ჩინეთში საქართველოს ელჩი - სადაც დაავადების გავრცელების წყაროა საქართველოს სამი მოქალაქე იმყოფება და მათ ჯანმრთელობის მდგომარეობას საფრთხე არ ემუქრება

ჩინეთში საქართველოს ელჩი - სადაც დაავადების გავრცელების წყაროა საქართველოს სამი მოქალაქე იმყოფება და მათ ჯანმრთელობის მდგომარეობას საფრთხე არ ემუქრება

access_time2020-01-24 23:00:25

ჩინეთში საქართველოს სრულუფლებიანი ელჩის არჩილ კალანდიას განცხადებით, საქართველოს არცერთ მოქალაქეს, ვინც ამჟამად ჩინეთის ტერიტორიაზე იმყოფება, კორონა ვირუსის გავრცელების გამო, ჯანმრთელობის საფრთხე არ შექმნია. როგორც არჩილ კალანდიამ „პალიტრანიუსის“ ეთერში, გადაცემაში „საღამოს ნიუსრუმი“ განაცხადა, რეგიონში, სადაც კორონა ვირუსის გავრცელების წყაროა, საქართველოს სამი მოქალაქე იმყოფება, რომლებთანაც საელჩოს კონტაქტი 24-საათიან რეჟიმში აქვს.


„სადაც არის დაავადების გავრცელების წყარო იმყოფება საქართველოს სამი მოქალაქე. ჩვენ მათთან გვაქვს მუდმივი კონტაქტი, ისინი იმყოფებიან უსაფრთხოდ და მათ ჯანმრთელობის მდგომარეობას საფრთხე არ ემუქრება. ამასთანავე ჩვენ გვაქვს კონტაქტი ჩვენს თანამოქალაქეებთან ჩინეთის სხვადასხვა რეგიონში და საბედნიეროდ არცერთის სიცოცხლეს საფრთხე არ ემუქრება. 24-საათიან რეჟიმში მუშაობს საელჩოს ცხელი ხაზი, გვიკავშირდებიან ჩვენი თანამოქალაქეები, მუდმივ მონიტორინგს ვახორციელებთ. საბედნიეროდ, ჯერჯერობით საფრთხე არ დაფიქსირებულა და იმედი გვაქვს, არც დაფიქსირდება. გარდა ამისა, მინდა გითხრათ, რომ ჩვენ აქტიურად ვეკონტაქტებით ჩინეთის სახელმწიფო უწყებებს და საჭიროების შემთხვევაში მივიღებთ შესაბამის ზომებს, თუმცა, იმედი გვაქვს, ეს საჭიროება არ დადგება“, - განაცხადა კალანდიამ.


რაც შეეხება გავრცელებულ ინფორმაციას, რომ მარკეტებში პურისა და წყლის მარაგი იწურება, როგორც ელჩი ამბობს, ეს დროებითია.


„ჩინეთის ხელისუფლება და ადგილობრივი მუნიციპალიტეტი გეგმავს შეიტანოს პროდუქტები იქ, სადაც არის დეფიციტი. ჩემს ხელთ არსებული ინფორმაციით, ქალაქ უხანში პანიკა არ შეიმჩნევა. არასასიამოვნო ვითარებაა, როცა ქალაქი ჩაკეტილია და არავის აქვს უფლება, ქალაქის დატოვების ან ქალაქში შესვლის, მაგრამ ეს უპირველეს ყოვლისა ხდება არა იმიტომ, რომ იქ ხალხი ქუჩაში ცუდად ხდება და გარდაცვალების შემთხვევებია მაღალი, არამედ იმიტომ, რომ ადგილობრივი ხელისუფლება ატარებს პრევენციულ ქმედებებს, შესაბამის სანიტარულ ოპერაციებს, რათა მაქსიმალურად შემცირდეს ინფიცირების, დაავადებულთა რიცხვი და არ გავრცელდეს სხვადასხვა რეგიონებზე და ქვეყნებში“, - განაცხადა კალანდიამ.



„პალიტრანიუსის“ ეთერით ელჩმა მოუწოდა საქართველოს მოქალაქეებს, მაქსიმალურად დაიცვან მითითებები, რასაც ხელისუფლება სთხოვს ადგილობრივ მოსახლეობას და სტუმრებს - იარონ პირბადით, არ იყვნენ საზოგადოებრივი თავშეყრის ადგილებში და მაქსიმალურად დაიცვან ჰიგიენა.


კითხვაზე: რამდენად უსაფრთხოა, ჩინეთში საქართველოს მოსახლეობის ამ პერიოდში სტუმრობა? -არჩილ კალანდიამ აღნიშნა, რომ „ცხადია, იმ რეგიონში, სადაც ინფიცირების წყაროა, კატეგორიულად არ ვურჩევ ვინმეს ჩასვლას და იმედია ასე არ მოხდება“.


„სხვა რეგიონებში და ჩინეთის დიდ ქალაქებში მათ შორის პეკინში, შანხაიში, ტიანძინში და ა.შ. ამ ეტაპზე არ არის აკრძალვები დაწესებული მსოფლიოს არცერთი ქვეყნის მხრიდან. საზღვრები გახსნილია. ხდება აქტიური შემოწმება საზღვარზე,როგორც ჩინეთის ტერიტორიიდან გამსვლელების, ასევე შემომსვლელების, რომ მაქსიმალური პრევენცია მოხდეს დაავადების გავრცელების, ასე რომ, ამ ეტაპზე პანიკის საფუძველი არ არის. მაგრამ აქვე მინდა დავამატო, რომ გამომდინარე იქედან, რომ ხვალ იწყება ჩინური ახალი წელი, მილიონობით ადამიანია გასული და მიმოფანტული ქვეყნის სხვადასხვა რეგიონებში, ელოდებიან ინფიცირებულთა ზრდას თებერვლის დასაწყისში, როცა ასობით მილიონი ადამიანი დაუბრუნდება თავის მუდმივ საცხოვრებელ ადგილს. წინასწარ პროგნოზების გაკეთება რთულია. დიდი ალბათობით, ინფიცირებულთა რიცხვი მოიმატებს, მაგრამ ყველა საჭირო ზომა არის მიღებული ადგილობრივი ხელისუფლების მხრიდან, რომ მასშტაბები შემცირებული იყოს“, - განაცხადა კალანდიამ გადაცემა „საღამოს ნიუსრუმში“ ჩინეთიდან ჩართვისას.



ipn.ge

თეგები:
ჩინეთი



„კომერსანტის“ ექსკლუზივი: მარტიდან სათამაშო ბიზნესი გარე რეკლამაზე უარს იტყვის

„კომერსანტის“ ექსკლუზივი: მარტიდან სათამაშო ბიზნესი გარე რეკლამაზე უარს იტყვის
access_time2020-02-27 20:00:25
კომერსანტის ექსკლუზიური ინფორმაციით სათამაშო ბიზნესი მარტის პირველი რიცხვებიდან გარე რეკლამის შეზღუდვას იწყებს.ინფორმაციას ადასტურებს  სათამაშო ბიზნესასოციაციის ხელმძღვანელი ზურაბ ბერუაშვილი. როგორც ბერუაშვილი განმარტავს მიღებული გადაწყვეტილება საზოგადეობის მაღალი ინტერსითაა განპირობებული:   „შემიძლია გითხრათ ის, რომ პირველი მარტიდან მინიმუმ თბილისში, მოსახლეობა დაინახავს, რომ სათამაშო ბიზნესის გარე რეკლამა აღარ იქნება. მაღალი საზოგადოებრივი ინტერესიდან გამომდინარე...

10 000 მაყურებელზე გათვლილი 71 მილიონიანი პროექტი - ახალი საკალათბურთო დარბაზის სამშენებლო სამუშაოები იწყება

10 000 მაყურებელზე გათვლილი 71 მილიონიანი პროექტი - ახალი საკალათბურთო დარბაზის სამშენებლო სამუშაოები იწყება
access_time2020-02-27 18:21:57
განათლების, მეცნიერების, კულტურისა და სპორტის მინისტრის მოადგილემ და კალათბურთის ეროვნული ფედერაციის პრეზიდენტმა პაატა გურასპაულმა ერთობლივი პრესკონფერენცია გამართეს. პრესკონფერენციის თემა 2021 წლის ევროპის საკალათბურთო ჩემპიონატისთვის ახალი სპორტის სასახლის მშენებლობა იყო. შალვა გოგოლაძის თქმით, 10 000 მაყურებელზე გათვლილი სპორტული დარბაზის მშენებლობა უახლოეს პერიოდში დაიწყება და...

WIZZ AIR იტალიის მიმართულებით ფრენების სიხშირეს ცვლის

WIZZ AIR იტალიის მიმართულებით ფრენების სიხშირეს ცვლის
access_time2020-02-27 17:45:30
Wizz Air, ევროპის ყველაზე მწვანე, უმსხვილესი დაბალ ბიუჯეტიანი ავიაკომპანია, იტალიის მიმართულებით ფრენების სიხშირის შემცირებას აანონსებს. მიზეზი ჩრდილოეთ იტალიაში COVID-19 ტიპის ვირუსის გავრცელებაა. 2020 წლის 11 მარტიდან 2 აპრილის ჩათვლით ფრენების სიხშირე იტალიის მიმართულებით 60%-ით შემცირდება. საჰაერო მიმოსვლა სტანდარტული რეჟიმით 2 აპრილიდან აღდგება. მგზავრები, რომლებსაც მიმდინარე ცვლილებები შეეხებათ, მიიღებენ ავტომატურ შეტყობინებას და მათ შესაძლებლობა ექნებათ ბილეთები...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-27 21:30:47
 Top-10 საინტერესო ამბავი 1.„კომერციალიზაციის დონე დაბალია, იმპორტი მაღალი“ - რამდენად შედეგიანია „დანერგე მომავალი“ სოფლისა და სოფლის მეურნეობის განვითარების სააგენტომ 2015 წელს პროექტ „დანერგე მომავლის“ განხორციელება დაიწყო.„კომერსანტი“ დაინტერესდა შეასრულა თუ არა სოფლის მეურნეობის...

როდის მოგვარდება პარკინგის პრობლემა თბილისში – მერია პარკირების უფლების გაყიდვას აღარ აპირებს

როდის მოგვარდება პარკინგის პრობლემა თბილისში – მერია პარკირების უფლების გაყიდვას აღარ აპირებს
access_time2020-02-27 17:45:28
პარკირების პრობლემა დედაქალაქისთვის დღემდე ერთ-ერთ მთავარ გამოწვევად არის ქცეული. მიუხედავად იმისა, რომ თბილისის მერიამ ეს უფლება ”სითი პარკს” ჩამოართვა და ხელშეკრულებაც შეუწყვიტა, ამ მიმართულებით სიტუაცია ფაქტობრივად არ შეცვლილა. რეალურად, ორი წლის განმავლობაში თბილისის მერიის შესაბამისი უწყება იგივე საქმიანობას აგრძელებდა, რასაც მანამდე ახორციელებდა ”სითი პარკი”. ფაქტობრივად არ მოწყობილა ახალი საპარკინგე ადგილები და არც იმის შესახებ არის ცნობილი თუ რისი გაკეთება იგეგმება არსებული...


მსგავსი სიახლეები

up