„შეგვიძლია ფოთს ფუნქცია დავუბრუნოთ„ - რას გულისხმობს ევროკავშირთან სამგზავრო მიმოსვლის იდეა?

„შეგვიძლია ფოთს ფუნქცია დავუბრუნოთ„ - რას გულისხმობს ევროკავშირთან სამგზავრო მიმოსვლის იდეა?

access_time2021-03-16 12:00:05

      წლების წინ, ნიკო ნიკოლაძე იყო ადამიანი, ვინც ფოთის ნავსადგურის უკონკურენტო სატრანსპორტო მნიშვნელობა წინ წამოწია მაშინვე, როგორც კი ქალაქის მმართველობას ჩაუდგა სათავეში. ტექნიკური პროგრესის მამამთავრად წოდებულმა ნიკო ნიკოლაძემ მილიონერ ინჟინერ პალაშკოვთან ერთად 1867-1874 წლებში ააგო თბილისი-ფოთის რკინიგზა, რომელიც პირველი აღმოჩნდა ამიერკავკასიაში. იგი  ამისთვის დაჯილდოვდა ოქროს ჟეტონით, რომელიც უფლებას აძლევდა, უფასოდ ემოგზაურა რუსეთის ნებისმიერი რკინიგზით. ნიკოლაძის ხედვა ფოთის პორტის განსაკუთრებულ სატრანსპორტო მნიშვნელობასთან დაკავშირებით, დღესაც არ კარგავს აქტუალობას. ყოფილმა დეპუტატმა და „ლელოს“ ყოფილმა წევრმა, ლევან კობერიძემ ფოთის პორტიდან ევროპის მიმართულებით სატრანსპორტო გადაადგილების საკითხი დეპუტატობის დროს, არაერთხელ დააყენა მთავრობასთან. იგი მიიჩნევს, რომ ფოთის პორტი, რომელსაც წლებია ფუნქცია დაკარგული აქვს, შესაძლებელია გახდეს მთავარი დამაკავშირებელი ხიდი ევროკავშირსა და კავკასიის რეგიონს შორის და ამისთვის სწორი ლოგისტიკური კურსის აღება დღეს ისეთი სასიცოცხლოა, როგორც არასდროს.



  სომხეთ-აზერბაიჯანის კონფლიქტის დასრულების შემდეგ, ძალიან მნიშვნელოვანი ცვლილებები იგეგმება რეგიონული მასშტაბით, მოხდება სატრანსპორტო დერეფნების მნიშვნელოვანი სახეცვლილება. ვხედავთ, რომ თურქეთმა ძალიან გააძლიერა თავისი პოზიციები ამიერკავკასიაში. ამას ემატება ის, რომ რუსეთი მნიშნელოვანი შეთანხმების გარანტორი გახდა. არის რისკი, რომ საქართველო შეიძლება გახდეს არა სატრანსპორტო ჰაბი, არამედ რაღაც ჩიხის მდგომარეობაში შეიძლება აღმოვჩნდეთ და ტვირთს დიდი გადანაწილება მოხდეს ჩვენი გვერდის ავლით. საქართველოს მკაფიოდ უნდა ჰქონდეს გამოხატული საკუთრი პოზიციონირება ლოგისტიკური ნაკადების თვალსაზრისით. გვაქვს პლიუსები, რასაც არ ვიყენებთ - ესენია ასოცირების ხელშეკრულება, უვიზო მიმოსვლა და გეოპოლიტიკური მდებარეობა, შავ ზღვაზე არსებული პორტები, რომლითაც ჩვენ შეგვიძლია ევროპის ქვეყნებს - ბულგარეთს, რუმინეთს პირდაპირ დავუკავშრიდეთ, ვგულისხმობ სამგზავრო მიმოსვლას. სატვირთო მიმოსვლა, რაც არსებობს, არ არის საკმარისი და არ არის ის მოცულობა, რისი პოტენციალიც გვაქვს.

ჩვენ შეგვიძლია საქართველო გახდეს მთავარი დანიშნულების წერტილი, რომელიც იქნება დამაკავშირებელი ევროპასთან. ასეთი რამე ჩვენს რეგიონში სხვას ვერ ექნება თურქეთის გარდა. თურქეთი ამ მხრივ გარკვეულწილად კონკურენტია,  განმარტავს ლევან კობერიძე.



კითხვაზე, რამდენად არის დღეს საბორნე მიმოსვლაზე მოთხოვნა, რა დროში და ფასად შეიძლება ამ ინიციატივის ხორცშესხმა, კობერიძე აღნიშნავს, რომ საქართველო დღეს საავიაციო მიმართულებას დაბალბიუჯეტიანი ავიაკომპანიების შემოყვანით ავითარებს, პოსტპანდემიურ პერიოდში კი განსაკუთრებით საჭირო ხარჯეფექტიანი მოგზაურობა იქნება. სწორი დაგეგმარების შემთხვევაში, მგზავრების ბორნით გადაადგილება ფოთიდან რუმინეთისა თუ ბულგარეთის მიმართულებით შესაძლოა 50 ევროს არ აღემატებოდეს.




პანდემიამდელი მიმოსვლის სტატისტიკა რომ ავიღოთ, ავიამიმოსვლებზე  მოთხოვნა ძალიან დიდია და დაბალბიუჯეტური კომპანიების შემოსვლაც ამაზე მიანიშნებს. ასევე, ავიაბილეთის საშუალო ფასი 300-400 ევროს უტოლდება, ზღვით მიმოსვლის შემთხვევაში ეს ფასი შეიძლება 50 ევროს არ აღემატებოდეს.  ეს არის ყველაზე დიდი კონკურენტული უპირატესობა და შესაბამისად არსებული ნაკადის გადმონაწილების და ახალი მგზავრთანაკადების გაჩენის წინაპირობა. ასეთი მიმოსვლის დროს შესაძლებელია, რომ საკუთარი მანქანით ჩავიდეს ადამიანი ევროპაში. პოსტპანდემიის პერიოდში მნიშვნელოვანი იქნება ხარჯეფექტიანი მოგზაურობა. შეიძლება ამ მხრივ ძალიან კარგი როლი ითამაშოს საბორნე მიმოსვლამ.  მთელი ხმელთაშუა ზღვის სივრცე ამ სისტემით მუშაობს.


ფოთისთვის, რომელსაც ამდენი ხანია ფუნქცია ვერ მოეძებნა და მისი როლი დაპაუზებულია, ეს იქნებოდა საშუალება, რომ გახდეს საქართველოსა და კავკასიასთან შეხების პირველი წერტილი. ეს იქნება პირდაპირ ევროპაში გახსნილი საზღვაო კარი. ფოთი არის ზუსტად ის წერტილი, სადაც შეიძლება ცალკე ტერმინალი გაკეთდეს სამგზავრო მიმოსვლისთვის. ეს არ იქნება ადვილი საქმე, მაგრამ იმედი მაქვს, რუმინეთი და ბულგარეთიც დაინტერესებული იქნებიან ამ საკითხით.


მსგავსი თემის წამოწევის მცდელობები ადრეც იყო როგორც მახსოვს , თუმცა გარკვეული პიროვნებების ლობიზმმა თურქეთის მიმართულებით, დაბლკა  მსგავსი პროექტი. აქ ავიაკომპანიების თემაც მნიშვნელოვნად იკვეთება, რადგან ნაკადების განაწილებაში ვიღაცისთვის ავიაკომპანიას უპირატესობა უნდა ჰქონდეს და არ გამოვრიცხავ, რომ ამ პროექტების განხორციელებას გარკვეული კორუფციული გარიგებები უშლის ხელს,  ამბობს ლევან კობერიძე.



„კომერსანტი“ სფეროს ექსპერტების პოზიციით დაინტერესდა, როგორც ტრანსპორტისა და ლოგისტიკის სპეციალისტი თორნიკე ბახტაძე განმარტავს, მსგავსი მარშრუტის განხორციელებისთვის ყველაზე ოპტიმალური ვარიანტი ფოთი - კონსტანტას ტურისტული მარშრუტი შეიძლება იყოს ისეთივე ჰიბრიდული ბორნით, როგორიც ამჟამად საბერძნეთი - იტალიის გზაზე გამოიყენება.



„ახლა  ფოთიდან რამდენიმე სატვირთო ბორანი დადის  უკრაინისა და ბულგარეთის მიმართულებით, მაგრამ ისინი საკმაოდ მოძველებულია. დადის ის ბორანი, რომელიც 90-იან წლებში გადაადგილდებოდა და მასშუ  ჩვეულებრივი მგზავრი ან მსუბუქი მანქანა ვერ შევა. ბორანი შეიძლება იყოს არა მხოლოდ სატვირთო, არამედ ჰიბრიდული სახის -  როგორიც  დადის საბერძნეთი-იტალიის მარშუტზე და ჰქვია სწრაფმავალი ბორანი. მსგავს გემებს  როგორც მგზავრი გადაჰყავს, ასევე შეუძლია სატვირთო ან მსუბუქი მანქანის გადაყვანა. დავუშვათ სახელმწიფომ ამაში ინვესტირება გააკეთა - პოტენციალი არის ის, რომ ფაქტობრივად პირდაპირი მარშუტი გაქვს ევროპაში. ყველაზე ოპტიმალური არის რუმინეთის მიმართულება, კერძოდ პორტი კონსტანტა. ეს მანძილი ზღვით დაახლოებით 1300 კილომეტრია, ამ მანძილის დაფარვას 24-48 საათამდე სჭირდება, კარგი ამინდის შემთხვევაში. ახლა სატვირთო კუთხითაც ფოთი ყველაზე ნაკლებად გამოიყენება, რადგან ეს ტრეფიკი იფარება თურქეთის მიმართულებით განხორციელებული ტვირთგადაზიდვით. ამის გამოყენება ძალიან კარგად შეიძლება. ყველას ეცოდინება, რომ ევროკავშირიდან საქართველოში სულ რაღაც 24 საათში შეიძლება გადაადგილება,“ - განმარტავს თორნიკე ბახტაძე.

 







14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...

Forbes: მიშვებული კონფლიქტი ისრაელს და პალესტინას შორის

Forbes: მიშვებული კონფლიქტი ისრაელს და პალესტინას შორის
access_time2021-05-14 18:00:05
ერთხელ ისრაელის პრემიერ-მინისტრის არიელ შარონის ერთ-ერთმა მრჩეველმა ცხელ გულზე განაცხადა - „იერუსალიმში ვაშინგტონის ნებართვის გარეშე ტუალეტსაც კი ვერ ჩადგამ“.   გარკვეულწილად ეს ასეც არის, თუმცა, გასაგებია რატომაც - იერუსალიმის საკითხი ისრაელის შიდა საქმეების კატეგორიას კარგა ხანია გასცდა და ის მთელს მსოფლიო პოლიტიკაზე მოქმედებს.   რეალურ ცხოვრებაში, ამ ქალაქის ერთიანი სტატუსის მიუხედავად, რამდენიმე, განცალკევებული და თითქმის ავტონომიური...


მსგავსი სიახლეები

up