ჩინეთის სასამართლომ კორონავირუსის სიმპტომების დამალვისა და ავადმყოფის მდგომარეობის შესახებ არასწორი ინფორმაციის გავრცლებისთვის უვადო პატიმრობა ან სიკვდილით დასჯა დააწესა. ინფორმაცია 15 თებერვალს „ბეიჯინგ დეილიმ” გაავრცელა პეკინის სასამართლოს დადგენილებაზე დაყრდნობით.
გარდა ამისა, ხანგრძლივი პატიმრობა ემუქრებათ მათ, ვინ შეეცდება თავისი მოგზაურობის ისტორიის დამალვას. იმ პირებს კი, ვინც დაავადდა ე.წ. კორონავირუსით და შემდეგ გაავრცელა ის, „ეროვნული უშიშროებისათვის საფრთხის შექმნაში” დასდებენ ბრალს.
სისხლის სამართლის საქმე აღიძვრება მათ წინააღმდეგაც, ვინც უარს იტყვის მკურნლობასა და კარანტინზე იმ შემთვევაში, თუ მათ გამო სხვა ადამიანებს დაემუქრებათ საფრთხე ან გადაედებათ კორონავირუსი.
„ბეიჯინგ დეილის” ცნობით, მოქმედი კანონმდებლობის შესაბამისად, „ინფექციური დაავადების გამომწვევის წინასწარგანზრახული გადაცემა” დაისჯება 10 წლიანი ან უვადო პატიმრობით, „განსაკუთრებულ შემთხვევებში” კი ამ კანონის დამრღვევებს სიკვდილით დასჯიან.
შესაბამისად, ჩინეთის მოქალაქეებს, რომელთაც დაუდასტურდათ კორონავირუსი ან არსებობს ეჭვი, რომ დაავადებულები არიან, ეკრძალებათ სახელმწიფოს ტერიტორიაზე გადაადგილება როგორც საჰაერო, ასევე სახმელეთო გზებით – თვითმფრინავებით, მატარებლებითა და ავტობუსებით.
სამიდან შვიდ წლამდე პატიმრობა ემუქრებათ მათ, ვინც ეპიდემისს ზონიდან დაბრუნდა, თუმცა კარანტინზე უარი თქვა. ეპიდემისს ზონიდან დაბრუნებულები იძულებულები არიან კიდევ ორი კვირა დაჰყონ მეთვალყურეობის ქვეშ კარანტინში, რომელსაც ან სახლში ან საავადმყოფოში გაატარებენ, უარის შემთხვევაში – თავისუფლების აღკვეთით დაისჯებიან.
14 თებერვალს ეპიდემიის ცენტრის, ქალაქ უხანის მთავრობამ კარანტინის რეჟიმი უფრო მეტად გაამკაცრა – ახალი კანონების თანახმად, მოქალაქეებს ერთი მიკრორაიონიდან მეორეში გადასვლა მხოლოდ უკიდურესი საჭიროების შემთხვევაში შეუძლიათ. აღსანიშნავია, რომ აკრძალვა არ შეეხებათ მათ, ვისაც გადაადგილება ექიმის დანიშნულების გათვალისწინებით სჭირდება.
16 თებერვალს გავრცელებული ცნობების თანახმად, ე.წ. კორონავირუსით გარდაცვლილთა რიცხვმა 1669 შეადგინა. ინფიცირებულთა რაოდენობამ ჩინეთში 68 500 გადააჭარბა, ხოლო მთელი მსოფლიოს მასშტაბით სულ 69 264 ადამიანია დაავადებული.
15 თებერვალს ევროპაში პირველი ადამიანი შეეწირა კორონავირუსს – საფრანგეთში 80 წლის ტურისტი გარდაიცვალა, რომელიც ჩინეთიდან იყო ჩამოსული. იგი ხუბეის პროვინციიდან 16 იანვარს ჩავიდა საფრანგეთში და 25 იანვარს კორონავირუსის სიმპტომებით საავადმყოფოში გადაიყვანეს, თუმცა მისი გადარჩენა ვერ მოხერხდა.
ასმის პარალელურად, ამერიკის ბიოტექნოლოგიური კომპანია აცხადებს, რომ კორონავირუსის ვაქცინა სამ საათში შექმნა მას შემდეგ, რაც ინფექციასთან დაკავშირებული შესაბამისი კვლევის შედეგი მიიღო. ინფორმაციას ტელეკომპანია „ფოქსი” ავრცელებს.
ვაქცინაზე მომუშავე მეცნიერების ინფორმაციით, კორონავირუსის ვაქცინის ტესტრებას ზაფხულში დაიწყება. კორონავირუსის საწინააღმდეგო ვაქცინა სან-დიეგოს ლაბორატორიაში შეიქმნა:
„ვაქცინის შექმნა ძალიან სწრაფად შევძელით, მას შემდეგ, რაც ვირუსის დნმ შედეგი მივიღეთ. ახლა, ჩვენი მიზანია, მისი ტესტირება აშშ-ში, უკვე ზაფხულში დავიწყოთ”, – აცხადებენ მეცნიერები.
წყარო: “რეზონანსი”