ჩეჩნეთში კავკასიის ყველაზე მაღალი და რუსეთის ერთ-ერთი ყველაზე მაღალი ცათამბჯენის მშენებლობა დაიწყო

ჩეჩნეთში კავკასიის ყველაზე მაღალი და რუსეთის ერთ-ერთი ყველაზე მაღალი ცათამბჯენის მშენებლობა დაიწყო

access_time2019-03-15 20:00:34


ჩეჩნეთის დედაქალაქის ცენტრში დაიწყო ცათამბჯენის მშენებლობა, რომელიც იქნება ყველაზე მაღალი კავკასიაში და ერთ-ერთი ყველაზე მაღალი რუსეთში.  




მდინარე სუნჟას სანაპიროზე, სადაც უკვე დგას კომპლექსი Grozny City, 2-3 წელიწადში გაჩნდება 435-მეტრიანი და 102-სართულიანი შენობა, რომელსაც ერქმევა Akhmat-tower, რესპუბლიკის დღევანდელი პრეზიდენტის, რამზან კადიროვის მამის, ახმატ კადიროვის პატივსაცემად.


სავარაუდოდ, ის იქნება უფრო მაღალი, ვიდრე რუსეთის, მათ შორის მოსკოვის, ყველა ცათამბჯენი და დაუთმობს პირველობას მხოლოდ სანქტ-პეტერბურგის ერთ-ერთ ბიზნეს-ცენტრს.


გრანდიოზული მშენებლობის ღირებულება შეადგენს 1 მლრდ დოლარს, იმის მიუხედავად, რომ თავდაპირველად საუბარი იყო მხოლოდ 500 მლნ-ზე. თუმცა, გროზნოს მერის მუსლიმ ხუჩიევის თქმით, კოშკის მშენებლობაზე არ დაიხარჯება არც ერთი კაპიკი ბიუჯეტიდან - საუკუნის პროექტს დააფინანსებენ მხოლოდ კერძო სპონსორები.


ცათამბჯენს 19 ჰექტარ ტერიტორიაზე აშენებს კომპანია ემირატებიდან, რომელმაც ააშენა განთქმული „ბურჯ-ჰალიფა“ დუბაიში, პროექტი ეკუთვნის რუს არქიტექტორ ალექსანდრ ზუსიკს.



მშენებლობას კურირებს რესპუბლიკაში გავლენით მეორე ადამიანი, კადიროვის დეიდაშვილი, რუსეთის სახელმწიფო სათათბიროს დეპუტატი და პრეზიდენტთან ყველაზე დაახლოვებული ადამიანი ადამ დელიმხანოვი.


Akhmat-tower-ის დიზაინში გამოიყენება ტრადიციული ჩეჩნური მოტივები - სტილისტურად ის წააგავს ოჯახურ კოშკებს, რომლებიც შენდებოდა საუკუნეების წინ და დიდი რაოდენობით შემორჩა დღესაც. შიგნით კი იქნება ოფისები, სასტუმრო, რესტორნები, სპა-კომპლექსი, ლუქს-კატეგორიის საცხოვრებელი ბინები.


სპეციალური გადასასვლელი დააკავშირებს ცათამბჯენს რუსეთის სამხრეთ რეგიონში ყველაზე დიდ სავაჭრო ცენტრთან Grozny-moll-თან, რომელიც ასევე მშენებლობის სტადიაზეა.


მშენებლობისთვის მზადება დაიწყო 2016 წელს, თუმცა, პროცესი მიმდინარეობს ნელი ტემპებით. პროექტის რეალიზაციის ზუსტი ვადები ჯერ უცნობია, თუმცა, სავარაუდოდ, შენობა 2020 წელს იქნება მზად.




პროექტისადმი დამოკიდებულება რესპუბლიკაში არაერთგვაროვანია. რა თქმა უნდა, ვერავინ ბედავს ამ ახირების წინააღმდეგ ღიად წასვლას - ეს შეუძლებელია ჩეჩნეთში გამეფებული უსასტიკესი დიქტატურის გამო, თუმცა, უკმაყოფილება არსებობს.


მაგალითად, სეისმოლოგები მიიჩნევენ, რომ მშენებლობა მიმდინარეობს საშიშ ზონაში, სადაც შესაძლებელია ძლიერი მიწისძვრა, ამიტომაც იქ არ შეიძლება ასეთი მაღალი შენობის აგება.


რიგით გროზნოელებს აშინებთ ის, რომ მომავალი გიგანტი დაფარავს ევროპაში ყველაზე დიდ მეჩეთს, სახელად „ჩეჩნეთის გული“. ბევრი ვარაუდობს. რომ მშენებლობის პროცესში დაზიანდება 90-ან წლებში დაყენებული სტალინური დეპორტაციის მსხვერპლთა მემორიალი.


ჩეჩნები აღიქვამენ ამ პროექტს, როგორც კადიროვების საგვარეულო კოშკის მშენებლობას - ეს არის ძველი ჩეჩნური ტრადიცია - ძლევამოსილმა გვარმა აუცილებლად უნდა ააშენოს დიდი და შთამბეჭდავი კოშკი, რომლითაც მას საუკუნეების მანძილზე გაიხსენებენ.


არის კიდევ ერთი მხარე - 102-სართულიანი ცათამბჯენი სრულიად უფუნქციოა რესპუბლიკისთვის, სადაც მოსახლეობა ცხოვრობს სოფლური ცხოვრებს წესით, სადაც არაა არც ინდუსტრია, არც საერთაშორისო, ან თუნდაც რუსული კომპანიების ოფისები( დიდი რაოდენობით), არ არის გართობის თანამედროვე კულტურა და არ არიან ტურისტები.


მეტიც, უკვე არსებული, ბევრად უფრო მოკრძალებული და დაბალსართულიანი კომპლექსი Grozny City დღესაც კი თითქმის ცარიელი და აუთვისებელია.






რომან კაკულია: სახელფასო პოლიტიკა მთლიანად ქვეყანაში უნდა იყოს სამართლიანი

რომან კაკულია: სახელფასო პოლიტიკა მთლიანად ქვეყანაში  უნდა იყოს სამართლიანი
access_time2019-03-25 18:30:48
“სახელფასო პოლიტიკა, მთლიანად ქვეყანაში  უნდა იყოს სამართლიანი და ასე ამოგლეჯილად, სხვადასხვა სფეროს ხელფასების განხილვა, არ არის სწორი. თუ მაღალ პასუხისმგებლობას, რაღაც საფრთხეებს ცდუნებასთან მიმართებაში  კრიტერიუმად ავიღებთ, მაშინ არც პარლამენტარის წინაშე არსებული ცდუნებებია დაბალი და ამ გაგებით მაშინ დეპუტატების ხელფასიც უნდა გაიზარდოს. ეს თეორიული განცხადებაა და არამც და არამაც არ ვგულისხმობ დეპუტატებისთვის ხელფასის გაზრდას,“ - ასე განმარტა დარგობრივი ეკონომიკისა და ეკონომიკური...

კრიპტოსამყაროს მთავარი საიდუმლო: ვინ შექმნა ბიტკოინი?

კრიპტოსამყაროს მთავარი საიდუმლო: ვინ შექმნა ბიტკოინი?
access_time2019-03-25 20:00:34
ბიტკოინი შემქნელის ირგვლივ არსებობს ძალიან ბევრი თეორია, თუმცა მათ ყველას აკლია მთავარი - მყარი მტკიცებულებები. თუმცა, შესაძლებელია ამ საიდუმლოს ფარდა სულ მალე აიხადოს. პირველი კრიპტოვალუტა 10 წლის წინ გაჩნდა, დღეს კი ვირტუალური ფულის ბაზარი მილიარდებს ითვლის, სხვადასხვა კრიპტოვალუტების რაოდენობამ გადააჭარბა 2100-ს, ხოლო განვითარებული ქვეყნების მთავრობები სერიოზულად დაფიქრდნენ ბლოკჩეინის ტექნოლოგიაზე. თუმცა, დღემდე უცნობია, ვინ დგას...

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“
access_time2019-03-25 17:00:51
სავალდებულო ავტოდაზღვევას სკეპტიკოსები ხელისუფლებაშიც გამოუჩნდნენ. იმ ფონზე, როცა სადაზღვევო ინდუსტრიის წარმომადგენლები და დეპუტატები სავალდებულო ავტოდაზღვევის აუცილებლობაზე მსჯელობენ,  პარლამენტის წევრების ნაწილი ფიქრობს, რომ ასეთი ვალდებულება მოსახლეობის სოციალურ ტვირთს დაამძიმებს და შეიძლება უკმაყოფილების მიზეზიც გახდეს. „ქართული ოცნების“  წევრმა ლევან კობერიძემ დარგობრივი ეკონომიკის კომიტეტის სხდომაზე განაცხადა, რომ სავალდებულო დაზღვევა...

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“
access_time2019-03-25 19:00:56
„ხელისუფლების უნიათობის ერთ-ერთი ნათელი მაგალითია  “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი,“ - ასე აფასებს  იუსტიციის უმაღლესი საბჭოს არამოსამართლე წევრი ანა დოლიძე „ქართული ოცნების“  კიდევ ერთ  შეუსრულებელ დაპირებას.  როგორც ცნობილის, „ცენტ-პოინტის“ მენაშენე, თითქმის 5 ათასი ოჯახი  (დაახლოებით 10 ათასი ადამიანი) კვლავ პრობლემის მოგვარებას და ზარალის ანაზღაურებას ითხოვს. ამ...

„მთაწმიდაზე, MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“

„მთაწმიდაზე,  MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“
access_time2019-03-25 13:30:14
მთაწმიდაზე, წმინდა მიხეილ ტვერელის სახელობის ეკლესია საფრთხეშია - განცხადებას სოციალურ ქსელში არსამთავრობო ორგანიზაცია „ტფილისის ჰამქარი“ ავრცელებს.   ირკვევა, რომ წმინდა მიხეილ ტვერელის სახელობის ეკლესიის ქვეშ, მთაწმინდის ძირში, ზალდასტანიშვილის ქუჩის მიმდებარედ  MKdevelopment კორპუსის მშენებლობას იწყებს.  „რამდენიმე დღეა ტვერელის ეკლესიასთან მიმდიდინარეობს სრულიად კანონიერი სამუშაოები! კანონიერი იმიტომ, რომ...


მსგავსი სიახლეები

up