„ჩრდილოეთის ნაკადი–2“–ის მშენებლობის ოპერატორმა კომპანიამ Nord Stream 2 AG გერმანიაში სასამართლო პროცესი წააგო, რომელზეც გაზსადენის ევროკავშირის საგაზო დირექტივისგან გათავისუფლებას ითხოვდა. ამის შესახებ სააგენტო Bloomberg სასამართლოს წარმომადგენელზე დაყრდნობით წერს.

დიუსელდორფის მიზის უმაღლესმა სასამართლომ ოთხშაბათს არ დააკმაყოფილა Nord Stream 2 AG–ის აპელაცია გერმანიის ფედერალურ ქსელურ სააგენტოზე, რომელმაც უარი თქვა „ჩრდილოეთის ნაკადი–2“–ის ევროკავშირის საგაზო დირექტივის ნომებისგან გათავისუფლებაზე.

სასამართლოს ეს გადაწყვეტილება ნიშნავს, რომ „ჩრდილოეთის ნაკადი–2“ შეიძლება დააჯარიმონ, თუ ის ევროპულ ნორმებთან თანხვედრაში არ იქნება, თურმცა მშენებლობის პროცესს ეს საკითხი არანაირად არ ეხება.

ევროკავშირის საგაზო დირექტივის შესახებ

ევროკავშირის საგაზო დირექტივა (მესამე ენერგოპაკეტის ნაწილი) მისი წესებისგან მესამე ქვეყნების მიერ 2019 წლის 23 მაისამდე აშენებულ გაზსადენებს ათავისუფლებს. დირექტივა 2019/692 ამ ვადის შემდეგ აშენებულ გაზსადენებს ეხება და მათ ოპერატორებს ავალდებულებს, მესამე მიმწოდებლებისთვის ტრანსპორტირების სისტემაზე არადისკრიმინაციული წვდომის შესაძლებლობა უზრუნველყოს, საჯაროდ გამოქვეყნებული ტარიფების საფუძველზე.

პროექტი „ჩრდილოეთის ნაკადი–2“ ორი მილსადენით გაყვანას ითვალისწინებს ბალტიის ზღვის ფსკერზე რუსეთიდან გერმანიამდე. თითოეული მილსადენის სიგრძე 1 224 კმ–ს შეადგენს. რუსული მილსადენის საპროექტო გამტარუნარიანობა წელიდაწში 55 მლრდ კბ/მ–ს უდრის. მშენებლობის ოპერატორია Nord Stream 2 AG, რომლის ერთადერთი აქციონერია რუსული სახელმწიფო გიგანტი კომპანია „გაზპრომი“.