ჩუღურეთის რაიონის გამგებელმა გამგეობის  საქმიანობის ორწლიანი ანგარიში წარადგინა

ჩუღურეთის რაიონის გამგებელმა გამგეობის საქმიანობის ორწლიანი ანგარიში წარადგინა

access_time2019-12-13 16:42:02

ჩუღურეთის რაიონის გამგებელმა, ზურაბ ჩიკვილაძემ რაიონის მცხოვრებლებს, გამგეობის მიერ 2018-2019 წლებში შესრულებული საქმიანობის ანგარიში წარუდგინა. ინფორმაციას თბილისის მერია ავრცელებს.



პრეზენტაციას დედაქალაქის მერი კახა კალაძე დაესწრო და ღონისძიების მონაწილეებს სიტყვით მიმართა. თბილისის მერმა გამგებელსა და გამგეობის თანამშრომლებს გაწეული სამუშაოებისთვის მადლობა გადაუხადა და მომავალ საქმიანობაში წარმატებები უსურვა.



როგორც კახა კალაძემ აღნიშნა, 2020 წლის გაზრდილი ბიუჯეტით დედაქალაქის ყველა რაიონში უფრო მეტი მასშტაბური პროექტი განხორციელდება. მისივე თქმით, მუნიციპალიტეტის ხელმძღვანელობა დედაქალაქში არსებული და წლების განმავლობაში დაგროვილი პრობლემების მოსაგვარებლად ძალისხმევას არ დაიშურებს.



„მნიშვნელოვანია, რომ 2020 წელს დედაქალაქის ბიუჯეტი მილიარდ სამასი მილიონი ლარი იქნება და ეს თანხები დედაქალაქის ათივე რაიონზე იქნება გადანაწილებული. შესაბამისად, მომავალ წელს უფრო მეტი პროექტის განხორციელების შესაძლებლობა გვექნება. ჩვენი მთავარი პრიორიტეტი იქნება ინფრასტრუქტურული პროექტები, ასევე, სოციალური და ჯანდაცვის მიმართულებები. სამწუხაროდ, ჯერ კიდევ ბევრი გვყავს სოციალურად დაუცველის სტატუსის მქონე ოჯახები, რომელთაც ჩვენი თანადგომა, მხარდაჭერა და ხელშეწყობა სჭირდებათ. ჩვენ ყველაფერს გავაკეთებთ იმისთვის, რომ ამ ადამიანებს ზურგი გავუმაგროთ ჩვენი კონკრეტული გადაწყვეტილებებით. ქალაქში არსებობს არაერთი გამოწვევა, რომელიც ათეული წლის განმავლობაში გროვდებოდა, თუმცა ჩვენ ამ პრობლემების არ გვეშინია. პირიქით, უფრო მეტი შემართებით ვართ, რომ ღირსეულად გავუმკლავდეთ ამ სიძნელეებს, მოვაწესრიგოთ ინფრასტრუქტურა და საზოგადოებრივი ტრანსპორტი, განვახორციელოთ გამწვანების ახალი პროექტები. ვფიქრობ, თვალშისაცემია ქალაქში განხორციელებული პროექტები, თუმცა ეს არ არის საკმარისი. ჩვენ მეტის გაკეთების სურვილი გვაქვს. მთავარია ერთობა, რითაც მივაღწევთ შედეგს“, - განაცხადა კახა კალაძემ.



ჩუღურეთის რაიონის გამგებელმა ადგილობრივ მოსახლეობას, სამთავრობო და კერძო სექტორს მხარდაჭერისა და თანადგომისთვის მადლობა გადაუხადა, ხოლო დამსწრე საზოგადოებას ორი წლის განმავლობაში განხორციელებული ძირითადი პროექტები გააცნო.



„მნიშვნელოვანია, რომ რაიონის მოსახლეობა აქტიურად არის ჩართული პროექტების დაგეგმვასა და განხორციელებაში, რისთვისაც მათ მადლობას ვუხდით. რაიონში კიდევ ბევრი მნიშვნელოვანი პროექტი გვაქვს დაგეგმილი, რასაც 2020 წლის გაზრდილი ბიუჯეტის ფარგლებში განვახორციელებთ“, - განაცხადა ზურაბ ჩიკვილაძემ.



მისივე განცხადებით, 2018-2019 წლებში ჩუღურეთის რაიონში მნიშვნელოვანი ინფრასტრუქტურული პროექტები განხორციელდა. კერძოდ, აშენდა 57 საყრდენი კედელი; 119 269 კვადრატულ მეტრზე მოწესრიგდა საგზაო ინფრასტრუქტურა. მათ შორის, დაიგო და მოწესრიგდა 125 ქუჩა, 85 მისამართზე მოწესრიგდა შიდა ეზოები; 30 მისამართზე მოეწყო ქვაფენილი. გარდა ამისა, მოეწყო 10, ხოლო რეაბილიტირდა 78 სკვერი და დაირგო 261 ხე-მცენარე. ასევე, ადგილობრივი მოსახლეობის თხოვნით, გამგეობამ მეუნარგიას N58-ში 11 ავტოფარეხის დემონტაჟი განახორციელა, რის შემდეგაც არსებული სკვერი გაფართოვდა.



ჯანსაღი ცხოვრების წესის ხელშეწყობის მიზნით, ჩუღურეთის რაიონის ტერიტორიაზე მოეწყო და რეაბილიტირდა თანამედროვე სტანდარტების შესაბამისი 42 სპორტული მოედანი.



„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ორი წლის განმავლობაში, 298 პროექტი განახორციელა. მათ შორის, კაპიტალურად გამაგრდა 42 ავარიული საცხოვრებელი სახლი, 70 მისამართზე შეიცვალა დაზიანებული სახურავი, წყალარინების ქსელი რეაბილიტირდა 55 მისამართზე, ხოლო 27 მისამართზე შეკეთდა საერთო სარგებლობის კიბე.



აღსანიშნავია, რომ შეიქმნა 1501 ამხანაგობა და 121 ოჯახს დაუკანონდა საცხოვრებელი ფართი დაუკანონდა.



მოსახლეობის ჩართულობით, რაიონში 26 სპორტულ-შემეცნებითი ღონისძიება გაიმართა.



ორი წლის განმავლობაში განხორციელებული პროექტებისთვის ჩუღურეთის რაიონის გამგეობის ბიუჯეტიდან ჯამში 26 309 865 ლარი დაიხარჯა.



რაიონის გამგებლის საქმიანობის ორწლიანი ანგარიშის პრეზენტაციას მერის მოადგილე ირაკლი ბენდელიანი, თბილისის მთავრობის წევრები, საკრებულოს წარმომადგენლები და დიდუბის რაიონის მაჟორიტარი დეპუტატები დაესწრნენ.




თეგები:
ანგარიში



მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-25 21:30:49
დღის Top-10 საინტერესო ამბავი 1.ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე...


მსგავსი სიახლეები

up