კიბერუსაფრთხოების ექსპერტი: წინა საარჩევნო პეიოდში, ჩვენი ჩრდილოელი მეზობელი აუცილებლად შეეცდება მედიას, პოლიტიკურ ორგანიზაციებს ზიანის მიაყენოს

კიბერუსაფრთხოების ექსპერტი: წინა საარჩევნო პეიოდში, ჩვენი ჩრდილოელი მეზობელი აუცილებლად შეეცდება მედიას, პოლიტიკურ ორგანიზაციებს ზიანის მიაყენოს

access_time2019-08-15 10:00:10

ტელეკომპანია პირველის,  რუსთავი 2-ის, თიბისი ბანკის  საქმეები - ეს იმ კიბედანაშაულებების მცირე ჩამონათვალია, რომელიც ბოლო რამდენიმე თვეში მოხდა. 2019 წელს კომპიუტერული დანაშაულების სტატისტიკა რეკორდულად არის გაზრდილი. საქართველოს შინაგან საქმეთა სამინისტროს ოფიციალურ მონაცემებზე დაყრდნობით, 2019 წლის მხოლოდ პირველ ექვს თვეში კიბერდანაშაულის 919 შემთხვევა დაფიქსირდა.



ოფიციალური სტატისტიკა:


2019 წლის იანვარ-ივნისში (პირველ 6 თვეში) დაფიქსირდა 919 შემთხვევა;


2018 წელს დაფიქსირდა 365 შემთხვევა;


2017 წელს დაფიქსირდა 506 შემთხვევა;


2016 წელს დაფიქსირდა 550 შემთხვევა;


 შინაგან საქმეთა სამინისტროს ოფიციალური მონაცემებითვე, გასულ წლებში კომპიუტერული დანაშაულების გახსნის მაჩვენებელი დაბალია. 2018 წელს დაფიქსირებული 365 დანაშაულიდან 41 შემთხვევა გაიხსნა. 2019 წლის პირველ ექვს თვეში დაფიქსირებული 919 დანაშაულიდან კი ჯერ მხოლოდ 47-ა გახსნილი. ეს დადგენილი დანაშაულის 5 პროცენტია.


კიბერუსაფრთხოების ექსპერტი ანდრო გოცირიძე კომერსანტთან კიბერდანაშაულის გახშირების მიზეზებზე საუბრობა:

 

„დანაშაულების სტატისტიკის ზრდა შეიძლება რამდენიმე მიზეზს გამოეწვია:

 

1.       კრიმინალურ სამყაროშიც წამოვიდა კომპიუტერულ ტექნოლოგიებში უფრო მეტად გაცნობიერებული ახალგაზრდა თაობა.

 

2.       შესაძლებელია უფრო მეტად ხდება დანაშაულის აღრიცხვიანობა, რადგან ცნობადობა გაიზარდა და მიმართვიანობაც უფრო მეტია.

 

3.       კიბერდანაშაული არის ერთ-ერთი ყველაზე რთულად გამოსაძიებელი დანაშაული. საქმეების გახსნის მაჩვენებელი დაბალია, შესაბამისად, ეს დამნაშავისთვის, კიდევ ერთი წამახალისებელია ფაქტორია იმისთვის, რომ დანაშაული ვირტუალურ სამყაროში განახორციელოს, რადგან ვირტუალური სამყარო ანონიმურობის შეგრძნებას ქმნის“.  

 


ანდრო გოცირიძე იმ სუბიექტურ და ობიექტურ მიზეზებს განმარტავს, თუ რატომ ვერ ახერხებენ ქართველი სამართალდამცველები კიბერდანაშაულის საქმეების გახსნას.

 

“ობიექტური ფაქტორი კიბერდანაშულის გახსნის დაბალი მაჩვნებლის არის ის, რომ კიბერკრიმინალის გამოძიებას აქვს მნიშვნელოვანი სპეციფიკა, კიბერკრიმინალს არ აქვს საზღვარი შესაბამისად მტკიცებულებების მოპოვება ხშირად ხდება სხვა ქვეყანაში და ამას დიდი დრო სჭირდება სამართლებრივი დახმარების კუთხით ან თუნდაც ბუდაპეშტის კონვენციის ფარგლებში განსახორციელებელი ღონისძიებების კუთხით.

 

რაც შეეხება ისეთ კრიმინალს, რომელზეც აღქმა რჩება თითქოს არის პოლიტიკურად მოტივირებული, ასეთ დანაშაულზე მსჯელობა რთულია. ამ შემთხვევაში მნიშვნელოვანია, რომ სახელმწიფოს შესაბამისმა სტრუქტურებმა  არ დატოვონ საზოგადოებაში განცდა, რომ დანაშაულები იყო პოლიტიკურად მოტივირებული,  ერთია რას დაადგენს ობიექტური გამოძიება და მეორე რა აღქმა და რა განცდა რჩება მოქალაქეებს, ბიზნესს და ა.შ. ამასთანავე მნიშვნელოვანია გავითვალისწინოთ ის ფაქტორიც, რომ  წინა საარჩევნო პერიოდია და ჩვენი ჩრდილოელი მეზობელი აუცილებლად შეეცდება მედიას, პოლიტიკურ ორგანიზაციებს, პოლიტიკური პარტიებს ზიანის მიაყენოს. რაც საბოლოო ჯამში ქვეყნის ზიანს განაპირობებს. ამიტომ მნიშვნელოვანია შესაბამისმა უწყებებმა არ დაუშვან თუნდაც იმ მოსაზრების დამკვიდრება, რომ გარკვეული თითქოს პოლიტიკურად მოტივირებული კრიმინალი რჩება გამოუძიებელი“, - განაცხადა ანდრო გოცირიძემ.

 

სამართალდამცველთა და სპეცსამსახურების სტრუქტურების ექსპერტი ამბობს, რომ საქართველოს კიბერკრიმინალის მიმართულებით საერთაშორისო დონის სპეციალისტები ჰყავს.


როგორც ანდრო გოცირიძე აცხადებს სახელმწიფო სტრუქტურებში მომუშავე სპეციალისტებმა არა ერთი ურთულესი საქმე გახსნეს. კომერსანტის კითხვაზე, ხომ არ ჩნდება ეჭვი, რომ რიგ დანაშაულებებზე საქმის გახსნის პოლიტიკური ნება არ არსებობს ანდრო გოცირიძე გვპასუხობს:

 

„ცალსახად ვერ ვიტყვი საქმის გახსნას პოლიტიკური ნება უშლის ხელს თუ სხვა ფაქტორი. ყოველ შემთხვევაში ვიცი, რომ ჩვენ საგამოძიებო ორგანოებს  ყოველგვარი შესაძლებლობა აქვთ გამოიძიონ არსებული კიბერკრიმინალი, თუმცა ვითვალისწინებ დანაშაულის გამოძიების რთულ სპეციფიკას. ამის პარალელურად შსს ურთულესი საქმე გამოიძია მაგალითად ნარკოტიკების Darknet-ში ვაჭრობის საქმე. ამ ტიპის საქმეების გამოძიება ზე-პროფესიონალიზმს საჭიროებს. ასევე გასული 3 თვის მანძილზე შსს 2 ურთულესი საქმე გახსნა ერთი ჩვენი საერთაშორისო პარტნიორების ჩართულობით, ეს იყო საბანკო თაღლითობის სქემა და მეტროპოლიტენის ბარათების კიბერკრიმინალი. ამ ფონზე ცხადია მოსახლეობას უფრო დიდი მოლოდინი აქვს და შემდეგ როდესაც რაღაც დანაშაული სუბიექტური თუ ობიექტური მიზეზების გამო არ არის  გამოძიებული უკვე აღქმა რჩება, რომ ვიღაცამ რაღაც დააკლო“, - განმარტავს ანდრო გოცირიძე.

 

ანდრო გოცირიძე ამბობს, რომ აუცილებელია მოქალაქეების ცნობიერების ამაღლება, რათა არ გახდნენ ისეთი მარტივი დანაშაულის მსხვერპლნი, როგორიც საბანკო თაღლითობაა.

 

„კიბერკრიმინალის 80 პროცენტი ადამიანურ შეცდომას განეკუთვნება. გარდა კრიმინალთან ბრძოლის საგამოძიებო მეთოდებისა, აუცილებელია ცნობიერების ამაღლება. მაგალითად საბანკო სექტორმა ბოლო დროს გახშირებული კიბერკრიმინალის ფონზე დაიწყო კლიენტების ინფორმირება. ასევე კარგი იქნება სახელმწიფო სტრუქტურებში, რომ მიმდინარეობს ტრენინგების კურსი კიბერდანაშაულთან ბრძოლის კუთხით ან როგორ არ გავხდეთ ფიშინგის მსხვერპლნი“, - ამბობს ანდრო გოცირიძე.

 

ბაჩო ადამია




„მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა“ - სომეხი პოლიტოლოგი ნიკოლ ფაშინიანის სახელისუფლებო კორუფციაზე

„მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა“ - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

სილამაზის სალონი „ვი ემ თის“ მფლობელი „თიბისი დაზღვევას“ სასამართლოში უჩივის

სილამაზის სალონი „ვი ემ თის“  მფლობელი „თიბისი დაზღვევას“ სასამართლოში უჩივის
access_time2020-05-25 17:00:48
სილამაზის სალონის მფლობელი, შპს „ვი ემ თის“ დამფუძნებელი თეონა ხარაზიშვილი „თიბისი დაზღვევას“  ხელშეკრულების შეუსრულებლობაში ადანაშაულებს. როგორც „კომერსანტს“ თეონა ხარაზიშვილის ადვოკატმა ამირან გიგუაშვილმა განუცხადა, საქმე ეხება 2019 წლის 04 დეკემბერს ქ.გორში სილამაზის სალონში მომხდარ შემთხვევას, როდესაც დაზიანდა ეპილაციის აპარატი, რომელიც დაზღვეული იყო „თიბისი დაზღვევის“ მიერ და რომლის შეკეთებაც 19 400 ევრო ჯდება. გიგუაშვილი აცხადებს, რომ სადაზღვევო კომპანია დაზღვეულს  დღემდე...


მსგავსი სიახლეები

up