„გარდიანი“ საქართველოში ლიცენზირებული პირველადი თავდაცვის საშუალებების მწარმოებელი კომპანიაა. ის 15 მარტს დაარსდა მას შემდეგ, რაც ქვეყანაში კორონავირუსის გავრცელების შედეგად სადეზინფექციო საშუალებები დეფიცტში აღმოჩნდა.
როგორც „კომერსანტს“ კომპანია „გარდიანის“ დირექტორმა ნიკოლოზ კენჭაძემ განუცხდა, მათი კომპანია წარმოადგენს covid19-თან ბრძოლისთვის აუცილებელი სადეზინფექციო საშაუალებების სრულ სპექტრს.
„როცა დავინახეთ, რომ ხსნარებთან ერთად სხვა პირველადი თავდაცვის საშუალებებზეც გაჩნდა მოთხოვნა, დავამატეთ Covid 19- თან ბრძოლისთვის ყველა საჭირო საშუალება.
გარდა ამისა ჩვენ შენობების დეზინფექციასაც ვახორციელებთ.“ - აღნიშნავს ნიკოლოზ კენჭაძე
ნიკოლოზ კენჭაძე განმარტავს, რომ მათ მიერ წარმოებული სადეზინფექციო ხსნარი არის სრულიად უსაფრთხო და მზადდება მსოფლიო ჯანდაცვის ორგანიზაციის ( WHO) რეცეპტით. მისივე განმარტებით სადეზინფექციო საშუალებების წარმოების მხრივ კომპანია „გარდიანი“ ქართულ ბაზარზე ერთ-ერთი ლიდერია.
„გარდიანს“ თბილისში სადეზინფექციო საშუალებების ერთი მაღაზია აქვს და ახორციელებს რეგიონალურ დისტრიბუციას.
გარდა ონლაინ ვაჭრობისა „გარდიანი“ დიდ კომპანიებთანაც თანამშრომლობს და მათ სადეზინფექციო ხსნარებით და სხვა პირველადი მოხმარების საშუალებებით ამარაგებს.
„მომხმარებლის მხრიდან დიდი დაინტერესებაა, ჩვენ ვთანამშრომლობთ ისეთ დიდ კომპანიებთან,როგორიც არის „აი-დი-ეს ბორჯომი საქართველო“ სუპერმარკეტების ქსელი „მაგნიტი“, აფთიქი PSP, მიკროსსაფინანსო ორგანიზაცია „კრისტალი“ აი-სი-არ ჯგუფი, „ბაზის ბანკი“ სადაზღვეო კომპანები „ირაო“ „არდი“ „ალდაგი“, „ჯი-პი-აი“ ასევე ვთანამშრომლობთ „სააქციო საზიგადოება თელსათან“ „სს საქკაბელთან.“ გარდა ამისა ჩვენი მომხმარებლები არიან კაფეები და რესტორნები.
ჩვენ ვცდილობთ, რომ გავფართოვდეთ რათა ადამიანები მაქსიმალურად იყვნენ დაცულები.
გარდა ამისა, ნებისმიერ ადამიანს შეუძლია ონლაინ რეჟიმში პროდუქციის შეკვეთა და ჩვენი კურიერი როგორც თბილისში, ასევე რეგიონის მასშტაბით ნებისმიერ ადგილზე მიაწვდის პროდუქციას.“ - აღნიშნავს ნიკოლოზ კენჭაძე.
კომპანია „გარდიანის“ საწარმო თბილისში მდებარეობს, როგორც ნიკოლოზ კენჭაძემ ჩვენთან საუბრისას აღნიშნა, იმ შემთხვევაში, თუ მომხმარებლის რაოდენობა გაიზრდება და მომხმარებელს პირველადი დაცვის საშუალებების გამოყენება ჩვევაში გადაუვა, კომპანია მაღაზიებს რეგიონებშიც დაამატებს.
„საწარმო გვაქვს თბილისში, უმაღლესი სტანდარტის საწარმოა, ყველა ნორმა დაცულია და შესაბამისად ხსნარის ხარისხზეც პასუხისმგებელი ვართ, ყველა რეკომენდაცია რაც დაავადებათა კონტროლის და საზოგადოებრივი ჯანმრთელობის ცენტრისგან ( NCDC) მივიღეთ, ეს რეკომენდაციები გაწერილია სპეციალურ SDS დოკუმენტში და ყველა ნაბიჯს ზედმიწევნით ვასრულებთ.
მიღებული რეგულაციებიდან გამომდინარე, დღესდღეობით პირბადე გახდა ყველაზე საჭირო ნივთი, ჩვენი კომპანია ითვალისწინებს ქვეყანაში არსებულ მდგომარეობას და მომხმარებელს პირბადეებს საქართველოში ყველაზე დაბალ ფასად 30 თეთრად სთავაზობს.
ჩვენი მიზანია, რომ მომხმარებელს ამ ნივთების მოხმარება ჩვევაში გადაუვიდეს, რადგან პირბადის გაკეთება ძალიან მნიშვნელოვანია,“ - ამბობს ნიკოლოზ კენჭაძე.
კომპანია „გარდიანში“ 12 ადამიანია დასაქმებული და მისი თავდაპირველი საინვესტიციო მოცულობა 50 000 ლარს შეადგენს.
თაკო კვაჭანტირაძე