რუსული გაზის ჩანაცვლება შეიძლება სხვა ენერგოწყაროებით, მაგრამ ტაივანში წარმოებული მიკროჩიპები ვერ ჩანაცვლდება; ამ ქვეყნის ჩიპების მწარმოებელი გიგანტი კომპანია TSMC დომინირებს გლობალურ ბაზარზე.
Deutsche welle-ს სტატიაში აცხადებენ, რომ აშშ-ის წარმომადგენელთა პალატის სპიკერი ნენსი პელოსის ვიზიტის დროს, მხოლოდ გეოპოლიტიკური საკითხები არ იქნა განხილული, ამერიკელმა სახელისუფლებო პირმა შეხვედრის ფარგლებში, ასევე ისაუბრა კომპანია TSMC-ის მნიშვნელობაზე.
ნენსი პელოსის შეხვედრა მარკ ლიუსთან, რომელიც TSMC-ის თავმჯდომარეა, ნათლად ასახავს იმას თუ რამხელა მნიშვნელობა აქვს ჩიპის წარმოებას გლობალური ბაზრისთვის; საჰაერო-კოსმოსური სივრციდან დაწყებული ყოველდღიურ მოხმარების ნივთებით დამთავრებული, მსოფლიო მასიურად არის დამოკიდებული TSMC-ის ჩიპების წარმოებაზე, განურჩევლად სექტორისა.
პელოსისა და ლიუს შეხვედრისას, ასევე განხილულ იქნა ჩიპების სავაჭრო ჯაჭვის აღდგენა ტაივანსა და აშშ-ის შორის. ახალი კანონმდებლობა ასევე ითვალისწინებს 52 მილიარდ აშშ დოლარის დახმარების პაკეტს, რომელიც მოხმარდება აშშ-ში ჩიპების წარმოების დაწყებას, 12 მილიარდი გამოყოფილია ქარხნისთვის, რომელიც ჩიპების წარმოებას დაიწყებს არიზონას შტატში. აღსანიშნავია, რომ კომპანია TSMC უხელმძღვანელებს ამ საწარმოს და მიიღებს სარგებელს ზემოხსენებული პროგრამიდან.
ამავდროულად, ევროკავშირიც მუშაობს კანონმდებლობაზე, რომელიც ითვალისწინებს ჩიპების ინდუსტრიის განვითარებას. ევროკავშირი გამოყოფს 43 მილიარდ ევროს ზემოხსენებული ინდუსტრიის განვითარებისთვის, ევროპული ჩიპების წარმოება 10% -დან 20% -მდე გაზრდას ვარაუდობენ 2030 წლისთვის.
Deutsche welle-ს სტატიაში აღნიშნულია, რომ ტაივანი სამომავლოდ მაინც შეინარჩუნებს ჩიპების წარმოების დომინირებას გლობალურ ბაზარზე, რომელიც მოიცავს ნახევრადგამტარი ჩიპების გლობალური ბაზრის 90% -ს.
წყარო: dw.com