„ჩვენ უნდა ვიზრუნოთ,რომ ყველა იყოს დასაქმებული, თუნდაც ხუთი დღე კვირაში“

„ჩვენ უნდა ვიზრუნოთ,რომ ყველა იყოს დასაქმებული, თუნდაც ხუთი დღე კვირაში“

access_time2019-12-14 10:00:30

„ნებისმიერი წარმატებული კომპანიისთვის ღირსეული სამუშაო პირობების შექმნა ერთ-ერთი მთავარი პრიორიტეტია. დღევანდელი მენეჯმენტი ხვდება,რომ კმაყოფილი დასაქმებული ნიშნავს, კმაყოფილ მომხმარებელს. ამ მიმდგომით მიმდინარეობს ის სამუშაოები,რაც შემდგომში ქმნის ღირსეულ და კომფორტულ სამუშაო გარემო პირობებს“–ამის შესახებ რადიო „კომერსანტის“ გადაცემაში „პროფესიონალები“ „ეიჩარ პროფესიონალთა გილდიის“ აღმასრულებელმა დირექტორმა ლილი ბიბილაშვილმა და „დიო“-ს გენერალურმა დირექტორმა ირმა დაუშვილმა ოთხდღიან სამუშო კვირის შესახებ ინიციატივის განხილვისას ისაუბრეს.


ირმა დაუშვილის განცხადებით, კომპანია „დიო“ 23 წელია საქართველოს ბაზარზეა, გუნდში არიან ადამიანები,რომლებიც 22 წელია მუშაობენ. „ეს კი იმედს გვაძლევს,რომ კომპანია პირველ რიგში, სტაბილურობის შეგრძნებას ტოვებს დასაქმებულებში. ვფიქრობ, ეს ერთ-ერთი მნიშვნელოვანი საკითხია, ინფრასტრუქტურასთან, კომფორტულ პირობებთან ერთად. ჩვენ ვზრუნავთ,რომ ყოველთვის განახლებული იყოს თანამედროვე ინვენტარით ჩვენი საოფისე ფართი. ამასთანავე, ვზრუნავთ თანამშრომლების კვალიფიკაციის ამაღლებაზე და მაღალკვალიფიციური თანამშრომლების შემოერთებაზე“–აღნიშნავს დაუშვილი.


მისივე განმარტებით, კომპანიის წარმატებისთვის ასევე მნიშვნელოვანია მენეჯმენტსა და დასაქმებულს შორის ურთიერთდამოკიდებულება.„გვინდა,რომ ეს დამოკიდებულება ნდობაზე იყოს აგებული. ვცდილობთ თანამშრომლებს შორის ურთიერთობის გაღრმავებას, არ ვნერგავთ შიდა კონკურენციას და გვინდა მათ მეგობრული ურთიერთობა ჰქონდეთ,“- ამბობს ირმა დაუშვილი.


მისი აზრით, ქვეყნის ეკონომიკური მდგომარეობა განაპირობებს სახელფასო კომპონენტში ცვლილებებს, რაც ინფლაციის პირობებში, რთულად განსახორციელებელია.


„ჩვენი კომპანიის ხელფასები გათანაბრებულია ბაზარზე არსებულ საშუალო ხელფასთან და ზოგ პოზიციაზე შეიძლება უფრო მაღალიც იყოს. თუმცა,როდესაც ხელფასების მომატებაზე მიდის საუბარი, ჩვენი კომპანიის მაგალითზე,რომელიც უშვებს პროდუქციას, რთულდება ამ საკითხზე საუბარი, განსაკუთრებით თუ მოსახლეობა არ არის მსყიდველუნარიანი. ინფლაციის პარალელურად, გაძვირდა პროდუქტი, ჩვენი კომპანია იმპორტზეა დამოკიდებული, მარჟები ძალიან შეგვიმცირდა,“- ამბობს ირმა დაუშვილი.


რაც შეეხება ინიციატივას 4 დღიანი სამუშაო კვირის შესახებ, დაუშვილი აცხადებს,რომ უფრო მოკლე სამუშაო კვირაში დამსაქმებელი დასაქმებულისგან მეტ შედეგსა და პროფესიონალიზმს ელის.


იძულებითი ფორმა ყოველთვის უკურეაქციას იწვევს, საჭიროა საინფორმაციო სამუშაოები ჩატარდეს,სანამ სახელმწიფო რაიმეს დანერგავს. ჩვენ გვაქვს წარმოება და ვემსახურებით მოსახლეობას. 4 დღიანი სამუშაო გრაფიკი ჩვენთვის მოუხერხებელი მგონია, მაღალტექნოლოგიური წარმოება საქართველოში ჯერჯერობით არ არის,საუბარია, ძალიან ძვირადღირებულ დანადგარებზე, საქართველოს ბაზარი კი ამისთვის მზად არ არის.


4 დღიანი სამუშაო გრაფიკი მოიცავს გაზრდილ მოთხოვნას თანამშრომლის კვალიფიკაციასა და დროის მენეჯმენტთან დაკავშირებით. აუცილებლად უნდა ვისაუბროთ პროფესიულ განათლებაზე. პროფესიულ სასწავლებლებს დღეს ძალიან სჭირდებათ დახმარება, მიდის ამ მიმართულებით მუშაობა, თუმცა, ნელი ტემპით. უნდა აიწიოს განათლების დონე და საზოგადოების შინაგანი კულტურა, პასუხისმგებლიანად უნდა მოვექცეთ სამუშაოს,როგორც დასაქმებულის, ისე დამსაქმებლის მხრიდან, მივეჩვიოთ იმას,რომ სახელმწიფო არ არის განცალკევებული სტრუქტურა, სახელმწიფო ვართ ჩვენ, უნდა მოხდეს მენტალური ცვლილებები. რეგიონებში ხალხი არცერთი დღე არ მუშაობს, ეს უფრო დიდი პრობლემა მგონია. ჩვენ უნდა ვიზრუნოთ,რომ ყველა იყოს დასაქმებული თუნდაც, ხუთი დღე კვირაში.“- ამბობს ირმა დაუშვილი.


როგორც ცნობილია,იაპონიაში, კორპორაცია „Microsoft“- ში სიახლის დანერგვას ცდილობენ. ექსპერიმენტი ოთხდღიან სამუშაო კვირას გულისხმობს, შედეგად თანამშრომლების პროდუქტიულობა და გაყიდვები დაახლოებით 40%-ით გაიზარდა. ოთხ დღიანი სამუშაო კვირის შემოღების შემდეგ, ოფისში ელექტროენერგიის ხარჯი 23%-ით, ხოლო ქაღალდის 59%-ით შემცირდა.


ნათია კეკენაძე 





ირაკლი ყიფიანი: „ოჯახების მხარდაჭერა უნდა გამოიხატოს თანხის და არა ვაუჩერების გადაცემით“

ირაკლი ყიფიანი: „ოჯახების მხარდაჭერა უნდა გამოიხატოს თანხის და არა ვაუჩერების გადაცემით“
access_time2020-04-08 15:00:14
COVID-19-ით გამოწვეული ეკონომიკური კრიზისით მიღებულ ზარალთან გასამკლავებლად, ეკონომისტმა ირაკლი ყიფიანმა ანტიკრიზისული გეგმის პროექტი წარადგინა, რომელიც ადამიანების, ოჯახების მხარდაჭერასა და ხელშეწყობაზე გულისხმობს. გეგმის მიხედვით, ოჯახების მხარდაჭერა უნდა გამოიხატოს თანხის, და არა ვაუჩერების გადაცემით, რათა მოქალაქეებს ჰქონდეთ თავისუფლება, თავად გადაწყვიტონ, დაფარავენ კომუნალურ გადასახადს, შეიძენენ საკვებს, მედიკამენტებს თუ სხვა პროდუქტებს....

მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა

მთავრობის გადაწყვეტილებით, საგანგებო მდგომარეობის დროს ეკონომიკური საქმიანობის ჩამონათვალი გაფართოვდა
access_time2020-04-08 15:00:32
მთავრობის გადაწყვეტილებით, გაფართოვდა იმ ეკონომიკური საქმიანობის ჩამონათვალი, რომელსაც საგანგებო მდგომარეობის პერიოდში, ფუნქციონირება არ ეზღუდება. ინფორმაცია „საკანონმდებლო მაცნეში“ გამოქვეყნდა. მთავრობის №222 დადგენილების თანახმად , ცვლილება შედის 2020 წლის 23 მარტის №181 დადგენილებაში, რომელიც საგანგებო მდგომარეობის პერიოდში ეკონომიკური სუბიექტების საქმინობას...

ლაშა პაპაშვილი „რედიქს ჯგუფის“ მიმდინარე ობიექტების კონსერვაციის გეგმაზე მუშაობს

ლაშა პაპაშვილი „რედიქს ჯგუფის“ მიმდინარე  ობიექტების კონსერვაციის გეგმაზე მუშაობს
access_time2020-04-08 13:00:51
ლაშა პაპაშვილი იმ  მიმდინარე ობიექტების კონსერვაციის გეგმაზე მუშაობს, რომელსაც საინვესტიციო კომპანია „რედიქს ჯგუფი“ ახორციელებს. ამის შესახებ ბიზნესმენმა „კომერსანტს“ თავად განუცხადა. მისი განმატებით, მათ შორისააა, თბილისში Hilton-ის ბრენდის პირველი სასტუმრო, რომლის გახსნის თარიღმაც ორჯერ გადაიწია. „ჭავჭავაძეზე უნდა გაგვეხსნა Hilton-ი,მაგრამ მასთან ერთად ყველაფერი შევაჩერეთ და კონსერვაციის გეგმაზე ვმუშაობთ. პირველივე დღეებში მოგვიწია „კლუბი 71“-ის...

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...


მსგავსი სიახლეები

up