ჩინეთში გავრცელებული კორონავირუსი, რომელმაც უკვე 100 ადამიანის სიცოცხლე შეიწირა, iPhone-ების წარმოებას აფერხებს.  Bloomberg-ის მონაცემებით,  ჩინეთის ხელისუფლების მიერ მიმოსვლაზე შეზღუდვების დაწესებამ Apple-ის საწარმოო ჯაჭვში რღვევები შეიტანა.

„ვერ წარმომიდგენია სცენარი, რომლის შემთხვევაშიც მიწოდების ჯაჭვი არ გაირღვევა, ამისთვის საკმარისია ნედლეულის, წარმოების, ტესტირებისა და მიწოდების მცირე სერიოზული შეფერხებაც კი“ - განუცხადა Bloomberg-ს ანალიტიკოსმა პატრიკ მურხედმა.

თითქმის ყველა iPhone-ი ჩინეთში ჩენჭოუსა და შანხაის მიმდებარე ტერიტორიებზე იწარმოება.  ორივე წარმოება ქალაქ უხანიდან 500 კილომეტრში მდებარეობს, სწორედ აქ დაფიქსირდა პირველი კორონავირუსი.

სააგენტო იუწყება რომ Apple-ი, როგორც წესი ახალი ფლაგმანური მოდელების წარმოებას სექტემბერში იწყებს,  ამიტომაც მათ  გეგმებზე ვირუსი ნაკლებად მოახდენს გავლენას, მაგრამ თებერვალში კომპანია ახალი, იაფი iPhone-ის წარმოებას იწყებს და ეს გეგმები ნამდვილად  ჩაშლის პირასაა.

Apple-ის ჩინეთის საწარმოში სულ 10 000 თანამშრომელია. თუმცა  Ipad-ის,  Iphone-ის და Apple Watch-ის წარმოებაში რამდენიმე მილიონი ადამიანია ჩართული. ჩინეთის ხელისუფლებამ შეზღუდვები დააწესა მიმოსვლებზე და უხანის მთელი ქალაქი იზოლაციაში მოაქცია,  რომლის მოსახლეობა 11 მილიონ ადამიანს შეადგენს.

Apple-ი საკითხზე არ საუბრობს, თუმცა Bloomberg-ის  წყაროს ინფორმაციით Apple-ი  მსგავსი ექსტრემალური სიტუაციებისთვის მზადაა. 2011 წელს იაპონიის მიწისძვრისა და ცუნამის შემდეგ Apple-მა მოითხოვა,  რომ ძირითადი კომპონენტები ორი სხვადასხვა მომწოდებელი ქვეყნის მიერ მზადდებოდეს და გეოგრაფიულად დაშორებული იყოს ერთმანეთისგან.

forbes.ru