„სატრანსპორტო ჰაბის კონცეფციას სრულად ეწინააღმდეგება ხელისუფლების ყველა ქმედება, რომელსაც ამ სექტორში ახორციელებს ან არ ახორციელებს - HUB Georgia

„სატრანსპორტო ჰაბის კონცეფციას სრულად ეწინააღმდეგება ხელისუფლების ყველა ქმედება, რომელსაც ამ სექტორში ახორციელებს ან არ ახორციელებს - HUB Georgia

access_time2019-06-04 09:00:05


 „საქართველოს მთავრობა ახორციელებს მნიშვნელოვან ინიციატივებს, რათა ჩვენი ქვეყანა გახდეს საერთაშორისო საინვესტიციო, საკომუნიკაციო, სატრანსპორტო, ლოგისტიკური, ტურისტული და საფინანსო ჰაბი“ -  საქართველოს პრემიერ-მინისტრმა მამუკა ბახტაძემ ამის შესახებ დაპირება  გასული წლის სექტემბერში დადო. 



წელს კი Forbes Georgia-ს მიერ დათვლილი მონაცემებით საქართველოს სატრანსპოტრო ჰაბის რეალობა  ასეთია  გლობალური კონკურენტუნარიანობის ინდექსის მიხედვით სატრანსპორტო ინფრასტრუქტურით საქართველო შესწავლილ 137 ქვეყანას შორის 74-ე ადგილს იკავებს და უმაღლესი 7 ქულიდან საქართველომ 3.5 ქულა მიიღო. ჩვენს ქვეყანას უსწრებს ისეთი ქვეყნებიც კი, როგორებიცაა შრი-ლანკა, პაკისტანი, რუანდა, გამბია, კენია და ვიეტნამი. ცალკე აღებული საავტომობილო გზების ხარისხით საქართველო 82-ე ადგილზეა, რკინიგზით 39-ე, ხოლო საზღვაო პორტებით და აეროპორტებით 69-ეზ ადგილს იკავებს.



თვეების შემდეგ სატრანსპორტო სექტორი ჯერ კიდევ ეკონომიკის ის სფეროა, რომელსაც ბევრი ხმაური, გაუგებრობა და  ეკონომიკური ექსპერტების მხრიდან კრიტიკა უკავშირდება. რა ხდება დღეს სატრანსპორტო სფეროში და რა პერსპექტივა აქვს საქართველოს რეალურად გახდეს სატრანსპორტო ჰაბი, მოემსახუროს მილიონობით ადამიანს და გახდეს მთავარი მიზიდულობის ცენტრი რეგიონში და მის ფარგლებს გარეთ?



ამ კითხვებზე პასუხების გასაცემად „კომერსანტი“ HUB Georgia-ს დამფუძნებელ ვასილ ურუშაძეს დაუკავშირდა, რომელიც აცხადებს, რომ ჰაბის კონცეფციას სრულად ეწინააღმდეგება ხელისუფლების ყველა ის ქმედება, რომელსაც სატრანსპორტო სექტორში ახორციელებს ან არ ახორციელებს. მთავარ სატრანსპორტო მიზიდულობის ცენტრად ყოფნის ამბიცია კი, არსებული მდგომარეობითა და პოლიტიკით დღეს სახელმწიფოს ვერ ექნება.



„მთავრობის მიერ გატარებული ქმედებები სრულიად ეწინააღმდეგება ჰაბის კონცეფციას.  არა მარტო ამ მთავრობის, არამედ წინა მთავრობის შეცდომებიც იმის მიზეზი გახდა, რომ დღეს ჩვენთვის ჰაბად ყოფნის პერსპექტივა ძალიან შორსაა. 2007 წელს საქართველოს პრეზიდენტმა დაუშვა შეცდომა, როდესაც ბათუმისა და თბილისის აეროპორტი გადასცა ჩვენს კონკურენტ სახელმწიფოს, ეს ერთერთი შემაფერხებელი ფაქტორია ჩვენი ლოგისტიკურ საავიაციო ცენტრად ვერ გახდომის. ეს ხდის ჩვენს რეგიონს დამოკიდებულს ამ მიზიდულობის ცენტრზე, სტამბულზე.




რაც შეეხება სარკინიგზო მაგისტრალს, ეს სექტორი ჩვენ უნდა გვექცია ჩვენს შესაძლებლობად.  ნომერ პირველი გამოწვევა უნდა ყოფილიყო ის, რომ თბილისთან ახლოს შექმნილიყო ლოგისტიკური ცენტრი,  რომელიც იქნებოდა ყარსი-ახალქალაქის სარკინიგზო დერეფანში ტვირთების გამანაწილებელი, თუმცა დღეს ჩვენი უმოქმედობის შედეგად, ფაქტობრივად, ყარსი-ახალქალაქის სარკინიგზო ხაზი იქცა უბრალოდ დერეფნად - ტვირთები გაივლიან ჩვენს ტერიტორიაზე. ლოგისტიკური ცენტრების მშენებლობა კი დაანონსებულია თურქეთსა და აზერბაიჯანში. ჩვენ ვრჩებით თამაშგარეთ და ეს არის იმ არასწორი არასახელმწიფოებრივი პოლიტიკის შედეგი,  რომელიც დღეს აქვს ჩვენს ხელისუფლებას განსაკუთრებით სატრანსპორტო სექტორთან მიმართებაში.“ - აცხადებს HUB Georgia -ს დამფუძნებელი ვასო ურუშაძე.



მისივე განცხადებით რეგიონში ყველაზე განუვითარებელი საქართველოს საავტომობილო  ინფრასტურქტურაა,  ავიაციის სექტორი მთლიანად უცხოურ კომპანიებს უჭირავთ, მაშინ როდესაც  ქართული საავიაციო ფირმები უყურადღებოდ რჩებიან.



 „ჩვენ ისეთი პრობლემები გვაქვს ტრანსპორტის სექტორში, რომელიც რეალურად არ გვაძლევს იმის შესაძლებლობას, რომ დღეს გვქონდეს ჰაბად ყოფნის ამბიცია, არ გვაქვს ტრანსპორტის განვითარების პოლიტიკა და სტრატეგია, არ გვყავს ამაზე პასუხისმგებელი პირიც კი. თავიდან ბოლომდე თავის დინებაზეა მიშვებული ავიაციის სექტორის განვითარება და ვერ ვითარდება ადგილობრივი საავიაციო კომპანიები, აეროპორტს მართავს უცხოური კომპანია.  ე.წ. ქართული ბაზრის 90 პროცენტი ათვისებული აქვს უცხოურ ავიაკომპანიებს.



საქართველოს რკინიგზა არის ერთ-ერთი შავი ხვრელი დღეს ქვეყნის ეკონომიკაში, რომელიც არის მთლიანად ჩრდილოვანი მმართველობით დაკომპლექტებული, იქ ხდება ელიტარული კორუფციისა და ანტისახელმწიფოებრივი პოლიტიკის გატარება. ეს სექტორი მთლიანად მორგებულია კერძო პირების  და არა სახელმწიფოებრივ ინტერესებს.



პრობლემა გვაქვს საზღვაო მიმართულებითაც  - ყველა თვალყურს ვადევნებთ, თუ რა ხდება ანაკლიის პორტის მშენებლობის ირგვლივ, რომელიც ძალიან მნიშვნელოვანი სატრანსპორტო პროექტია და წესით უნდა ავსებდეს Hub Georgia-ს კონცეფციას.



არ უნდა დაგვავიწყდეს საავტომობილო ინფრასტრუქტურასთან დაკავშირებული სირთულეები  გზებთან მიმართებაში. ჩვენს რეგიონში ყველაზე განუვითარებელი გადამზიდავი საავტომობილო კომპანიები საქართველოშია. ნაცვლად იმისა, რომ ჩვენ ვიყოთ ჰაბი და ქართველი გადამზიდავები იყვნენ ლიდერები რეგიონში  პირიქით,  ჩვენი ადგილობრივი ბაზარიც კი ათვისებული აქვს თურქულ, აზერბაიჯანულ,  სომხურ და რუსულ კომპანიებს.




ამ მოცემულობას სჭირდება რევოლუციური გადაწყვეტილებები, ამას სჭირდება მკაფიო გეგმა,  რომელიც იქნება ორიენტირებული იმაზე, რომ საქართველო გახდეს სატრანსპორტო-ლოჯისტიკური ჰაბი. ამას სჭირდება პოლიტიკური შეთანხმება სხვადასხვა პოლიტიკურ ძალებს შორის, მინიმუმ 50-წლიანი გეგმა, რომელიც იქნება კონცეპტუალურ დონეზე სწორდ გატარებული, თავდაუზოგავი შრომა, ყველანაირი პირადი ინტერესების გვერდზე გადადება და სახელმწიფოებრივ ინტერესებზე ორიენტირება,“  აცხადებს ვასო ურუშაძე.  




მარიამ მორგოშია




დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up