ჩვენ უკეთესი სატარიფო შეთავაზებები გვაქვს - ელექტროსკუტერების ბაზარზე მაღალი კონკურენციაა

ჩვენ უკეთესი სატარიფო შეთავაზებები გვაქვს - ელექტროსკუტერების ბაზარზე მაღალი კონკურენციაა

access_time2020-10-01 12:00:17

„რაც  უფრო მეტი კონკურენტი გამოჩნდება ეს ჩვენთვისაც და ქალაქისთვისაც უფრო  კარგი იქნება , რადგან ქალაქს ველობილიკებიც ემატება და შედეგად ეკოლოგიური მდგომარეობაც გაუმჯობესდება“ - ასე  გამოეხმაურა ელექტროსკუტერების გაზიარების სერვისის „სქროლის“ ბიზნესგანვითარების მიმართულების ხელმძღვანელი დანიელ დოინიცინი  ბაზარზე  ორი კონკურენტის kicky-ს და „ტრენდის“ გამოჩენას.


ელექტროსკუტერების გაზიარების სისტემა „სქროლი“, დედაქალაქში კორონავირუსის პანდემიის პირობებში, პირველად 27 აპრილს გამოჩნდა და საზოგადოებრივი ტრანსპორტის შეზღუდვის გამო, ბევრისთვის სხვა ტრანსპორტის  ალტერნატივად იქცა.


დანიელ დოინიცინის თქმით, „სქროლი“ საქართველოში პირველი და ყველაზე მასშტაბური გაზიარების სერვისია და ლიდერ პოზიციებს დღემდე ინარჩუნებს.


„ჩვენ თავიდანვე ყველაზე მასშტაბური პროექტი  ვიყავით, საქართველოში ასეთი მასშტაბური გაზიარების სერვისი არასდროს ყოფილა, პირველები ჩვენ ვიყავით.  ამ მომენტისთვის ვინარჩუნებთ და მომავალშიც შევინარჩუნებთ ლიდერის  პოზიციას მიკრომობილობის ინდუსტრიაში.


ეს ორი კომპანია, „კიქი“ და „ტრენდი“  ჩვენი კონკურენტები არ არიან.  სავარაუდოდ,  კიდევ გამოჩნდებიან სხვა კონკურენტებიც, ეს ის სექტორია,  რომელსაც მომავალი  აქვს“ -  აღნიშნავს დანიელ დოინიცინი.


მანვე ხაზი გაუსვა, რომ უფრო და უფრო მეტი ადამიანი ირჩევს „სქროლის“ სერვისს და მათ ელექტროსკუტერებს აქტიურად იყენებენ ბათუმშიც, სადაც ამჟამად სატრანსპორტო გადაადგილება შეზღუდულია.



 „ჩვენ ფასი არ შეგვიცვლია  პირიქით, ლოიალობის პროგრამები დავამატეთ - ვინც  ხშირად მოიხმარს ჩვენს მომსახურებას, მათთვის  „სქროლით“ მოძრაობა უფრო იაფია. დავამატეთ ახალი ფუნქცია, რომ ერთი აპლიკაციით  მეგობრებთან ერთად იმგზავრონ“ -  აღნიშნავს დოინიცნი.


რას აკეთებს ამ მიმართულებით ბაზარზე „Kicky და შეძლებს თუ არა ის, თავისი სერვისებით კონკურენცია გაუწიოს უკვე კარგად დამკვიდრებულ „სქროლს“?


“Kicky” – ის დირექტორმა ნიკო პაპაშვილმა აღნიშნა, რომ თითქმის ნახევარი წელია რაც სკუტერები საქართველოში ჩამოიყვანეს, თუმცა გარკვეული შეფერხებების გამო ქალაქში მოგვიანებით გამოჩნდნენ. რაც  შეეხება კონკურენციას,  Kicky სკუტერების  გაზიარების სხვა კომპანიებს კონკურენტებად არ თვლის და მათ პარტნიორებს უწოდებს ეკოლოგიური მდგომარეობის გაუმჯობესების საქმეში.


„სხვა კომპანიებს კონკურენტებს ვერ დავარქმევ, რადგან ერთ საქმეში ვართ ჩართულები და ერთი მიზანი გვაქვს.  რაც შეეხება მუშაობას, მე როგორც ვატყობ, თანაბრად ვმუშაობთ,  ყველას მოსწონს ეს სერვისი და  ყველას  თავისი მომხმარებელი  ჰყავს.“ -  აღნიშნავს ნიკო პაპაშვილი.  


კომპანია Kicky-ის ამ ეტაპზე 150 სკუტერი ჰყავს და ოქტომბრის ბოლომდე სკუტერების  რაოდენობის გაზრდას 300-მდე აპირებს. როგორც ნიკო პაპაშვილი ამბობს, პანდემიის გამო, სკუტერების შემოყვანა დროებით შეყოვნდა, რადგან ისინი ჩინეთიდან შემოჰყავთ და მწარმოებელსაც დაახლოებით 2 თვე სჭირდება პროდუქტის დასამზადებლად.


„ამჟამად  150 ცალი  სკუტერი გვყავს  და ოქტომბრის  ბოლოსკენ ველოდებით, რომ რაოდენობა 300-მდე გავზარდოთ. პანდემიიდან  გამომდინარე ხელი შეგვშალა, მწარმოებელიც  დატვირთულია, დაახლოებით 2 თვე სჭირდება დამზადებისთვის.


 მომხმარებელთა აქტივობით  კმაყოფილები ვართ,  გეგმებში  გვაქვს, რომ პირველ რიგში  ბათუმი და ქუთაისი დავამატოთ და შემდეგ პატარა  ქალაქების  დამატებასაც ვაპირებთ.“ - ნიკო პაპაშვილი.


ნიკო პაპაშვილმა „კომერსანტთან“ Kicky-ის ტარიფებზეც ისაუბრა და აღნიშნა, რომ მომხმარებელს “scroll” - ისგან განსხვავებულ ტარიფებს სთავაზობს.


„ჩვენ ტარიფების უფრო დიდი არჩევანი გვაქვს, ვიდრე scroll- ს და ტრენდს,  ჩვენთან  წუთი 30 თეთრი ღირს, ასევე გვაქვს  საათობრივი პაკეტიც , საათი 15 ლარად.   ასევე, მას შემდეგ  რაც  დავამატეთ  გარბენის პაკეტი,  კილომეტრი ღირს 1 ლარი“ -  ნიკო პაპაშვილი.

 

თაკო კვაჭანტირაძე






არჩევნებში მონაწილეობა 1 970 540-მა ამომრჩეველმა მიიღო - ცესკო

არჩევნებში მონაწილეობა 1 970 540-მა ამომრჩეველმა მიიღო - ცესკო
access_time2020-10-31 22:10:40
ცენტრალური საარჩევნო კომისიის (ცესკო) პრეს-სპიკერმა ანა მიქელაძემ მედიას კენჭისყრის პროცესის დასრულების შესახებ ინფორმაცია გააცნო. 20:00 საათზე დაიხურა საარჩევნო უბნები, ხოლო გარკვეულ უბნებზე რიგში მყოფ ამომრჩევლებს კანონმდებლობის მიხედვით, მიეცათ შესაძლებლობა მიეღოთ არჩევნებში მონაწილეობა და გამოეხატათ საკუთარი კონსტიტუციური ნება. რაც შეეხება სტაციონარულ სამკურნალო დაწესებულებებსა და იზოლაციაში მყოფი ამომრჩევლებისთვის შექმნილ 127 სპეციალურ უბანს, 311-ვე...

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა

ოთხმა ტელეკომპანიამ საარჩევნო ეგზიტპოლების შედეგები გამოაქვეყნა
access_time2020-10-31 20:15:29
ხმის მიცემის პროცედურის დასრულებისა და საარჩევნო უბნების დახურვის შემდეგ, ოთხმა ტელეკომპანიამ ეგზიტპოლების შედეგები გამოაქვეყნა. საზოგადოებრივი კვლევების ორგანიზაცია Public Opinion Strategies ეგზიტპოლის შედეგებს აქვეყნებს, რომელიც ტელეკომპანია „იმედის“ დაკვეთით ჩატარდა. 2020 წლის საპარლამენტო არჩევნების 18:00 საათის მონაცემებით, Public Opinion Strategies ეგზიტპოლის შედეგები შემდეგნაირად გადანაწილდა:„ქართული ოცნება“-55.0%; „ნაციონალური მოძრაობა“- 23.0%,...

საქართველოში საარჩევნო უბნები დაიხურა

საქართველოში საარჩევნო უბნები დაიხურა
access_time2020-10-31 20:00:04
საქართველოს მასშტაბით არსებულ ყველა საარჩევნო უბანზე ხმის მიცემის პროცესი შეწყდა. საარჩევნო უბნები ზუსტად 20:00 საათზე დაიხურა. ახლა ხმის დათვლის პროცედურები იწყება. მას შემდეგ, რაც საუბნო შემაჯამებელი ოქმები შედგება, მათ საოლქო საარჩევნო კომისიები ცესკოს უმოკლეს ვადაში მოაწვდის და მიღებისთანავე, სპეციალურ ვებ-გვერდზე results.cec.gov.ge აიტვირთება. დღეს საქართველოს ამომრჩეველი მე-10 მოწვევის პარლამენტს ირჩევდა. 150 წევრიან პარლამენტში 120 პროპორციული...

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა

პირველი არხის სერვერებზე კიბერშეტევა განხორციელდა, რის გამოც მაუწყებლობა გაითიშა
access_time2020-10-31 18:41:27
პირველადი ინფორმაციით, ცოტა ხნის წინ საქართველოს პირველი არხის სერვერებზე განხორციელდა კიბერშეტევა, რის გამოც მაუწყებლობა გაითიშა. ამის შესახებ ინფორმაციას თავად საზოგადოებრივი მაუწყებელი ავრცელებს.   მათივე განცხადებით, სავარაუდოდ, კიბერშეტევის შედეგად, დაზიანდა ცენტრალური სასერვერო. მიმდინარეობს სარეზერვო სისტემაზე გადასვლა.

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი

ვინც არ უნდა იყოს მმართველ გუნდში, მას სერიოზული სოციალური ვალდებულებები დაეკისრება - ირაკლი იაშვილი
access_time2020-10-31 16:30:39
„მაქსიმალურად, ბოლო წვეთამდე უნდა ეცადოს ახალი ხელისუფლება, რომ ლოქდაუნი არ გამოაცხადოს ქვეყანაში იმიტომ, რომ ვერ გაუძლებს ქვეყანა. მოგვიწევს ვისესხოთ ფული და ისეთი ძვირი დაგვიჯდება მორიგი ლოქდაუნი, ამის წარმოდგენაც არ მინდა,“ - ამის შესახებ „კომერსანტთან“ East Gate Group-ის სამეთვალყურეო საბჭოს ხელმძღვანელმა, ბიზნესმენმა ირაკლი იაშვილმა ისაუბრა. არჩევნების შემდეგ მმართველი გუნდის მთავარ გამოწვევას ისევ COVID 19-თან ბრძოლა წარმოადგენს. „კომერსანტი“ დაინტერესდა რა ძირითადი...


მსგავსი სიახლეები

up