის მნიშვნელოვანი საკითხები, მათ შორის: კრიზისების მართვა: დაგროვილი გამოცდილება და ახალი გამოწვევები; საქართველოს საგარეო საქმეთა სამინისტროს მიერ საზღვარგარეთ კრიზისულ სიტუაციებში მოქმედების წესი; კრიზისების მართვის პროცესში დიასპორული ორგანიზაციების ჩართულობა; კრიზისების მართვის პროცესში საპატიო კონსულების ჩართულობის არეალი და გზები; არსებული საფრთხეები და ახალი გამოწვევები; საკანონმდებლო ბაზის სრულყოფა და საკონსულო ურთიერთობების გაღრმავება; საკონსულო საქმიანობაში თანამედროვე ტექნოლოგიების დანერგვა.








მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 

მთავრობის წვლილი წამლების გაძვირებაში - ცვლილება კანონში, რომელმაც მედიკამენტებზე ხელმისაწვდომობა შეზღუდა 
access_time2021-04-14 10:00:02
მედიკამენტების ფასები საქართველოს მოსახლობის ყველაზე დიდი, მოუგვარებელი პრობლემაა, პრობლემა რომლის შესახებაც იცის ყველამ. საკითხზე წლებია საუბრობს როგორც მმართველი გუნდი, ისე ოპოზიციური პარტიებიც და თვითონ ფარმაცევტული კომპანიებიც, თუმცა ფაქტი ერთია, საუბართან ერთად ფასები მხოლოდ და მხოლოდ იზრდება. 2011 წლიდან საქსტატის მონაცემებით სისხლძარღვთა გამაფართოებელი მედიკამენტების ფასი 105 პროცენტით, ტკივილგამაყუჩებელი მედიკამენტები 60 პროცენტით, ხოლო ანტიბიოტიკები 78 პროცენტით გაიზარდა. როგორც...

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა

„2021-2026 წლებში მშპ 60%-ით გაიზრდება და 6782 აშშ დოლარი გახდება“ - მიხეილ დუნდუა
access_time2021-04-13 18:30:53
„სავალუტო ფონდის პროგნოზით საქართველოს მიმდინარე ანგარიშის დეფიციტი 2021 წლიდან გაუმჯობესდება, 2022 წელს 7.98%_მდე დაიწევს, 2024 წლიდან კი 6%_ს ჩამოცდება და 2026 წლისთვის 5.56%_მდე შემცირდება. ერთ სულ მოსახლეზე მშპ აშშ დოლარში 2021-2026 წლებში 60%_ით გაიზრდება და ერთ სულზე 6782 აშშ დოლარი გახდება“ - ამის შესახებ საქართველოს ფინანსთა მინისტრის მოადგილე მიხეილ დუნდუამ „კომერსანტთან“ განაცხადა. მიხეილ დუნდუას განცხადებით, საერთაშორისო სავალუტო ფონდის...

13 აპრილი - რეგიონში მხოლოდ ქართული ლარი გაუფასურდა

13 აპრილი - რეგიონში მხოლოდ ქართული ლარი გაუფასურდა
access_time2021-04-13 18:00:28
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 13 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 15 პუნქტით გაუფასურდა. შედარებისთვის, დაახლოებით 68 პუნქტით არის გაუფასურებული თურქული ლირა, სომხური დრამი 16 პუნქტით გაუფასურდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 13 აპრილის ვაჭრობის შედეგად (რომლის ოფიციალური კურსი 14 აპრილისთვისაა) ეროვნული...

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს

საქართველოს მთავრობა ლონდონის ბირჟაზე ახალი $500-მილიონიანი ევრობონდების განთავსებაზე განცხადებას აკეთებს
access_time2021-04-13 16:10:00
საქართველოს ფინანსთა სამინისტრომ, შერჩეულ საერთაშორისო და ადგილობრივ საინვესტიციო ბანკებთან (JP Morgan, Goldman Sachs, ICBC Standard, TBC Capital და Galt & Taggart), იურიდიულ მრჩევლებთან (Backer & McKenzie და BLC) და საერთაშორისო ფისკალურ აგენტთან (Citi) ერთად, დაასრულა ევრობონდების ლონდონის საფონდო ბირჟაზე განთავსებისთვის მოსამზადებელი ეტაპი. ინფორმაციას სამინისტრო ავრცელებს. „ტრანზაქცია დღეს ოფიციალურად გამოცხადდა Bloomberg-ის სავაჭრო პლატფორმაზე. 13 და 14...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-13 21:00:13
დღის Top 10 საინტერესო ამბავი: 1.„ნამახვანჰესის მოქმედი ხელშეკრულებით აშენება მიუღებელია“ - სოციალური სამართლიანობის ცენტრი მშენებარე ნამახვანჰესის გარშემო პროტესტი გრძელდება. აქტივისტები პროექტის სრულ გაუქმებას ითხოვენ. მოწინააღმდეგეთა ერთი ნაწილისთვის თავად ჰესი...


მსგავსი სიახლეები

up