„ჩვენ ვხედავთ რისკს, რომ პოლიტიკამ შესაძლოა, სტრუქტურულ რეფორმებსა და ბიზნესგარემოში პროგრესი გადაწონოს“ - Fitch Ratings საქართველოზე

„ჩვენ ვხედავთ რისკს, რომ პოლიტიკამ შესაძლოა, სტრუქტურულ რეფორმებსა და ბიზნესგარემოში პროგრესი გადაწონოს“ - Fitch Ratings საქართველოზე

access_time2022-08-01 19:00:00

საქართველო მეტად ექვემდებარება გეოპოლიტიკურ რისკებს, განსაკუთრებით იმ მოუგვარებელი, აფხაზეთისა და „სამხრეთ ოსეთის“ კონფლიქტების გათვალისწინებით, რომლებშიც რუსეთი მონაწილეობს. ამი შესახებ საერთაშორისო სარეიტინგო კომპანია Fitch Ratings-ის ანგარიშში არის ნათქვამი, რომელიც კომპანიის ვებგვერდზე გამოქვეყნდა.


Fitch წერს, რომ „ხელისუფლება რუსეთის მიმართ საერთაშორისო სანქციებს ახორციელებს, აკონტროლებს რუსეთის საკუთრებაში არსებული მსხვილი ბანკისა და მინერალური წყლის მსხვილი მწარმოებელი კომპანიის საკუთრების ცვლილებას. ამასთან, ეკონომიკური ურთიერთობები „რჩება აზრიანი,“ თუმცა კონფლიქტისადმი ხელისუფლების ნიუანსირებული მიდგომა, როგორც ჩანს, შიდა მოსახლეობის სეგმენტების მდგომარეობას ამძიმებს.


„პოლიტიკური ჩარჩო ჯანსაღი რჩება: საქართველომ ფისკალური დისციპლინის ძლიერ მაჩვენებელბს ჯერ კიდევ პანდემიამდე მიაღწია, რაც შემოსავლების მართვისა და სახელმწიფო საწარმოების საბიუჯეტო გამჭვირვალობას მოიცავს. ფისკალური პოლიტიკა შემოსავლების მეტად ძლიერი ზრდისა და ვალუტის სიმტკიცის ფონზე თანდათან მკაცრდება და ხელისუფლება აპირებს, დაუბრუნდეს ფისკალური წესების დაცვას, რაც 2023 წლისთვის მშპ-ის 3%-ზე დაბალ დეფიციტს მოითხოვს. არის გარკვეული მცდელობები საექსპორტო ბაზრის დივერსიფიკაციისთვის, სადაც მიმდინარე წლის იანვარ-მაისში ყველაზე დიდ ბაზარს ჩინეთი წარმოადგენდა,“ - წერს Fitch.


ანგარიშის მიხედვით, საქართველოს ეროვნული ბანკის (სებ) პოლიტიკა „არის ფხიზლად“ და მან საშუალება მისცა ლარს, ემოქმედა, როგორც „ბუნებრივ ამორტიზატორს“ და არ ჩაერია ვალუტის შესუსტების პროცესში, რომელიც თებერვლის ბოლოდან 11,5%-ით გაიზარდა. სებ-მა გაზრდილი ინფლაციის საპასუხოდ პოლიტიკის განაკვეთი 50 საბაზისო პუნქტით, 11%-მდე გაზარდა.


ამასთან, Fitch ეკონომიკური ზრდის მკვეთრ აღდგენას ტურიზმის რიცხვის სოლიდურ მატებას უკავშირებს, რაც მიმდინარე წლის პირველ ნახევარში, 2021 წლის ანალოგიურ პერიოდთან შედარებით, 234.5%-ით გაიზარდა. ასევე, საზოგადოებრივი მოხმარების სატაბილურობის, პოზიტიური სუფთა ექსპორტისა და ფულადი გზავნილების შედეგად Fitch მიმდინარე წელს მშპ-ის რეალურ ზრდას 10.9%-ით პროგნოზირებს.



„პოზიტიური ზემოქმედება პირად მოხმარებაზე, ასევე, ექსპორტის სტაბილური მოთხოვნა და ტურიზმის მუდმივი აღდგენა ხელს შეუწყობს ზრდის 5.3%-ზე შენარჩუნებას 2023 წელს, ხოლო 4.7%-ზე 2024 წელს,“ - წერია ანგარიშში.


Fitch-ის შეფასებით, ე.წ. გადახურების გარკვეული რისკი უძრავი ქონების სექტორში შეიმჩნევა, რაც გაყიდვა-გაქირავების ფასების მნიშვნელოვანი ზრდით არის გამოწვეული.


მმართველობის ინდიკატორების მხრივ, საქართველოს მაჩვენებელი, Fitch-ის შეფასებით, ერთ-ერთი ყველაზე მაღალია „BB“ რეიტინგის კატეგორიაში, თუმცა ქულები ბოლო წლებში მცირდება. არსებობს პოლიტიკური რისკები, რომლებიც 2024 წლის მოახლოებულ არჩევნებთან არის დაკავშირებული, რაშიც რუსეთთან და ევროკავშირთან ურთიერთობა გამყოფი საკითხებია.


„ჩვენ ვხედავთ რისკს, რომ პოლიტიკამ შესაძლოა, დროთა განმავლობაში სტრუქტურულ რეფორმებსა და ბიზნესგარემოში პროგრესი გადაწონოს,“ - წერს სარეიტონგო კომპანია.


bpn.ge




თეგები:
Fitch Ratings



ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...

რის ხარჯზე გაიზარდა მშენებლობის ღირებულების ინდექსი?

რის ხარჯზე გაიზარდა მშენებლობის ღირებულების ინდექსი?
access_time2022-10-04 14:00:18
აგვისტოში მშენებლობის ღირებულების ინდექსი წინა თვესთან შედარებით 0.05 პროცენტით გაიზარდა. აღნიშნულის სესახებ ინფორმაციას „საქსტატი“ ავრცელებს.  სტატისტიკის ეროვნული სამსახურის მონაცემებით, აღნიშნული ცვლილება, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 3.2 პროცენტიანი ზრდით, რამაც 0.58 პროცენტული პუნქტი შეიტანა ჯამური ინდექსის ცვლილებაში. 2022 წლის თებერვალთან შედარებით...


მსგავსი სიახლეები

up