მას შემდეგ რაც თბილისში, ელექტროსკუტერების გაზიარების პირველი სერვისი ამოქმედდა „კომერსანტი“ დაინტერესდა შესაძლებელია თუ არა დედაქალაქში ველოსიპედის ქირაობა.

ამის გასარკვევად კი Georgian Bicycle Group-ს დავუკავშირდით. სადაც განგვიცხადეს, რომ ველოსიპედის გაქირავებისგან ვირუსის გავრცელების მიზნით თავს იკავებენ, რადგან ერთი ნივთის რამდენიმე ადამიანის მიერ გამოყენებამ შესაძლოა ინფიცირებულთა რაოდენობა გაზარდოს.

„რაც შეეხება მის დამუშავებას სხვადასხვა ხსნარების მეშვეობით გაქირავების ფასს გაზრდის, მოსახლეობის დიდმა ნაწილმა კი შესაძლოა ამ სერვისით ვერ ისარგებლოს,“-  ამის შესახებ „კომერსანტს“ Georgian Bicycle Group-ის ხელმძღვანელმა ბექა კიკნაველიძემ განუცხადა.

“ჩვენი ბიზნესის საქმე ძალიან რთულადაა, არ გვაქვს საშუალება გავყიდოთ ჩვენი ველოსიპედები. გაქირავებას რაც შეეხება ჩვენ არც ვაპირებთ ამის გაკეთებას ამ პერიოდში, რადგან ვფიქრობთ, რომ ვირუსის პრევენციას შევუწყობთ ხელს.

ჩვენ თეთრი ბუღალტერია გვაქს და არაფერს დაფარულად არ ვაკეთებთ, მათგან განსხვავებით, ვინც დღესაც ასე იქცევა და დაფარული გზებით რეალიზაციას ახდენს.

ჩვენ გვქონდა პროდუქციისთვის გამოყოფილი ბიუჯეტი და ახალა ამ თანხით გადასახადებს ვიხდით, როგორმე ამოვალთ ამ მდგომარეობიდან, მაგრამ არ შევუწყობთ ხელს ვირუსის გავრცელებას.“-ამბობს ბექა  კიკნაველიძე.

რაც შეეხება სკუტერის გაქირავებას, შეგახსენებთ, მისი  10 წუთით გამოყენება 4,5 ლარი ჯდება. საფასური აპლიკაციაშია მითითებული.როგორც ირკვევა, სკუტერით სარგებლობის დაწყება 1 ლარი ღირს, ყოველი წუთის ღირებულება კი 35 თეთრია. რადიო თავისუფლებას კომპანია სქროლში განუცხადეს, რომ მათი ვარაუდით, თითო ადამიანი სკუტერს 14-20 წუთის განმავლობაში გამოიყენებს, რაც დაახლოებით 6 ლარიდან 8 ლარამდე მერყეობს.

ნათია ლომიძე