“გარდა იმისა, რომ ჩვენ ქვეყანაში ინვესტიციების გასაკეთებლად არ ჩამოვლენ, ტურისტებიცაუქმებენ ჯავშნებს”  - ეს განცხადება კავკასიის უნივერსიტეტის ეკონომიკის სკოლის დეკანმა სოსო ბერიკაშვილმა რადიო კომერსანტის გადაცემაში კომერსანტის დილა  5-6 ივლისს ქვეყანაში განვითარებული მოვლენების შეფასებისას გააკეთა. მისი თქმით, ქვეყანაში მიმდინარე მოვლენები, ტურისტის ცემის და ოპერატორის გარდაცვალების ფაქტი ქვეყნის ეკონომიკაზე და ქვეყნის საერთაშორისო იმიჯზე ძალიან ცუდად აისახება. რისი ერთერთი შედეგი არის ის, რომ ტურისტები ჯავშნებს აუქმებენ. 

ბერიკაშვილი მოსამართლეების კანდიდატების დაჩქარებული წესით შერჩევასაც გამოეხმაურა დააღნიშნა, რომ თავისუფალი და დამოუკიდებელი სასამართლო ინვესტორებისთვის ძალიანმნიშვნელოვანია.

“თავისუფალი და დამოუკიდებელი სასამართლო არის ინვესტორების მოზიდვის მხრივ სასიცოცხლოდ მნიშვნელოვანია, რადგან ინვესტორს უნდა ჰქონდეს იმის  შეგრძნება, რომ იმ შემთხვევაში თუ რამე მოხდება მის ინტერესებს დაიცავენ და სასამართლო სახელმწიფოს მიერ კონტროლირებადი არ იქნება. რაცჩვენ პარლამენტში ვიხილეთ ეს კატასტროფაა, იმიტომ რომ მიშელის დოკუმენტში ოპირდაპირ ეწერა, რომ ეს არ უნდა გაეკეთებინათ და როგორც მოსალოდნელი იყო მათ ეს დაარღვიეს.

რაც შეეხება წინსაარჩევნო ხარჯებს, რა თქმა უნდა ქართულ ეკონომიკას არ წინასაარჩევნოდ ხარჯვის, ამომრჩევლის არაპირდაპირ მოსყიდვის საშუალება არ აქვს. საგარეო ვალი არის უმაღლეს ნიშნულზე, არანაირი სხვა რესურსის მოძიების საშუალება არ არსებობს, ტურიზმის სექტორი საფრთხეშია, ვაქცინაციის პროცესი ჩავარდნილია, სახელმწიფო უნდა ზრუნავდეს ვაქცინაციაზე დასხვა რამით არის დაკავებული” -  აღნიშნა სოსო ბერიკაშვილმა.

სოსო ბერიკაშვილის  თქმით, საქართველო ისედაც არ იყო წელში გამართული, ეკონომიკურად და დემოკრატიულად ძლიერი ქვეყანა, მისივე თქმით ბოლო დროინდელი პროცესები დიდ  საფრთხეს  უქმნის ქვეყანას, რაც მაღალი დონის სენატორების გამოხმაურებებშიც ძალიან კარგად ჩანს.

“უნდა შევთანხმდეთ, რომ ძალადობა მიუღებელია, ქუჩაში ცემა მიუღებელია და ეს არც ქრისტიანულია და არც მართლმადიდებლური.

ჩვენ გვახსოვს  90-იანი წლები სად  ვიყავით და სად აღმოვჩნდით,თუ ქვეყანაში უკონტროლო პროცესები დაიწყო ბევრი არ გვიკლია უკან დაბუნებამდე.ბოლო პერიოდში, რაზეც აქტიურად  ვსაუბრობ არის  ის, ფული რომელსაც სახელმწიფო დახმარების სახით გადმოაგდებს ხოლმე ჩვენი გადასახადებით არის შედგენილი, ისეთი სისტემა გვაქვს, რომ ეს საგადასახადო ტვირთვიგანსაკუთრებით ღარიბებზე აისახება ხოლმე. შეიძლება შემოსავალი არ გქონდეს და ფიქსირებულდა დეკლარირებულ გადასახადს არ იხდიდე, მაგრამ ყველა იხდის დღგ-ს აქციზს.

ძალიან ღარიბი ადამიანი, რომელსაც აქვს ხელფასი 400 ლარი წელიწადშიე იხდის 1200 ლარსსაშემოსავლო გადასახადს, როდესაც სახელმწიფო მას დაეხმარება 500 ლარით ის ფიქრობს რომ სახელმწიფო მას იმაზე მეტით დაეხმარა ვიდრე მისი ხელფასია, სინამდვილეში ეს ასე არ არის, პირიქით  სახელმწიფოს მან გაცილებით მეტი გადაუხადა.

მთავარია, რომ ამ ყველაფრის მიმართ საზოგადოების აღქმა შეიცვალოს, გაიზარდოს ცნობიერება დამოსახლეობამ იცოდეს, რომ სახელმწიფო ბიუჯეტი გადასახადების სახით ფორმირდება”  -  აღნიშნასოსო ბერიკაშვილმა.

თაკო კვაჭანტირაძე